CNI International News
ဟောင်ကောင်၊ ဒီဇင်ဘာ ၂
ဟောင်ကောင်တွင် ဆယ်စုနှစ်များအတွင်း အဆိုးရွားဆုံး မီးလောင်မှုဖြစ်သည့် အထပ်မြင့် အိမ်ရာများ မီးလောင်မှု အတွင်း သေဆုံးခဲ့သူများအနက် အင်ဒိုနီးရှားအိမ်အကူ ၉ ဦးအထိ ပါဝင်ခဲ့ကြောင်း South China Morning Post မှ ဖော်ပြခဲ့သည်။
နိုဝင်ဘာ ၂၆ ရက်က ဟောင်ကောင်၏ တိုင်ပို (Tai Po) မြို့ရှိ အထပ်မြင့် လူနေအဆောက်အအုံများ မီးလောင်မှု ကြောင့် သေဆုံးသူ ၁၅၀ ကျော်အထိ ရှိလာချိန်တွင် သေဆုံးသူများအနက် အင်ဒိုနီးရှား အိမ်အကူ ၉ ဦး ပါဝင်ခဲ့ပြီး ၃၆ ဦး ပျောက်ဆုံးနေဆဲဖြစ်ကြောင်း ဟောင်ကောင်ရှိ အင်ဒိုနီးရှားကောင်စစ်ဝန်ရုံးက ထုတ်ပြန်ခဲ့သည်။
ဟောင်ကောင်မီးလောင်မှု သေဆုံးသူများကို ဂါဝရပြုနေစဉ်
ဟောင်ကောင်အစိုးရက ထိုမီးလောင်မှုကြောင့် ထိခိုက်ခဲ့ရသည့် အိမ်ထောင်စုပေါင်း ၁၇၀၀ ကျော်ကို အရေးပေါ် ထောက်ပံ့ငွေ ဟောင်ကောင်ဒေါ်လာ ၁၀,၀၀၀ (အမေရိကန်ဒေါ်လာ ၁၂၈၄ ) စီ ထောက်ပံ့ပေးခဲ့ကြောင်း ကြေညာ ချက်ခဲ့သည်။
ဟောင်ကောင်ရှိ အင်ဒိုနီးရှားကောင်စစ်ဝန်ရုံး ဝန်ထမ်းများကလည်း ကယ်ဆယ်ရေးစခန်းများ ဆေးရုံများသို့ သွားရောက်ခဲ့ပြီး အင်ဒိုနီးရှားနိုင်ငံသားများနှင့် ပတ်သက်သည့် သတင်းကို စုံစမ်းလေ့လာလျက်ရှိသည်။
Source: South China Morning Post
