CNI Sport News
၂၀၂၆ ခုနှစ်၊ ဧပြီ ၁
အီရတ်အသင်းဟာ ကမ္ဘာ့ဖလား ပလေးအော့ဖ် ဗိုလ်လုပွဲမှာ ဘိုလီးဗီးယားအသင်းကို ၂ ဂိုး-၁ ဂိုးနဲ့ အနိုင်ရခဲ့ တာကြောင့် ၁၉၈၆ နောက်ပိုင်း နှစ်ပေါင်း ၄၀ အကြာမှာ ကမ္ဘာ့ဖလားပြိုင်ပွဲကို ယှဉ်ပြိုင်ခွင့် ရရှိခဲ့ပါတယ်။
အီရတ်အသင်းဟာ ၂၀၂၆ ကမ္ဘာ့ဖလားပြိုင်ပွဲကို ဝင်ရောက် ယှဉ်ပြိုင်ခွင့်ရတဲ့ နောက်ဆုံး အသင်းလည်း ဖြစ်ခဲ့ တာပါ။
အီရတ်အသင်းဟာ ကမ္ဘာ့ဖလားပြိုင်ပွဲရဲ့ အုပ်စု I မှာ ပြင်သစ်၊ နော်ဝေ၊ ဆီနီဂေါအသင်းတို့နဲ့ တစ်အုပ်စုတည်း ကျရောက်နေတာကြောင့် အုပ်စုကျပ်ထဲ ကျရောက်နေတာ ဖြစ်ပါတယ်။
အီရတ်အသင်းနည်းပြ ဂရေဟမ်အာနိုးလ်က စစ်မှန်တဲ့ တိုက်ပွဲဝင် စိတ်ဓါတ်နဲ့တိုက်ပွဲဝင်ခဲ့တဲ့ ကစားသမားတွေကို ဂုဏ်ပြုကြောင်းနဲ့ သူတို့ကြောင့် ဒီလိုအောင်မြင်မှု ရခဲ့တာလို့ ပြောခဲ့ပါတယ်။
အီရတ်အသင်းကို တွေ့ရစဉ်
ဒါ့အပြင် ဂရေဟမ်အာနိုးလ်က ကောင်းမွန်စွာ ကစားခဲ့တဲ့ ဘိုလီးဗီးယားအသင်းကို အသိအမှတ်ပြုရမှာ ဖြစ်သလို ဒီနိုင်ပွဲကြောင့် လူပေါင်း ၄၆ သန်းကို ပျော်ရွှင်စေခဲ့တဲ့အတွက် သူပျော်ရွှင်တယ်လို့ ပြောခဲ့တာပါ။
အီရတ်အသင်းဟာ ၁၉၈၆ ခုနှစ်က မက္ကဆီကိုနိုင်ငံမှာ ကျင်းပတဲ့ ကမ္ဘာ့ဖလားပြိုင်ပွဲ တစ်ကြိမ်တည်းကိုသာ ဝင်ရောက်ယှဉ်ပြိုင်ခဲ့ပြီး အုပ်စုတွင်း ၃ ပွဲစလုံး အရေးနိမ့်ခဲ့ပါတယ်။
အခုအချိန်မှာတော့ အီရတ်အသင်းဟာ ၂၀၂၆ ကမ္ဘာ့ဖလားပြိုင်ပွဲမှာ ရလဒ်ကောင်း ရရှိအောင် ကြိုးပမ်းဖို့ ပစ်မှတ် ထားနေပါတယ်။
၂၀၂၆ ကမ္ဘာ့ဖလားပြိုင်ပွဲကို အီရတ်အသင်းအပြင် အာရှတိုက်က အသင်း ၉ သင်း ခြေစစ်ပွဲ အောင်မြင်ခဲ့တာပါ။ ဒီအသင်းတွေကတော့ ဂျပန်၊ အီရန်၊ ဥဇဘတ်ကစ္စတန်၊ တောင်ကိုရီးယား၊ ဂျော်ဒန်၊ သြစတြေးလျ၊ ဆော်ဒီနဲ့ ကာတာအသင်းတို့ ဖြစ်ပါတယ်။
Source: CNA
