CNI News
၂၀၂၂ ခုနှစ်၊ သြဂုတ် ၈
ယနေ့ (သြဂုတ် ၈ ရက်)တွင် ကျရောက်သည့် “၈”လေးလုံးအရေးတော်ပုံ ၃၄ နှစ်မြောက် အထိမ်းအမှတ် အနေဖြင့် ရန်ကုန်လူထုသပိတ်က “၈”လေးလုံး ထီးသပိတ်လှုပ်ရှားမှုကို ရန်ကုန်မြို့အတွင်းနေရာ ၄ နေရာမှာ ပြုလုပ်ခဲ့ကြောင်း ထုတ်ပြန်ခဲ့သည်။
“၈”လေးလုံး အရေးတော်ပုံ အထိမ်းအမှတ် ထီးသပိတ် လှုပ်ရှားမှုကို ဆူးလေ လူကူးကုန်းတံတား၊ ဗိုလ်ချုပ်ဈေး၊ အင်းလျား ကန်ဘောင်နှင့် လှည်းတန်းတို့မှာ ပြုလုပ်ခဲ့သည်။
“ “၈” လေးလုံးရေးဆွဲထားသော ထီးများဖြင့် ရန်ကုန်လူထုသပိတ်မှ စစ်အာဏာရှင် ဆန့်ကျင်ရေး လှုပ်ရှားမှုကို ပြုလုပ်ခဲ့ သည်။ လူထုလူတန်းစား တစ်ရပ်လုံးက စစ်အာဏာရှင်စနစ်ကို ဆန့်ကျင်တော်လှန်ခ့ကြသော “၈”လေးလုံးအရေးတော်ပုံ ကြီးမှသည် ယခု ၂၀၂၁ နွေဦးတော်လှနေရးအထိ စစ်အာဏာရှင် ဆန့်ကျင်ရေးတိုက်ပွဲဟာ မပြီးဆုံးသေးဘဲ နှစ်ပေါင်း ၇၀ ကျော် ကြာမြှင့်ခဲ့ပြီ ဖြစ်ပါသည်” ဟု ရန်ကုန်လူထုသပိတ်က ထုတ်ပြန်ထားသည်။
ထို့ကြောင့် မိမိတို့အား ချုပ်ကိုင်ခြယ်လှယ်နေသော စစ်တပ်ကို အမြစ်ပါမကျန် ရှင်းလင်းဖို့ လူထုလူတန်းစားတစ်ရပ်လုံး အတူတူ တော်လှန်မျိုးဆက် ပုန်ကန် ရုန်းထွက်ဟု ရန်ကုန်လူထုသပိတ်၏ ထုတ်ပြန်ချက်မှာ ဖော်ပြထားသည်။
