CNI Sport News
၂၀၂၂ ခုနှစ်၊ အောက်တိုဘာ ၁၅
ပီအက်စ်ဂျီ အသင်းနည်းပြ ဂယ်လ်တီယာက မာဆေးလ်နဲ့ ယှဉ်ပြိုင်ရမယ့် လီဂူးဝမ်းပွဲစဉ်ထက် ဘတ်ပီရဲ့ အနာဂတ် အကြောင်းပဲ မေးခွန်းထုတ်နေတာကြောင့် မီဒီယာတွေကို ဝေဖန်လိုက်ပါတယ်။
ဂယ်လ်တီယာက “ ထင်ကြေးတွေ အကြောင်းကိုပြောဖို့ ကျနော်ဒီကိုလာတာ မဟုတ်ပါဘူး။ ကိုင်လီယန်မှာလည်း အလှပဆုံး အဖြေရှိပါတယ်။ စွမ်းဆောင်ရည်နဲ့ ပတ်သက်ပြီး ပြောနေရမယ့်အစား ခင်ဗျားတို့(မီဒီယာ)က တခြား အရာတွေအကြောင်းပဲ ပြောနေတယ်ဆိုတာ အလွန်ထင်ရှားပါတယ်။ ခင်ဗျားတို့ဘက်ကို ကြည့်ရင်လည်း အခွင့် အရေး ရှိပါတယ်။ ခင်ဗျားတို့ မေးခွန်းမေးတဲ့ အချိန်မှာ ကျနော်လည်း ရိုးသားစွာဖြေမှာပဲ။ ချန်ပီယံလိဂ် ပြီးကတည်းက ဒီပွဲကို ပြင်ဆင်ဖို့ အားလုံး နစ်မြုပ်ထားပါတယ်။ ဒါက ပြင်သစ်လိဂ်မှာ အားလုံးစောင့်မျှော်နေတဲ့ ပွဲပါ”လို့ ပြောခဲ့ပါတယ်။
ဘတ်ပီကိုတွေ့ရစဉ် (PSG Talk)
ဘတ်ပီဟာ ပီအက်စ်ဂျီအသင်းနဲ့ စာချုပ်သစ်ချုပ်အပြီး ၄ လအကြာမှာပဲ ပြင်သစ်ကလပ်ကနေ ဇန်နဝါရီလ အပြောင်းအရွှေ့မှာ ထွက်ခွာမယ်ဆိုပြီး ထင်ကြေးတွေ ထွက်ပေါ်လာခဲ့တာ ဖြစ်ပါတယ်။
ဘတ်ပီနဲ့ ပီအက်စ်ဂျီ အသင်းတို့ ချုပ်ဆိုထားတဲ့ စာချုပ်ထဲက အချက်တချို့ကို အသင်းဘက်က လိုက်လျောပေး ခြင်း မရှိတာကြောင့် ကစားသမားဟာ အသင်းကနေ ထွက်ခွာဖို့ ဆုံးဖြတ်ထားတယ်လို့ သတင်းတွေ ထွက်ပေါ်ခဲ့ တာပါ။
ဘတ်ပီဟာ ဒီလိုထင်ကြေးတွေ ထွက်ပြီး နောက်တစ်ရက်အကြာမှာ ကစားခဲ့တဲ့ ဘင်ဖီကာနဲ့ ချန်ပီယံလိဂ်ပွဲစဉ်မှာ အသင်းအတွက် ပင်နယ်တီကနေ ဂိုးသွင်းယူခဲ့ပါတယ်။ ဒီဂိုးကြောင့် ဘတ်ပီဟာ ပီအက်စ်ဂျီအသင်းရဲ့ ချန်ပီယံလိဂ် သွင်းဂိုး အများဆုံး ကစားသမား ဖြစ်လာခဲ့ပါတယ်။
ပီအက်စ်ဂျီနဲ့ မာဆေးလ်အသင်းတို့ ပွဲစဉ်ဟာ ပြင်သစ်မှာ ပြိုင်ဆိုင်မှုပြင်းထန်တဲ့ ပွဲအဖြစ်ရှိနေပြီး လက်ရှိ သူတို့ နှစ်သင်းကြား ရမှတ်ကွာဟမှုက ၃ မှတ်သာရှိတာ ဖြစ်ပါတယ်။
Source: Daily Mail
