CNI Sport News
၂၀၂၄ ခုနှစ်၊ ဧပြီ ၄
အာဆင်နယ်အသင်း ဂိုးသမား ဒေးဗစ်ရာယာဟာ ဒီရာသီ ပရီးမီးယားလိဂ် ပွဲစဉ်ကစားဖို့ ၃ ပွဲ ကျန်ရှိနေသေးပေ မယ့် ဒီပြိုင်ပွဲရဲ့ ရွှေလက်အိတ်ဆုကို ရရှိသွားခဲ့ပြီဖြစ်ပါတယ်။
အဲဗာတန်အသင်းဂိုးသမား ပစ်ဖို့ဒ်ဟာ လူတန်အသင်းနဲ့ ကစားခဲ့တဲ့ပွဲစဉ်မှာ သွင်းဂိုးခွင့်ပြုခဲ့ရတာကြောင့် ဒေးဗစ်ရာယာဟာ ဒီဆုကို ရရှိဖို့ သေချာသွားခဲ့တာပါ။
ပြီးခဲ့တဲ့နွေရာသီက ဘရန်ဖို့ဒ်အသင်းကနေ အငှားနဲ့ ရောက်ရှိလာခဲ့တဲ့ ဒေးဗစ်ရာယာဟာ ဒီရာသီမှာ အာဆင်နယ် အသင်းအတွက် ပရီးမီးယားလိဂ်ပွဲစဉ် ၂၉ ပွဲ ကစားထားပြီး ၁၄ ပွဲ ပေးဂိုး မပေးရအောင် လက်စွမ်းပြသနိုင်ခဲ့တာ ဖြစ်ပါတယ်။
အဲဗာတန်အသင်း ဂိုးသမား ပစ်ဖို့ဒ်ကတော့ ၁၂ ပွဲနဲ့ ဒေးဗစ်ရာယာရဲ့နောက် ဒုတိယနေရာမှာ ရပ်တည်နေတာပါ။
ဒေးဗစ်ရာယာဟာ ဒီရာသီ ပရီးမီးယားလိဂ် ပွဲစဉ်အချို့မှာ အမှားအယွင်းရှိခဲ့ပေမယ့် အမှားတွေကနေ သင်ယူပြီး အကောင်းဆုံး လက်စွမ်းတွေ ပြသနေခဲ့တာကြောင့် အာဆင်နယ်အသင်းရဲ့ နံပါတ်တစ် ဂိုးသမားနေရာကို ရယူနိုင် ခဲ့ပါတယ်။
အာဆင်နယ်အသင်းဟာ ဒေးဗစ်ရာယာနဲ့ ချုပ်ဆိုထားတဲ့ အငှားစာချုပ် ကုန်ဆုံးချိန်မှာ ဘရန်ဖို့ဒ်အသင်းကနေ အပြီးသတ် ဝယ်ယူသွားမှာ ဖြစ်ပါတယ်။
ဒေးဗစ်ရာယာဟာ ၂၀၁၅-၁၆ ရာသီက ပရီးမီးယားလိဂ်ပြိုင်ပွဲမှာ ရွှေလက်အိတ်ဆုရခဲ့တဲ့ ပီတာချက်နောက်ပိုင်း ဒီဆုကိုရယူနိုင်တဲ့ ပထမဆုံး အာဆင်နယ်အသင်း ကစားသမား ဖြစ်လာခဲ့တာပါ။
အာဆင်နယ်အသင်းဟာ ဒီရာသီမှာ ပရီးမီးယားလိဂ်ဖလားကို ရယူနိုင်ဖို့အတွက် ပစ်မှတ်ထားနေပြီး လက်ရှိအချိန် မှာ အဆင့် ၂ နေရာက မန်စီးတီးအသင်းထက် ၁ ပွဲပိုကစားကာ ၁ မှတ်အသာနဲ့ အမှတ်ပေးဇယားကို ဦးဆောင်ထား ပါတယ်။
အာဆင်နယ်အသင်းဟာ ဒီနေ့မှာ ပရီးမီးယားလိဂ်ပွဲစဉ်အဖြစ် ဘုန်းမောက်အသင်းနဲ့ ယှဉ်ပြိုင်ရမှာ ဖြစ်ပါတယ်။
Source: BBC
