CNI News
၂၀၂၃ ခုနှစ်၊ မေလ ၃၀
ရှမ်းပြည်နယ်(အရှေ့မိုင်း) မိုင်းလားမြို့မှာ အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှု ညှိနှိုင်း ရေးကော်မတီ(NSPNC)နှင့် မြောက်ပိုင်းသုံးဖွဲ့(AA-MNDAA-TNLA)တို့ တွေ့ဆုံ၍ ငြိမ်းချမ်းရေး လုပ်ငန်းစဉ်များ ကို ဆွေးနွေးကြမည် ဖြစ်သည်။
အဆိုပါ တွေ့ဆုံမှုကို ဇွန်လ ၁ ရက်နေ့တွင် စတင်မည်ဖြစ်ကြောင်း၊ တရုတ်နိုင်ငံ၏ ကြားဝင် ညှိနှိုင်းပေးမှုဖြင့် တွေ့ဆုံကြမည် ဖြစ်ကြောင်း သတင်းထုတ်ပြန်ခဲ့သည်။
မြန်မာနိုင်ငံအမှန်တရားနှင့် တရားမျှတသော အမျိုးသားပါတီ(MNTJP/MNDAA)၊ ပလောင်ပြည်နယ်လွတ် မြောက်ရေးတပ်ဦး(PSLF/TNLA)၊ ရက္ခိုင်အမျိုးသားအဖွဲ့ချုပ်(ULA/AA)မှ ခေါင်းဆောင်များသည် မိုင်းလားမြို့သို့ ၂၀၂၃ ခုနှစ်၊ မေလ ၃၀ ရက်နေ့က ရောက်ရှိခဲ့ကြသည်။
အလားတူ တရုတ်နိုင်ငံ၊ ယူနန်ပြည်နယ် နိုင်ငံခြားရေးရာ အထူးသံတမန် မစ္စတာ ကောပေါင်လည်း မိုင်းလားမြို့ သို့ ရောက်ရှိနေပြီဖြစ်ကြောင်း၊ ဆွေးနွေးပွဲ အောင်မြင်စွာ ဖြစ်မြောက်ရေးအတွက် တရုတ်နိုင်ငံက ကိုယ်စား လှယ် အဖြစ် ပါဝင်သွားမည်ဖြစ်ကြောင်း သိရသည်။
