CNI Sport News
၂၀၂၁ ခုနှစ်၊ ဒီဇင်ဘာ ၂၁
မြန့်မာလက်ရွေးစင် အသင်းခေါင်းဆောင် မောင်မောင်လွင်ဟာ ထိုင်းလိဂ်(၂) ကလပ် လမ်ဖန်အသင်းနဲ့ စာချုပ်ခဲ့တယ်လို့ ကလပ်အသင်းက ထုတ်ပြန်ပါတယ်။ ထိုင်းကလပ်ဟာ မောင်မောင်လွင်နဲ့ စာချုပ်ချုပ် ဆိုခဲ့တယ်လို့ပဲ ထုတ်ပြန်ခဲ့ပြီး စာချုပ်သက်တမ်းကိုတော့ ဖော်ပြထားခြင်းမရှိပါဘူး။ လမ်ဖန်အသင်းဟာ ပြီးခဲ့တဲ့ရာသီက ထိုင်းလိဂ်(၃)မှာ ချန်ပီယံဖြစ်ခဲ့ပြီး အခုနှစ် ထိုင်းလိဂ်(၂)မှာ တန်းတက် ယှဉ်ပြိုင်နေတာ ဖြစ်ပါတယ်။ လမ်ဖန်အသင်းဟာ ထိုင်းလိဂ်(၂) အမှတ်ပေးဇယားရဲ့ အဆင့်(၄)နေရာမှာ ရပ်တည်နေတာ ဖြစ်ပါတယ်။ မောင်မောင်လွင် ဟာ အာဆီယံဆူဇူကီးဖလားပွဲမှာ မြန်မာအသင်းအတွက် အုပ်စုပွဲစဉ်(၄)ပွဲလုံး ပါဝင်ကစားခဲ့ပြီး တီမောကို အနိုင်ရတဲ့ပွဲမှာ (၁)ဂိုးသွင်းယူခဲ့ပါတယ်။ ရန်ကုန်ယူနိုက်တက် ကစားသမားဟောင်း မောင်မောင်လွင်ဟာ ကစားသမားဘဝ ပထမဆုံးအကြိမ် ပြည်ပထွက် ကစားမှာလည်း ဖြစ်ပါတယ်။
