CNI News
၂၀၂၅ ခုနှစ်၊ ဧပြီ ၂
ထိုင်းနိုင်ငံ၊ ဘန်ကောက်မြို့မှာ ကျင်းပမည့် BIMSTEC ထိပ်သီး အစည်းအဝေးသို့ နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် တက်ရောက်မည်ဖြစ်ကြောင်း ၂၀၂၅ ခုနှစ်၊ ဧပြီ ၂ ရက်တွင် ထုတ်ပြန်ခဲ့သည်။
ထိုင်းနိုင်ငံက အိမ်ရှင်အဖြစ် ကျင်းပမည့် BIMSTEC အစည်းအဝေး တက်ရောက်ရန်အတွက် နစကဥက္ကဋ္ဌသည် ဧပြီ ၃ ရက်တွင် ထိုင်းနိုင်ငံသို့ သွားရောက်မည်ဖြစ်သည်။
ထို့နောက် ဧပြီ ၃ ရက်နှင့် ၄ ရက်တွင် BIMSTEC အစည်းအဝေးကို နစကဥက္ကဋ္ဌ တက်ရောက်မည်ဖြစ်သည်။
ခရီးစဉ်အတွင်း BIMSTEC အစည်းအဝေးသို့ တက်ရောက်လာကြသည့် အစိုးရအဖွဲ့အကြီး အကဲများနှင့် တွေ့ဆုံ ဆွေးနွေးရန်လည်း ရှိကြောင်း သိရသည်။
ထိုသို့ တွေ့ဆုံစဉ် မြန်မာနိုင်ငံ၌ ငလျင် သဘာဝဘေးဒဏ်ကြောင့် ဖြစ်ပေါ် ကြုံတွေ့နေရသည့် အခြေအနေများ၊ ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို ထိရောက်စွာ ဆောင်ရွက်နိုင်ရန် နိုင်ငံတကာနှင့် ပူးပေါင်း ဆောင်ရွက်နိုင်မည့် အခြေအနေများကို ဆွေးနွေးသွားမည်ဟု သိရသည်။
