CNI Sport News
၂၀၂၅ ခုနှစ်၊ စက်တင်ဘာ ၁၈
ရီးရယ်လ်အသင်း ညာနောက်ခံလူ အာနိုးလ်ဟာ တံကောက်ကြော ဒဏ်ရာကြောင့် ၆ ပတ်ကြာ အနားယူရဖွယ် ရှိနေတဲ့အတွက် အန်ဖီးလ်ထံ ပြန်လာပြီး အသင်းဟောင်း လီဗာပူးလ်အသင်းနဲ့ ရင်ဆိုင်ရမယ့်ပွဲကို လွဲချော်ဖွယ်ရှိ နေပါတယ်။
အာနိုးလ်ဟာ ရီးရယ်လ်အသင်းက မာဆေးလ်အသင်းကို ၂ ဂိုး-၁ ဂိုးနဲ့ အနိုင်ရခဲ့တဲ့ ချန်ပီယံလိဂ် League Phase အဖွင့်ပွဲစဉ်ရဲ့ ပွဲချိန် ၅ မိနစ်မှာ ဒဏ်ရာကြောင့် လူစားလဲမှု ပြုလုပ်ခြင်း ခံခဲ့ရတာပါ။
ရီးရယ်လ်အသင်းဟာ အာနိုးလ်ရဲ့ ဒဏ်ရာ အခြေအနေကို စမ်းသပ်စစ်ဆေးမှုတွေ ပြုလုပ်အပြီးမှာ တံကောက် ကြော ဒဏ်ရာ ရရှိခဲ့တယ်လို့ အတည်ပြုခဲ့ပါတယ်။
အာနိုးလ်ဟာ ၆ ပတ်ကြာ အနားယူရမယ်လို့ သတင်းတွေမှာ ဖော်ပြထားတဲ့အတွက် သူဟာ နိုဝင်ဘာ ၄ ရက်မှာ အသင်းဟောင်း လီဗာပူးလ်အသင်းနဲ့ ယှဉ်ပြိုင်ရမယ့် ချန်ပီယံလိဂ်ပွဲစဉ်ကို ပါဝင်နိုင်ဖို့ မသေချာပါဘူး။
အာနိုးလ်ကို တွေ့ရစဉ်
အာနိုးလ်အနေနဲ့ အင်္ဂလန်အသင်းရဲ့ လာမယ့် အောက်တိုဘာနဲ့ နိုဝင်ဘာ နိုင်ငံတကာ ပွဲစဉ်တွေကိုလည်း လွဲချော်ဖို့ ရှိတာကြောင့် ကမ္ဘာ့ဖလားပြိုင်ပွဲမှာ ပါဝင်ချင်တဲ့ သူ့ရဲ့မျှော်လင့်အတွက် ကြီးမားတဲ့ ဆုတ်ယုတ်မှု ဖြစ်လာနိုင်ပါ တယ်။
အာနိုးလ်ဟာ စက်တင်ဘာထဲ ယှဉ်ပြိုင်ခဲ့တဲ့ ၂၀၂၆ ကမ္ဘာ့ဖလား ခြေစစ်ပွဲတွေအတွက် အင်္ဂလန်အသင်းရဲ့ လူစာရင်းမှာ ချန်လှပ်ခြင်း ခံခဲ့ရပြီး ခံစစ်ကစားပုံကို ပိုပြီးကောင်းအောင်လုပ်ဖို့ နည်းပြတူချယ်လ်ရဲ့ သတိပေးခြင်း ကို ခံထားရတာပါ။
အာနိုးလ်ဟာ ၆ ပတ်ကျော် အနားယူရမယ့် အချိန်ထက်စောပြီး ကွင်းထဲကို အမြန်ဆုံး ပြန်လာနိုင်ဖို့ အာရုံစိုက်ပြီး လုပ်ဆောင် သွားရတော့မှာ ဖြစ်ပါတယ်။
အာနိုးလ်ဟာ ရီးရယ်လ်အသင်းမှာ ညာနောက်ခံ နေရာအတွက် အသင်းခေါင်းဆောင် ကာဗာဟယ်လ်နဲ့ ယှဉ်ပြိုင် နေရပြီး နောက်ဆုံးကစားခဲ့တဲ့ လာလီဂါ ၃ ပွဲမှာ ၂ ပွဲကို အရန်ခုံပေါ်မှာ ထိုင်ခဲ့ရတာပါ။
အာနိုးလ်အနေနဲ့ ဒဏ်ရာကနေ သက်သာပြီး ရီးရယ်လ်အသင်းအတွက် ပြန်ပါဝင်ကစားနိုင်ချိန်မှာ ပွဲထွက်ခွင့်နေရာ ကို ရယူနိုင်ဖို့ တိုက်ပွဲဝင်ရတော့မှာ ဖြစ်ပါတယ်။
လာလီဂါပွဲစဉ် ၄ ပွဲ ကစားအပြီးမှာ ရာနှုန်းပြည့် နိုင်ပွဲရရှိထားတဲ့ ရီးရယ်လ်အသင်းဟာ လာမယ့် လိဂ်ပွဲစဉ်အဖြစ် အက်စ်ပန်ညိုအသင်းနဲ့ ယှဉ်ပြိုင်ရမှာဖြစ်ပါတယ်။
Source: Dailmymail
