CNI Sport News
၂၀၂၅ ခုနှစ်၊ ဇွန်လ ၂
မန်စီးတီးအသင်း ညာနောက်ခံလူ ဝေါ်လ်ကာဟာ အငှားကစားခဲ့တဲ့ အေစီမီလန်အသင်းထံ အပြီးသတ် ပြောင်းရွှေ့ဖို့ လမ်းဖွင့်ထားပါတယ်။
ပြီးခဲ့တဲ့ဇန်နဝါရီက မန်စီးတီးအသင်းကနေ အငှားနဲ့ ရောက်ရှိလာခဲ့တဲ့ ဝေါ်လ်ကာဟာ အေစီမီလန်အသင်းအတွက် ၁၆ ပွဲ ပါဝင်ကစားခဲ့ပေမယ့် အသင်းက သူ့ကို အပြီးသတ် မခေါ်ယူဖို့ ဆုံးဖြတ်ခဲ့တယ်လို့ သတင်းတွေ ထွက်ခဲ့တာ ပါ။
ဒါပေမယ့် ဝေါ်လ်ကာကတော့ အေစီမီလန်အသင်းထံ အပြီးသတ် ပြောင်းရွှေ့ဖို့ ဖြစ်နိုင်တယ်လို့ စပိန်ဂရမ်းပရီမှာ ပြောခဲ့ပါတယ်။
အေစီမီလန်အသင်းဟာ ပြီးခဲ့တဲ့ရက်ပိုင်းက နည်းပြဟောင်း အယ်လီဂရီကို နည်းပြသစ်အဖြစ် ပြန်လည် ခန့်အပ်ခဲ့ ပါတယ်။
အယ်လီဂရီဟာ အေစီမီလန်အသင်းကို စီးရီးအေ ထိပ်ဆုံးနေရာ ပြန်လည်ပို့ဆောင်ပေးဖို့ ရည်ရွယ်ထားတာကြောင့် အသင်းရဲ့ အပြောင်းအရွှေ့ အစီအစဉ်တွေကို ပြောင်းလဲဖွယ်ရှိနေတာပါ။
ဝေါ်လ်ကာကို တွေ့ရစဉ်
အဲဒါကြောင့် ဝေါ်လ်ကာရဲ့ အေစီမီလန်အသင်းထံ အပြီးသတ် အပြောင်းအရွှေ့ဟာ ဖြစ်လာနိုင်ဖွယ် ရှိနေပါတယ်။
မန်စီးတီးအသင်း နည်းပြ ဂွာဒီယိုလာက ဝေါ်လ်ကာကို ဖီဖာကလပ် ကမ္ဘာ့ဖလားပြိုင်ပွဲမှာ အသင်းလူစာရင်းထဲ ထည့်သွင်းမှာ မဟုတ်ဘူးလို့ အတည်ပြုထားပါတယ်။
အသက် ၃၅ နှ စ်အရွယ်ရှိ ဝေါ်လ်ကာဟာ လက်ရှိအချိန်မှာ နိုင်ငံတကာ ပွဲစဉ်တွေ ကစားဖို့ အင်္ဂလန်အသင်း လူစာရင်းထဲ ရွေးချယ်ခြင်း ခံထားရတာပါ။
အင်္ဂလန်အသင်းအတွက် ပွဲပေါင်း ၉၅ ပွဲ ပါဝင်ကစားထားတဲ့ ဝေါ်လ်ကာဟာ ပွဲပေါင်း ၁၀၀ ပြည့်နိုင်ဖို့ ပစ်မှတ်ထား နေပါတယ်။
အင်္ဂလန်အသင်းဟာ ဇွန်လ ၇ ရက်မှာ ၂၀၂၆ ကမ္ဘာဖလား ခြေစစ်ပွဲအဖြစ် အန်ဒိုရာအသင်းနဲ့ ယှဉ်ပြိုင်ရမှာဖြစ်ပြီး ဇွန်လ ၁၀ ရက်မှာတော့ ဆီနီဂေါအသင်းနဲ့ ခြေစမ်းပွဲ ယှဉ်ပြိုင်မှာဖြစ်ပါတယ်။
Source: Goal
