CNI News
၂၀၂၆ ခုနှစ်၊ မတ်လ ၃
မြန်မာနိုင်ငံ၊ ရန်ကုန်မြို့ ပြည်သူ့ရင်ပြင်ရှိ အာကာသပြတိုက်(ရန်ကုန်)တွင် အခမ်းအနားဆုံး အာကာသဆိုင်ရာ ပန်းချီ/ကာတွန်း/ပိုစတာပြိုင်ပွဲကို ၂၀၂၆ ခုနှစ်၊ ဖေဖော်ဝါရီ ၂၇ ရက်မှ မတ်လ ၃ ရက်အထိ ကျင်းပခဲ့သည်။
အဆိုပါ ပြိုင်ပွဲကို ရန်ကုန်တိုင်းဒေသကြီးအစိုးရအဖွဲ့၊ မြန်မာအာကာသအေဂျင်စီနှင့် အာကာသပြတိုက်(ရန်ကုန်) တို့က ကြီးမှူးကျင်းပခြင်းဖြစ်ပြီး ပြိုင်ပွဲတွင် အခြေခံပညာအဆင့် ပြိုင်ပွဲဝင် ကျောင်းသား/သူ ၆၀၀၀ ကျော် ပါဝင် ယှဉ်ပြိုင်ခဲ့ခြင်းဖြစ်သည်။
ပြိုင်ပွဲတွင် ယှဉ်ပြိုင်ခဲ့ရသော ခေါင်းစဉ်များမှာ အခြေခံပညာ မူလတန်းအဆင့်အတွက် အာကာသသူရဲကောင်း၊ အခြေခံပညာ အလယ်တန်းအဆင့်အတွက် စူးစမ်းလေ့လာအာကာသကမ္ဘာ၊ အခြေခံပညာအထက်တန်း အဆင့်အတွက် အနာဂတ်အာကာသနည်းပညာ စသည်တို့ ဖြစ်သည်။
ထို့နောက် ပြိုင်ပွဲတွင် ကျောင်းသား/သူ ၁၁၇ ဦး ဆုရရှိခဲ့သည်။
ထို့ပြင် ပြိုင်ပွဲတွင် အခြေခံပညာ မူလတန်းအဆင့် ဆုရရှိသူများကို ပထမဆု ၅ သိန်းကျပ်၊ ဒုတိယဆု ၄ သိန်းကျပ်၊ တတိယဆု ၃ သိန်းကျပ်၊ အထူးဆု ၂ သိန်းကျပ်စီဖြင့် ၁၀ ဆု၊ အခြေခံပညာ အလယ်တန်းအဆင့်တွင် ပထမဆု ၇ သိန်းကျပ်၊ ဒုတိယဆု ၆ သိန်းကျပ်၊ တတိယဆု ၅ သိန်းကျပ်၊ အထူးဆု ၃ သိန်းကျပ်စီဖြင့် ၁၀ ဆုတို့ကို ချီးမြှင့်ခဲ့ သည်။
အလားတူ အခြေခံပညာ အထက်တန်းအဆင့် ဆုရရှိသူများကိုလည်း ပထမဆု ၁၀ သိန်းကျပ်၊ ဒုတိယဆု ၉ သိန်း ကျပ်၊ တတိယဆု ၈ သိန်းကျပ်၊ အထူးဆု ၅ သိန်းကျပ်စီဖြင့် ၁၀ ဆု ချီးမြှင့်ခဲ့သည်။
