CNI Sport News
၂၀၂၄ ခုနှစ်၊ နိုဝင်ဘာ ၂၁
အာဆင်နယ်အသင်းဟာ ရီးရဲလ်အသင်းမှာ မပျော်ရွှင်ဘူးဖြစ်နေတဲ့ ကွင်းလယ်လူ အာဒါဂူလာကို ချဉ်းကပ်မှုတွေ ပြုလုပ်ခဲ့တယ်လို့ စပိန်မီဒီယာတွေက ဖော်ပြထားပါတယ်။
အသက် ၁၉ နှစ်အရွယ်ရှိ အာဒါဂူလာဟာ ပြီးခဲ့တဲ့နှစ်က ဖီနာဘာချီအသင်းကနေ ယူရိုသန်း ၂၀ နဲ့ ရီးရယ်လ် အသင်းထံ ပြောင်းရွှေ့လာခဲ့ပြီး ပြိုင်ပွဲစုံ ၁၂ ပွဲသာ ပါဝင်ကစားခွင့်ရခဲ့တာပါ။
အာဒါဂူလာဟာ ပြီးခဲ့တဲ့ ယူရို ၂၀၂၄ ပြိုင်ပွဲမှာ တူရကီအသင်းအတွက် ခြေစွမ်းပြသနိုင်ခဲ့ပေမယ့် ဒီရာသီ ရီးရယ်လ် အသင်းမှာ ပုံမှန်ကစားခွင့်ရဖို့ ရုန်းကန်နေရတာ ဖြစ်ပါတယ်။
အာဒါဂူလာဟာ ဒီရာသီမှာ ရီးရယ်လ်အသင်းအတွက် ၁၂ ပွဲ ပါဝင်ကစားထားပေမယ့် ပွဲအများစုက လူစားဝင် အဖြစ်သာ ပါဝင်ခဲ့ရတာပါ။
အဲဒါကြောင့် အာဒါဂူလာဟာ လက်ရှိ အခြေအနေတွေအပေါ် ပျော်ရွှင်မှုမရှိဘဲ ရီးရယ်လ်အသင်းမှာ ပွဲကစား ချိန်ပိုပြီး ရရှိချင်နေတာဖြစ်ပါတယ်။
ဒီအချိန်မှာ အာဆင်နယ်အသင်းဟာ အာဒါဂူလာရဲ့ အခြေအနေကို စောင့်ကြည့်ပြီး သူ့ရဲ့ကိုယ်စားလှယ်တွေထံ ချဉ်းကပ်မှုတွေ ပြုလုပ်ခဲ့တာပါ။
အာဒါဂူလာကို တွေ့ရစဉ်
အာဆင်နယ်အသင်းဟာ အာဒါဂူလာကို ရီးရယ်လ်အသင်းမှာ ကစားခဲ့ချိန်က ပွဲကစားဖို့ရုန်းကန်ခဲ့ရတဲ့ အသင်း ခေါင်းဆောင် အိုဒီဂတ်နဲ့ တူညီတဲ့ ဖြစ်ရပ်အဖြစ် မြင်နေတာဖြစ်ပါတယ်။
အိုဒီဂတ်ဟာ ၂၀၂၁ ခုနှစ်၊ ဇန်နဝါရီက ရီးရယ်လ်အသင်းကနေ အာဆင်နယ်အသင်းထံ အငှားနဲ့ ပြောင်းရွှေ့ခဲ့ပြီး နောက်ပိုင်းမှာ အပြီးသတ် ပြောင်းရွှေ့ခဲ့တာပါ။
ရီးရယ်လ်အသင်းနည်းပြ အန်ဆယ်လော့တီက အာဒါဂူလာဟာ ပွဲကစားချိန် မိနစ်နည်းပါးနေပေမယ့် ကောင်းမွန် စွာ လုပ်ဆောင်နေသလို ပွဲကစားဖို့ အဆင်သင့် ဖြစ်နေတယ်လို့ နိုင်ငံတကာပွဲစဉ်တွေ မတိုင်ခင်မှာ ပြောခဲ့ပါတယ်။
အာဒါဂူလာအပြင် ဘရာဇီးလ်တိုက်စစ်မှူး အန်းဒရစ်လည်း ပွဲကစားခွင့် နည်းပါးနေတဲ့အပေါ် စိတ်ပျက်နေတာပါ။
ရီးရယ်လ်အသင်းဟာ ဒီတစ်ပတ် လာလီဂါပွဲစဉ်အဖြစ် လီဂါနက်စ်အသင်းနဲ့ ယှဉ်ပြိုင်ရမှာဖြစ်ပြီး အာဒါဂူလာ အနေနဲ့ ပွဲကစားချိန်မိနစ် ဘယ်လောက်ရရှိမလဲဆိုတာ စောင့်ကြည့်ရမှာဖြစ်ပါတယ်။
Source: metro
