CNI News
၂၀၂၃ ခုနှစ်၊ ဇူလိုင် ၁၅
ရှမ်းပြည်နယ်(မြောက်ပိုင်း) လားရှိုးမြို့ အမှတ်(၂)ရပ်ကွက်၊ မြို့မဈေးကြီးအတွင်းရှိ ဇွဲထက်ရွှေဆိုင်ရှေ့မှာ ဇူလိုင် ၁၅ ရက်နေ့ နံနက်ပိုင်းက ဗုံးပေါက်ကွဲမှုဖြစ်ပွားကာ လူ ၁၀ ဦးကျော် ထိခိုက် ဒဏ်ရာများ ရရှိခဲ့ကြောင်း ဒေသခံ များက ပြောသည်။
ဖြစ်စဉ်မှာ အမျိုးသား ၂ ဦးသည် ဆိုင်ကယ်စီးလာပြီး ဇွဲထက်ရွှေဆိုင်ရှေ့မှာ ရပ်ထားကာ ထွက်သွားခဲ့သည်။ ထို့နောက် မကြာခင်မှာ ဆိုင်ကယ်ထဲမှာ ထည့်ထားသည့် ဗုံးပေါက်ကွဲမှု ဖြစ်ပွားခဲ့ခြင်း ဖြစ်သည်။
အဆိုပါ ပေါက်ကွဲမှုကြောင့် အမျိုးသား ၆ ဦးနှင့် အမျိုးသမီး ၆ ဦးတို့ ထိခိုက် ဒဏ်ရာရရှိခဲ့သည်။
၂၀၂၃ ခုနှစ်၊ ဇူလိုင် ၁၅ ရက်က လားရှိုးမြို့မဈေးမှာ ဆိုင်ကယ်ဗုံးပေါက်ကွဲစဉ်
လက်ရှိအချိန်မှာတော့ ဆိုင်ကယ်ဗုံးထောင် ဖောက်ခွဲခဲ့သူ ၂ ဦးကို ဖမ်းဆီးရမိခြင်း မရှိသေးကြောင်း သိရသည်။
ရှမ်းပြည်နယ်ရဲတပ်ဖွဲ့နှင့် လားရှိုးမြို့မှ ဒေသခံများကတော့ ဗုံးထောင် ပေါက်ကွဲသူများသည် PDF တပ်ဖွဲ့ဝင်များ ဖြစ်ကြောင်း ပြောသည်။
သို့သော် ရှမ်းပြည်နယ်(မြောက်ပိုင်း)အတွင်း လှုပ်ရှားနေသော PDF အဖွဲ့များကတော့ တစ်စုံတစ်ရာ ထုတ်ပြန် ခြင်း မရှိသေးပေ။
