CNI Sport News
၂၀၂၄ ခုနှစ်၊ နိုဝင်ဘာ ၆
အင်္ဂလန်အသင်းနည်းပြသစ် တူချယ်လ်ဟာ ဒီလထဲကစားမယ့် နေးရှင်းလိဂ်ပွဲတွေကို ကိုင်တွယ်မယ့် ယာယီ နည်းပြ လီကာစလေရဲ့ ရွေးချယ်မှုတွေကို ဝင်ရောက် စွက်ဖက်ဖို့မရှိဘူးလို့ ဒေးလီးမေးလ်က ဖော်ပြထားပါတယ်။
တူချယ်လ်ဟာ အင်္ဂလန်အသင်း နည်းပြသစ်အဖြစ် ခန့်အပ်ခံထားရပေမယ့် ၂၀၂၅ ခုနှစ်၊ ဇန်နဝါရီ ၁ ရက်မှသာ စတင်ပြီး တာဝန်ယူကိုင်တွယ်မှာပါ။
အဲဒါကြောင့် ယာယီနည်းပြ လီကာစလေဟာ အင်္ဂလန်အသင်းရဲ့ နေးရှင်းလိဂ် အုပ်စုနောက်ဆုံးပွဲစဉ် ၂ ပွဲစလုံးကို ကိုင်တွယ်သွားမှာပါ။
တူချယ်လ်ဟာ အင်္ဂလန်အသင်းကို တရားဝင် မကိုင်တွယ်ရသေးတဲ့အတွက် ယာယီနည်းပြ လီကာစလေရဲ့ ရွေးချယ်မှုတွေမှာ မပါဝင်ဖို့ ဆုံးဖြတ်ပြီးသား ဖြစ်ပါတယ်။
ဒါအပြင် တူချယ်လ်ဟာ လာမယ့်လ ဇူးရစ်မှာပြုလုပ်မယ့် ၂၀၂၆ ကမ္ဘာ့ဖလား ခြေစစ်ပွဲအတွက် မဲခွဲမှုကိုလည်း တက်ရောက်ဖွယ်မရှိဘူးလို့ သိရပါတယ်။
ယာယီနည်းပြ လီကာစလေဟာ အင်္ဂလန်အသင်းကို နေးရှင်းလိဂ်အုပ်စုပွဲစဉ် ၄ ပွဲ ကိုင်တွယ်ထားပြီး ဂရိအသင်းကို အရေးနိမ့်ကာ ကျန် ၃ ပွဲစလုံး နိုင်ပွဲရယူပေးထားတာပါ။
အင်္ဂလန်အသင်းကိုတွေ့ရစဉ်
လီကာစလေဟာ နောက်ဆုံး ၂ ပွဲကို အနိုင်ရလဒ် ရယူပြီး အင်္ဂလန်အသင်း ယာယီနည်းပြဘဝကို အဆုံးသတ် ချင်နေတာ ဖြစ်ပါတယ်။
အင်္ဂလန်အသင်းရဲ့ အဓိက ကစားသမားအချို့ဟာ ကြံ့ခိုင်မှုပိုင်း ရုန်းကန်နေရတဲ့အတွက် ယာယီနည်းပြ လီကာစလေဟာ လူစာရင်းကို အပြောင်းအလဲ ပြုလုပ်လာဖွယ်ရှိနေတာပါ။
အင်္ဂလန်အသင်းဟာ နေးရှင်းလိဂ် B အုပ်စု ၂ မှာ ဒုတိယနေရာ ရပ်တည်နေတာကြောင့် A ကို တိုက်ရိုက် တန်းတက်နိုင်ဖို့ဆိုရင် ၂ ပွဲစလုံး အနိုင်ရလဒ်ရရှိဖို့ လိုအပ်နေတာ ဖြစ်ပါတယ်။
အုပ်စုဒုတိယသာ ရမယ်ဆိုရင် တန်းတက်ဖို့အတွက် အုပ်စု A မှာ တတိယနေရာ ရတဲ့အသင်းနဲ့ ပလေးအော့ဖ် ယှဉ်ပြိုင်ရမှာပါ။
ယာယီနည်းပြ လီကာစလေဟာ သူ့ရဲ့ အင်္ဂလန်အသင်း နောက်ဆုံးလူစာရင်းကို ကြာသပတေးနေ့မှာ ကြေညာဖွယ် ရှိနေပါတယ်။
အင်္ဂလန်အသင်းဟာ နေးရှင်းလိဂ်အုပ်စု နောက်ဆုံးပွဲစဉ်တွေအဖြစ် နိုဝင်ဘာ ၁၄ ရက်မှာ ဂရိအသင်း၊ ၁၇ ရက်မှာ အိုင်ယာလန်အသင်းနဲ့ ယှဉ်ပြိုင်ရမှာ ဖြစ်ပါတယ်။
Source: Goal
