CNI News
၂၀၂၂ ခုနှစ်၊ သြဂုတ် ၂၁
ပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO)၊ ရခိုင်ပြည်လွတ်မြောက်ရေးပါတီ(ALP)၊ လားဟူဒီမိုကရက် တစ် အစည်းအရုံး(LDU)မှ ခေါင်းဆောင်များသည် နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံ၍ ငြိမ်းချမ်းရေး ဆွေးနွေးရန် သြဂုတ် ၂၁ ရက်က နေပြည်တော်သို့ ရောက်ရှိလာခဲ့သည်။
ထို့နောက် တွေ့ဆုံ ဆွေးနွေးမှုကို သြဂုတ် ၂၂ ရက်နေ့တွင် စတင်မည်ဖြစ်ကြောင်း သိရသည်။
၂၀၂၂ ခုနှစ်၊ ဇွန်လ ၁၃ ရက်နေ့က ALP မှ ဒုဥက္ကဋ္ဌ ဒေါ်စောမြရာဇာလင်း နဲ့ ဗိုလ်ချုပ်မှူးကြီးမင်းအောင်လှိုင် တွေ့ဆုံစဉ်
PNLO အဖွဲ့ကို ဥက္ကဋ္ဌဖြစ်သူ ခွန်သူရိန်က လည်းကောင်း၊ ALP အဖွဲ့ကို ဒုဥက္ကဋ္ဌ ဒေါ်စောမြရာဇာလင်းက လည်းကောင်း၊ LDU အဖွဲ့ကို အထွေထွေအတွင်းရေးမှူး ကျာဆော်လမွန်က လည်းကောင်း ဦးဆောင် လာခဲ့ ကြောင်း သိရသည်။
ယခု တွေ့ဆုံ ဆွေးနွေးမှုသည် နစက၏ ဒုတိယအကြိမ် ငြိမ်းချမ်းရေး ဆွေးနွေးမှု ဖြစ်သည်။
၂၀၂၂ ခုနှစ်၊ ဇွန်လ ၁၅ ရက်နေ့က PNLO မှ ဒုဥက္ကဋ္ဌ ခွန်ထွန်းတင် နဲ့ ဗိုလ်ချုပ်မှူးကြီးမင်းအောင်လှိုင် တွေ့ဆုံစဉ်
ပထမအကြိမ် ငြိမ်းချမ်းရေး တွေ့ဆုံမှုကို ဇွန်လ ၁၃ ရက်နေ့က ALP မှ ဒုဥက္ကဋ္ဌ ဒေါ်စောမြရာဇာလင်း ဦးဆောင် သော ကိုယ်စားလှယ်အဖွဲ့နှင့် နစကဥက္ကဋ္ဌကြား လည်းကောင်း၊ ဇွန်လ ၁၅ ရက်နေ့က PNLO မှ ဒုဥက္ကဋ္ဌ ခွန်ထွန်းတင် ဦးဆောင်သော ကိုယ်စားလှယ်အဖွဲ့နှင့် နစကဥက္ကဋ္ဌကြား လည်းကောင်း၊ ဇူလိုင် ၇ ရက်နေ့က LDU မှ အထွေထွေအတွင်းရေးမှူး ကျာဆော်လမွန် ဦးဆောင်သော ကိုယ်စားလှယ်နှင့် နစကဥက္ကဋ္ဌကြား လည်းကောင်း အသီးသီး တွေ့ဆုံ ထားပြီး ဖြစ်သည်။
