CNI News
၂၀၂၃ ခုနှစ်၊ နိုဝင်ဘာ ၂၉
စစ်ကိုင်းတိုင်းဒေသကြီးအထက်ပိုင်း ဟုမ္မလင်းမြို့ပေါ်မှာ ရှမ်းနီမြေကို ရှမ်းနီကာကွယ်ရမည်ဟု ရှမ်းနီအမျိုးသား များတပ်မတော်(SNA)က ဗွီနိုင်းစာတမ်းများ ချိတ်ကာ ဒေသတွင်းနေ ပြည်သူများကို အသိပေးလာသည်ကို တွေ့ရသည်။
SNA သည် စစ်ကိုင်းတိုင်းဒေသကြီးအတွင်းရှိ ကလေး၊ တမူး၊ ဟုမ္မလင်း၊ ကသာ၊ မော်လိုက်၊ ဗန်းမောက်၊ ဖောင်းပြင်၊ ကောလင်း၊ ဝန်းသို၊ ပင်လည်ဘူး အပါအဝင် ကချင်ပြည်နယ်အတွင်းက ဗန်းမော်၊ မြစ်ကြီးနား၊ မိုးညှင်း၊ မိုးကောင်း၊ အင်းတော်ကြီး စသည့် ဒေသများကို စုစည်း၍ ရှမ်းနီပြည်နယ် ရရှိရေး ကြိုးပမ်းနေသော ရှမ်းနီလက်နက်ကိုင်ဖြစ်သည်။
လက်ရှိတွင် SNA လှုပ်ရှားနေသော ဒေသများထဲက ဟုမ္မလင်း၊ ဗန်းမောက်၊ ရွှေပြည်အေး၊ ဖောင်းပြင်၊ မိုးညှင်း၊ မိုးကောင်း၊ အင်းတော်၊ ဖားကန့်တို့၌ KIA-PDF ပူးပေါင်းတပ်ဖွဲ့များဖြင့် တိုက်ပွဲများ ဖြစ်ပွားနေသည်။
KIA သည် PDF များကို အသုံးချ၍ ရှမ်းနီဒေသများကို ထိန်းချုပ်နိုင်ရေးနှင့် SNA ကို တိုက်ဖျက်ရေး ကြိုးပမ်း နေသည်ဟု ဒေသတွင်းနေ ရှမ်းနီတိုင်းရင်းသားများက ပြောသည်။
