CNI News
၂၀၂၁ ခုနှစ်၊ အောက်တိုဘာ ၂၄
၈၈ မျိုးဆက် ငြိမ်းချမ်းရေးနှင့်ပွင့်လင်းလူ့အဖွဲ့အစည်းက ကိုဂျင်မီကို လုံခြုံရေးတပ်ဖွဲ့ဝင်များက ၂၀၂၁ ခုနှစ်၊ အောက်တိုဘာ ၂၃ ရက်နေ့ ညပိုင်းမှာ ဖမ်းဆီးခံလိုက်ရခြင်းဖြစ်သည်ဟု ဇနီးဖြစ်သူ မနီလာသိန်းက သူ၏ လူမှုကွန်ယက်စာမျက်နှာကနေတဆင့် ရေးသားပြောကြား ထားသည်။
ကိုဂျင်မီသည် ရန်ကုန်တိုင်းဒေသကြီး၊ မြောက်ဒဂုံမြို့နယ်မှာ ဖမ်းဆီးခံခဲ့ရခြင်း ဖြစ်သည်။
ဇနီးဖြစ်သူ မနီလာသိန်းက " ၂၃ ရက် ညပိုင်းမှာ မြောင်ဒဂုံမှာ ကိုဂျင်မီကို စကစတွေ ဖမ်းဆီးသွားပါတယ်။ အသက်အန္တရာယ်ကို စိုးရိမ်ပါတယ်။ စကစ ဖမ်းဆီးမှုနောက်ပိုင်းဖြစ်ပေါ် လာတဲ့ အခြေအနေအားလုံးကို တာဝန်ယူဖြေရှင်းရမယ်"ဟု သူ၏ လူမှုကွန်ယက်စာမျက်နှာမှာ ရေးသားထားသည်။
ကိုဂျင်မီသည် နွေဦးတော်လှန်ရေးတွင် တက်တက်ကြွကြွပါဝင်သူဖြစ်ပြီး ၈၈ အရေးအခင်းကနေ ပေါက်ဖွားလာသော ၈၈ မျိုးဆက် ကျောင်းသားခေါင်းဆောင် တစ်ဦးလည် ဖြစ်သည်။
