CNI Sport News
၂၀၂၆ ခုနှစ်၊ မေလ ၂၃
ဒီရာသီကုန်ရင် မန်စီးတီးအသင်းကနေ ထွက်ခွာတော့မယ့် စပိန်လူမျိုးနည်းပြ ဂွာဒီယိုလာဟာ ဘယ်အလုပ်မှ ထပ်လုပ်ဦးမှာ မဟုတ်ဘဲ အနားယူဖို့ စီစဉ်ထားကြောင်း ပြောခဲ့ပါတယ်။
ဂွာဒီယိုလာဟာ အက်စတွန်ဗီလာအသင်းနဲ့ ပရီးမီးယားလိဂ် နောက်ဆုံးပွဲအပြီးမှာ ၁၀ နှစ်ကြာ ကိုင်တွယ်ခဲ့တဲ့ မန်စီးတီးအသင်းကနေ ထွက်ခွာမယ်လို့ အတည်ပြုခဲ့ပါတယ်။
အသက် ၅၅ နှစ်အရွယ်ရှိ ဂွာဒီယိုလာဟာ အနာဂတ်မှာ နိုင်ငံအသင်း နည်းပြရာထူးအပြင် ကလပ်အသင်း တချို့ရဲ့ ချိတ်ဆက်မှုတွေလည်း ခံနေရတာပါ။
ဒါပေမယ့် ဂွာဒီယိုလာကတော့ နောက်ထပ် နည်းပြ အလုပ်အကိုင်ကို မဆုံးဖြတ်မီမှာ ခဏတာအနားယူဖို့ စီစဉ် ထားတာ ဖြစ်ပါတယ်။
၂၀၁၆ ခုနှစ်မှာ မန်စီးတီးအသင်းကို စတင်ကိုင်တွယ်ခဲ့တဲ့ နည်းပြဂွာဒီယိုလာဟာ အသင်းကို ပရီးမီးယားလိဂ်ဖလား ၆ ကြိမ်၊ ချန်ပီယံလိဂ်ဖလား ၁ ကြိမ် အပါအဝင် ဆုဖလားပေါင်း ၂၀ ခုအထိ ရယူနိုင်ခဲ့တာပါ။
ဂွာဒီယိုလာကို တွေ့ရစဉ်
ဂွာဒီယိုလာဟာ မန်စီးတီးအသင်းကို နောက်ဆုံးကိုင်တွယ်ခဲ့တဲ့ ဒီရာသီမှာ FA ဖလားနဲ့ လိဂ်ဖလားရယူပေးနိုင်ခဲ့ ပါတယ်။
မန်စီးတီးအသင်းဟာ နည်းပြ ဂွာဒီယိုလာကို ဂုဏ်ပြုတဲ့အနေနဲ့ အီးတီးဟတ်ကွင်းမှာ သူ့ရဲ့ရုပ်တုကို တည်ဆောက် သွားမှာဖြစ်သလို အသစ် တိုးချဲ့တည်ဆောက်ထားတဲ့ မြောက်ဘက် ပွဲကြည့်စင်ကို သူ့ရဲ့နာမည်ပေးသွားမယ်လို့ ပြောခဲ့ပါတယ်။
မန်စီးတီးအသင်းဟာ ဂွာဒီယိုလာရဲ့ နေရာမှာ ချယ်လ်ဆီးအသင်း နည်းပြဟောင်း မာရက်စ်ကာကို ခန့်အပ်ဖို့ သဘောတူညီမှု ရရှိထားတယ်လို့ ဗြိတိန်မီဒီယာတွေက ဖော်ပြထားပါတယ်။
မာရက်စ်ကာဟာ မန်စီးတီးအသင်းမှာ နည်းပြဂွာဒီယိုလာရဲ့ နည်းပြအဖွဲ့ဝင်အဖြစ် ဆောင်ရွက်ခဲ့ဖူးတာ ဖြစ်ပါ တယ်။
Source: ESPN
