CNI Sport News
၂၀၂၂ ခုနှစ်၊ အောက်တိုဘာ ၂၇
ဘာစီလိုနာအသင်းနည်းပြ ဇာဗီက ချန်ပီယံလိဂ်ကနေ ထွက်ခဲ့ရပြီးနောက် အုပ်စုတွင်းအခက်အခဲကို ထောက်ပြ လိုက်ပြီး ဒီအုပ်စုက အလွန်ရှုပ်ထွေးတယ်လို့ ပြောလိုက်ပါတယ်။
ဇာဗီက “အမှန်တကယ်ဖြစ်ခဲ့တာကို ကျနော်တို့ ရင်ဆိုင်ရမှာပါ။ဒီနေ့မှာ ကျနော်တို့ သူတို့ကို မယှဉ်နိုင်ခဲ့ပါဘူး။ မြူးနစ်မှာတုန်းက ကျနော်တို့ ပိုကောင်းခဲ့ပေမယ့် ဒီနေ့မှာတော့ ဘိုင်ယန်က ပိုပြီးကောင်းခဲ့ပါတယ်။ဒီအုပ်စုက အလွန်ရှုပ်ထွေးပြီး ချန်ပီယံလိဂ်မှာ အရာအားလုံးက ကျနော်တို့အတွက် ဖြစ်သွားခဲ့ပါတယ်” လို့ ပြောခဲ့တာပါ။
ဘာစီလိုနာအသင်းဟာ အိမ်ကွင်းမှာ ကစားခဲ့တဲ့ ချန်ပီယံလိဂ်အုပ်စုပွဲမှာ ဘိုင်ယန်မြူးနစ်အသင်းကို ၃ ဂိုး- ဂိုးမရှိနဲ့ အရေးနိမ့်ခဲ့တာဖြစ်ပါတယ်။ဘာစီလိုနာအသင်းဟာ ဒီပွဲမှာ ဂိုးပေါက်ကန်သွင်းမှုရှိခဲ့ပေမယ့် ဂိုးပေါက်တည့်မှု ၁ ကြိမ်မှမရှိခဲ့ပါဘူး။စပိန်ကလပ်ဟာ ဒီပွဲမတိုင်ခင်ကစားခဲ့တဲ့ အင်တာမီလန်အသင်းက ပလာဇန်အသင်းကို ဂိုးပြတ် အနိုင်ရတဲ့ ပွဲပြီးကတည်းက ချန်ပီယံလိဂ်အုပ်စုအဆင့်ကနေ ထွက်ခွာရဖို့က သေချာသွားခဲ့တာဖြစ်ပါတယ်။
ဘာစီလိုနာအသင်းဟာ ချန်ပီယံလိဂ်အုပ်စုအဆင့်က ထွက်ခဲ့ရပြီး ယူရိုပါလိဂ်ပြိုင်ပွဲကို ၂ နှစ်ဆက်တိုက် ကစားရ တော့မှာပါ။ဇာဗီက “ကျနော်တို့ အရင်ပွဲတွေမှာ လုပ်ခဲ့မိတဲ့ အမှားတွေက အခုလိုအခြေအနေကို ရောက်သွားတဲ့ အဓိကအကြောင်းအရင်းပါပဲ။ကျနော်တို့ဟာ တကယ်ကို ဆိုးရွားတဲ့ ခံစားချက်နဲ့ ထွက်ခွာခဲ့ရပေမယ့် ပြန်လည် ချိတ်ဆက်ပြီး ကျန်တဲ့ ဆုဖလားတွေအတွက် တိုက်ပွဲဝင်သွားရမှာပါ” လို့ ပြောခဲ့ပါတယ်။
ဘာစီလိုနာအသင်းဟာ အခုနှစ်ရာသီအသင်းအောင်မြင်မှုတွေရဖို့အတွက် ကစားသမားသစ်တွေ အများ အပြားဖြည့်တင်းခဲ့ပေမယ့် အခုလို ချန်ပီယံလိဂ်က ထွက်ခွာခဲ့ရတာကြောင့် ယူရိုသန်း ၂၀ ဝန်းကျင် ဆုံးရှုံး ရနိုင်တယ်လို့ သိရပါတယ်။ဘာစီလိုနာအသင်းဟာ ချန်ပီယံလိဂ်က ထွက်ခဲ့ရပြီးနောက် လာလီဂါပြိုင်ပွဲကို အာရုံစိုက်ရတော့မှာဖြစ်ပြီး ထိပ်ဆုံးက ဦးဆောင်နေတဲ့ ရီးရယ်လ်အသင်းနဲ့ ၃ မှတ်ကွာဟနေတာ ဖြစ်ပါတယ်။
ဘာစီလိုနာအသင်းဟာ စနေနေ့မှာ စပိန်လာလီဂါပွဲစဉ်အဖြစ် ဗလင်စီယာအသင်းနဲ့ ယှဉ်ပြိုင်ရမှာ ဖြစ်ပါတယ်။
Source:Goal
