CNI Sport News
၂၀၂၂ ခုနှစ်၊ စက်တင်ဘာ ၁၂
တူချယ်လ်ဟာ ချယ်လ်ဆီးအသင်းက ထုတ်ပယ်ခံရပြီးနောက် ဒီကလပ်မှာ သူ့အချိန်တွေ အဆုံးသတ်လိုက်ရလို့ ဝမ်းနည်းကြောင်း ပထမဆုံးအကြိမ် ထုတ်ပြောလိုက်ပါတယ်။
တူချယ်လ်က “ ဒါဟာ ကျနော့်ရေးခဲ့ဖူး သမျှထဲမှာ အခက်အခဲဆုံး ထုတ်ပြန်ချက်တွေထဲက တစ်ခုပါ။ ဒါကို နှစ်ပေါင်းများစွာ မလုပ်ရတော့ဘူးလို့ ကျနော်မျှော်လင့်ထားတဲ့ အရာပါ။ ချယ်လ်ဆီးမှာရှိတဲ့ ကျနော့်အချိန်တွေ အဆုံးသတ် လိုက်ရလို့လည်း ဝမ်းနည်းမိပါတယ်။ ဒီအသင်းက ကျနော့်အတွက် ပရော်ဖက်ရှင်နယ်လိုရော ပုဂ္ဂိုလ် ရေးအရပါ အိမ်လိုခံစားခဲ့ရတဲ့ နေရာပါ။ ကျနော်ဒီကို စရောက်ကတည်းက ကြိုဆိုခဲ့ကြတဲ့ ဝန်ထမ်းတွေ၊ ကစား သမားတွေနဲ့ ပရိသတ်တွေ အားလုံးကို ကျေးဇူးတင်ပါတယ်”လို့ ပြောပါတယ်။
ချယ်လ်ဆီးအသင်းဟာ ပြီးခဲ့တဲ့ အပြောင်းအရွှေ့မှာ ပေါင်သန်း ၂၅၀ ကျော် သုံးစွဲပြီး လူအင်အား ဖြည့်တင်း ပေးခဲ့ ပေမယ့် ပရီးမီးယားလိဂ်မှာ ရလဒ်ဆိုးနေသလို ချန်ပီယံလိဂ်မှာလည်း ဒိုင်နမိုဇာဂရက်အသင်းကို အရေးနိမ့်ခဲ့တာ ဖြစ်ပါတယ်။ အဲ့ဒါကြောင့် နည်းပြ တူချယ်လ်ကို ရာထူးကနေ ထုတ်ပယ်ဖို့ အသင်းဘက်က ဆုံးဖြတ်ခဲ့တာပါ။
ချယ်လ်ဆီးအသင်းက မထုတ်ခံရခင်က နည်းပြ တူချယ်လ်ကိုတွေ့ရစဉ်
တူချယ်လ်က “ အသင်းကို ချန်ပီယံလိဂ်နဲ့ ကလပ်ကမ္ဘာ့ဖလား ရရှိအောင် ကူညီပေးနိုင်ခဲ့လို့ ဂုဏ်ယူ ဝမ်းမြောက် မှုဟာ ကျနော်နဲ့အတူ အမြဲတမ်းရှိနေမှာပါ။ ဒီကလပ်ရဲ့ သမိုင်းကြောင်းမှာ အစိတ်အပိုင်းအနေနဲ့ ပါဝင်ခွင့်ရလို့ ဂုဏ်ယူမိပြီး ၁၉ လကြာရှိခဲ့တဲ့ အမှတ်တရတွေဟာ ကျနော့်နှလုံးသားရဲ့ အထူးတစ်နေရာမှာ အမြဲတမ်း ရှိနေမှာ ပါ”လို့ ပြောပါတယ်။
ဂျာမန်လူမျိုးနည်းပြဟာ ချယ်လ်ဆီးအသင်းကို ၂၀၂၁ ခုနှစ်၊ ဇန်နဝါရီမှာ စတင် ကိုင်တွယ်ခဲ့တာဖြစ်ပြီး ပွဲပေါင်း ၁၀၀ ကိုင်တွယ်ခဲ့တာမှာ ပွဲ ၆၀ အနိုင်၊ ၂၄ ပွဲသရေနဲ့ ၁၆ ပွဲ အရေးနိမ့်ခဲ့တာပါ။
သူ့လက်ထက်မှာ ချယ်လ်ဆီးအသင်းဟာ ချန်ပီယံလိဂ်၊ ကလပ်ကမ္ဘာ့ဖလားနဲ့ ဥရောပစူပါဖလားတို့ကို ရယူနိုင် ခဲ့တာ ဖြစ်ပါတယ်။ တူချယ်လ်ဟာ ပြီးခဲ့တဲ့ ရာသီကလည်း ချယ်လ်ဆီးအသင်းကို အက်ဖ်အေဖလားနဲ့ ကာရာဘောင်းဖလား ဗိုလ်လုပွဲရောက်ရှိအောင် စွမ်းဆောင်ပေးနိုင်ခဲ့သေးတာပါ။
ချယ်လ်ဆီးအသင်းဟာ တူချယ်လ်ရဲ့ နေရာမှာ ဘရိုက်တန်နည်းပြ ဂရေဟမ်ပေါ်တာကို နည်းပြသစ်အဖြစ် ခန့်အပ်ထားတာ ဖြစ်ပါတယ်။
Source: Goal
