CNI Sport News
၂၀၂၅ ခုနှစ်၊ ဧပြီ ၂
ယူနိုက်တက်အသင်းဟာ နော်တင်ဟမ်ဖောရက်စ်အသင်းကို ၁ ဂိုး-ဂိုးမရှိနဲ့ အရေးနိမ့်တဲ့ပွဲအပြီးမှာ နည်းပြ အာမိုရင်က သူ့ရဲ့ကစားသမားတွေဟာ ပြိုင်ဘက်အသင်းအနိုင်ရရှိအောင် ကူညီပေးခဲ့တယ်လို့ပြောပြီး ဝေဖန်မှုပြုလုပ်ခဲ့ပါတယ်။
အာမိုရင်က "ကျနော်တို့ဟာ ပွဲကိုထိန်းချုပ်နိုင်ခဲ့ပေမယ့် ဖောရက်စ်အသင်းက ဂိုးသွင်းယူနိုင်တယ်ဆိုတာ သိထားပြီးသားပါ။ ကျနော်တို့ဟာ အခွင့်ရေးကောင်းတွေနဲ့ ကြိုးစားခဲ့ပေမယ့် ဂိုးရယူနိုင်မယ့်နေရာမှာ ဘာမှမလုပ်နိုင်ရင် ဂိုးရမှာမဟုတ်ပါဘူး။ ဒီရာသီမှာ ဒီလိုမျိုးတွေဖြစ်နေတာပါ။ ကျနော်တို့ပွဲတွေမှာ အနိုင်ရဖို့ လိုနေပေမယ့် ဒါက ကျနော်တို့ရဲ့အမှားဖြစ်ပြီး ဂိုးသွင်းရမယ့်နေရာမှာ ပိုကောင်းဖို့လိုပါတယ်။ အခုတော့ သူတို့ကို ၃ မှတ်ရရှိအောင်ကူညီပေးခဲ့တယ်" လို့ ပြောခဲ့တာပါ။
ဒီရလဒ်ကြောင့် နည်းပြအာမိုရင်ဟာ ယူနိုက်တက်အသင်းကို ကိုင်တွယ်ခဲ့တဲ့ ပရီးမီးယားလိဂ် ၁၉ ပွဲမှာ ၆ ပွဲသာ အနိုင်ရရှိအောင် စွမ်းဆောင်နိုင်ခဲ့တာဖြစ်ပါတယ်။
ယူနိုက်တက်အသင်းဟာ ဒီပွဲမှာ ဂိုးပေါက်ကန်သွင်းမှု ၂၃ ကြိမ်နဲ့ ဂိုးပေါက်တည့်မှု ၆ ကြိမ်အထိရှိခဲ့ပေမယ့် ဂိုးသွင်းယူနိုင်ခဲ့ခြင်းမရှိတာပါ။
အဲဒါကြောင့် နည်းပြအာမိုရင်က ဂိုးသွင်းရမယ့်ဧရိယာမှာ ပိုကောင်းအောင်လုပ်ဖို့လိုတယ်လို့ ပြောခဲ့ပါတယ်။
ယူနိုက်တက်အသင်းဟာ ရလဒ်ဆိုးတွေကြောင့် ပရီးမီးယားလိဂ်အမှတ်ပေးဇယားအဆင့် ၁၃ နေရာမှာ ရပ်တည် နေပြီး ၁၉၈၉-၉၀ ရာသီနောက်ပိုင်း ပထမဆုံးအကြိမ်ထိပ်ဆုံး ၁၀ သင်းအပြင်ဘက်မှာ ရပ်တည်ပြီး ရာသီအဆုံးသတ်သွားနိုင်တာပါ။
ယူနိုက်တက်အသင်းနည်းပြအာမိုရင်က သူတို့ဟာ ပွဲတွေကို အနိုင်ရဖို့လိုအပ်နေပြီး လာမယ့်ပွဲတွေမှာ အနိုင်ရလဒ်ရယူနိုင်ဖို့ အာရုံစိုက်နေတယ်လို့ ပြောခဲ့ပါတယ်။
နော်တင်ဟမ်ဖောရက်စ်အသင်းဟာ ဒီနိုင်ပွဲကြောင့် လာမယ့်ရာသီချန်ပီယံလိဂ်ပြိုင်ပွဲ ယှဉ်ပြိုင်ခွင့်ရဖို့ နီးစပ် လာခဲ့တာပါ။
ယူနိုက်တက်အသင်းဟာ လာမယ့်ပွဲစဉ်တွေအဖြစ် မန်စီးတီးအသင်းနဲ့ ပရီးမီးယားလိဂ်၊ လိုင်ယွန် အသင်းနဲ့ ယူရိုပါလိဂ်ကွာတားဖိုင်နယ် ပထမအကျော့ယှဉ်ပြိုင်ရမှာဖြစ်ပါတယ်။
Source:Mirror
