CNI Sport News
၂၀၂၅ ခုနှစ်၊ ဇန်နဝါရီ ၂၈
စပိန်အသင်းနည်းပြ ဒယ်လာဖူအန်တေဟာ နိုင်ငံအသင်းကို ၂၀၂၈ ခုနှစ်အထိ ဆက်ပြီးကိုင်တွယ်မယ့် စာချုပ် သက်တမ်း တိုးခဲ့တယ်လို့ စပိန်ဘောလုံးအဖွဲ့ချုပ်(RFEF)က ကြေညာခဲ့ပါတယ်။
ဒယ်လာဖူအန်တေနဲ့ စပိန်ဘောလုံးအဖွဲ့ချုပ်တို့ရဲ့ အရင်စာချုပ်ဟာ ၂၀၂၆ ကမ္ဘာ့ဖလား ပြိုင်ပွဲအပြီးမှာ ကုန်ဆုံးမှာ ပါ။
စာချုပ်သက်တမ်း တိုးမှုကြောင့် ဒယ်လာဖူအန်တေဟာ ယူရို ၂၀၂၄ ပြိုင်ပွဲမှာ ချန်ပီယံဆု ရရှိခဲ့တာကို ကာကွယ်နိုင် ဖို့ ယူရို ၂၀၂၈ ပြိုင်ပွဲမှာ စပိန်အသင်းကို ထပ်ပြီး ဦးဆာင်ရတော့မှာဖြစ်ပါတယ်။
ဒယ်လာဖူအန်တေဟာ ၂၀၂၂ ကမ္ဘာ့ဖလား ပြိုင်ပွဲအပြီးမှာ ထွက်ခွာခဲ့တဲ့ နည်းပြဟောင်း လူးဝစ်အင်းနရစ် ရဲ့နေရာမှာ အစားထိုးဝင်ရောက်ပြီး စပိန်အသင်းကို နည်းပြသစ်အဖြစ် စတင်ကိုင်တွယ်ခဲ့တာပါ။
နည်းပြ ဒယ်လာဖူအန်တေကို တွေ့ရစဉ်
ဒယ်လာဖူအန်တေဟာ စပိန်အသင်းကြီးကို မကိုင်တွယ်ခင်မှာ စပိန် ယူ-၂၁ အသင်းကို ကိုင်တွယ်ခဲ့ပြီး ၂၀၂၂ တိုကျို အိုလံပစ်ပြိုင်ပွဲမှာ ငွေတံဆိပ်ဆု ရရှိအောင် ဦးဆောင်နိုင်ခဲ့ပါတယ်။
အသက် ၆၃ နှစ်အရွယ်ရှိ ဒယ်လာဖူအန်တေဟာ စပိန်အသင်းကို ၂၀၂၃ ခုနှစ်မှာ နေးရှင်းလိဂ်ဖလားနဲ့ ၂၀၂၄ ခုနှစ် တွေမှာ ယူရိုချန်ပီယံဆုတွေကို ရယူပေးနိုင်ခဲ့တာပါ။
ဒယ်လာဖူအန်တေဟာ စပိန်အသင်းကို ၂၈ ပွဲ ကိုင်တွယ်ထားတာမှာ ၂၃ ပွဲအနိုင်ရပြီး ၃ ပွဲသရေနဲ့ ၂ ပွဲရှုံးနိမ့်ခဲ့ ပါတယ်။
ဒယ်လာဖူအန်တေက “ကျနော်တို့ဟာ ဆက်ပြီး အနိုင်ရရှိဖို့ စိတ်အားထက်သန်နေပြီး ဒါက ကျနော်တို့မှာ ရှိနေရ မယ့် စိတ်ဓါတ်ပါ။ ဒါက တွန်းအားဖြစ်သလို စဉ်ဆက်မပြတ် တိုးတက်မှုလည်း ဖြစ်ပါတယ်။ ကျနော်တို့ဟာ အရေးကြီးတဲ့ အရာတွေအတွက် တိုက်ပွဲဝင်နိုင်မယ်လို့ထင်ပြီး ပြိုင်ပွဲတိုင်းမှာ ဆုဖလားတွေပိုပြီးရရှိဖို့ အားလုံးကို ပေးသွားမှာပါ”လို့ ပြောခဲ့တာပါ။
စပိန်အသင်းဟာ လာမယ့် မတ်လမှာ နေးရှင်းလိဂ် ကွာတားဖိုင်နယ်ပွဲစဉ်အဖြစ် နယ်သာလန်အသင်းနဲ့ အိမ်ကွင်း၊ အဝေးကွင်းအဖြစ် ယှဉ်ပြိုင်ရမှာဖြစ်ပါတယ်။
Source: ESPN
