CNI News
၂၀၂၅ ခုနှစ်၊ ဧပြီ ၁
မြန်မာနိုင်ငံမှာ လှုပ်ခတ်သွားသော ငလျင်ကြောင့် ထိခိုက်ခံစားရသော ပြည်သူများအတွက် စစ်ရေယာဉ် ၂ စီးဖြင့် တန်ချိန် ၄၀ ပါ လူသားချင်း စာနာထောက်ထားမှု အကူအညီများကို အိန္ဒိယနိုင်ငံက ၂၀၂၅ ခုနှစ်၊ မတ်လ ၃၁ ရက် တွင် ပေးအပ်ခဲ့သည်။
မတ်လ ၂၈ ရက်က မြန်မာနိုင်ငံမှာ လှုပ်ခတ်သွားခဲ့သော ငလျင်ကြောင့် စစ်ကိုင်းတိုင်းဒေသကြီး၊ မကွေးတိုင်းဒေသ ကြီး၊ မန္တလေးတိုင်းဒေသကြီး၊ နေပြည်တော်ကောင်စီနယ်မြေနှင့် ရှမ်းပြည်နယ်အရှေ့မြောက်ဒေသများမှ ငလျင် ဘေးသင့် ပြည်သူများအတွက် အိန္ဒိယက လူသားချင်း စာနာထောက်ထားမှုအကူအညီများ ပေးအပ်ခဲ့သည်။
အိန္ဒိယအစိုးရသည် ငလျင်ဘေးသင့် ပြည်သူများအား ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်း များ ဆောင်ရွက်ရာတွင် အသုံးပြုနိုင်ရန်အတွက် ကူညီကယ်ဆယ်ရေးပစ္စည်းများနှင့် စားသောက်ဖွယ်ရာများ တင် ဆောင်လာသော အိန္ဒိယရေတပ်မှ စစ်ရေယာဉ် INS SatpuraF-48) နှင့် INS Savitri(P-53) တို့သည် မတ်လ ၃၁ ရက်က မွန်းလွဲ ၂ နာရီခွဲက ရန်ကုန်မြို့သို့ ရောက်ရှိခဲ့သည်။
ထို့နောက် အိန္ဒိယသံအမတ်ကြီးက ရန်ကုန်တိုင်းဝန်ကြီးချုပ် ဦးစိုးသိန်းကို လူသားချင်းစာနာထောက်ထားမှု အကူအညီပစ္စည်းများ လွှဲပြောင်းပေးအပ်ခဲ့သည်။
အိန္ဒိယမှ ပေးအပ်သော အကူအညီပစ္စည်းများမှာ အသင့်စားခေါက်ဆွဲ၊ အာဟာရပြည့် ဘီစကွတ်၊ ပလက်စတစ်ပုံး၊ ပလက်စတစ်ရေခွက်၊ တကိုယ်သုံးပစ္စည်းများ၊ ရွက်ဖျင်တဲ၊ တာပေါ်လင်စ၊ အဝတ်အထည်များ၊ သန့်ရှင်းရေးသုံး ပစ္စည်းများနှင့် ဆေးဝါးများ ပါဝင်သည့် စုစုပေါင်း တန်ချိန် ၄၀ တန့်ခန့်ဖြစ်သည်။
အလားတူ အိန္ဒိယအစိုးရသည် ငလျင်ဘေး ကူညီကယ်ဆယ်ရေးအဖွဲ့များကို စေလွှတ်၍လည်း ပိတ်မိနေသော ပြည်သူများကို ကယ်ထုတ်လျက်ရှိနေသည်။