CNI Sport News
၂၀၂၃ ခုနှစ်၊ ဖေဖော်ဝါရီ ၈
ဘဏ္ဍာရေး စည်းမျဉ်းစည်းကမ်း ချိုးဖောက်မှု ၁၀၀ ကျော်နဲ့ စွဲချက်တင်ခံထားရပြီး အပြစ်ပေး အရေးယူခြင်း မပြုလုပ်ခင်မှာ နည်းပြ ဂွာဒီယိုလာဟာ မန်စီးတီးအသင်းကနေ ထွက်ခွာသွားနိုင်တယ်လို့ သိရပါတယ်။
ပရီးမီးယားလိဂ်ဟာ မန်စီးတီးအသင်းကို ဘဏ္ဍာရေး ချိုးဖောက်မှု အများအပြား ပြုလုပ်ထားကြောင်း တွေ့ရှိရ တယ်ဆိုပြီး စွဲချက်တင်ထားပါတယ်။
မန်စီးတီးနည်းပြ ဂွာဒီယိုလာဟာ ပြီးခဲ့တဲ့နှစ် မေလက သူ့ကို ဘဏ္ဍာရေးကိစ္စတွေနဲ့ ပတ်သက်ပြီး လိမ်ညာခဲ့ မယ်ဆိုရင် ထွက်သွားမယ်လို့ ပြောထားဖူးပါတယ်။ အဲ့ဒါကြောင့် မန်စီးတီးအသင်းကို အရေးယူမှုတွေ ပြုလုပ်ချိန် မှာ စပိန်လူမျိုးနည်းပြဟာ အသင်းမှာရှိမှာ မဟုတ်တော့ဘူးလို့ The Athletic က ဖော်ပြထားတာပါ။
လွတ်လပ်တဲ့ ကော်မရှင်တစ်ရပ်က ကိုင်တွယ်မယ့် ဒီကိစ္စမှာ မန်စီးတီးအသင်း အနေနဲ့ ပြစ်မှုထင်ရှားခဲ့မယ်ဆိုရင် ရမှတ်လျှော့တာကနေ တန်းဆင်းတဲ့အထိ ပြစ်ဒဏ်ချမှတ် ခံရနိုင်တာ ဖြစ်ပါတယ်။
မန်စီးတီးအသင်းဟာ အခုဖြစ်နေတဲ့ အခြေအနေတွေကို ကိုင်တွယ် ဖြေရှင်းဖို့အတွက် လေးစားခံရတဲ့ နာမည် ကျော်ရှေ့နေ လော့ဒ်ပန်နစ်ခ်ကေစီကို ငှားရမ်းထားပါတယ်။
မန်စီးတီးကွင်းကိုတွေ့ရစဉ်
ဒီရှေ့နေဟာ သူ့ရဲ့မျိုးဆက်တွေထဲမှာ အတော်ဆုံးသူ တစ်ဦးအဖြစ် သတ်မှတ်ခံထားရပြီး အခုအချိန်မှာတော့ တရားရေးတိုက်ပွဲ ဖြစ်လာနိုင်တဲ့ ဒီကိစ္စထဲမှာပါ ပါဝင်လာရတော့မှာ ဖြစ်ပါတယ်။
မန်စီးတီးအသင်းဟာ လော့ဒ်ပန်နစ်ခ်ကေစီ အတွက် တစ်ရက်လုပ်ခ ပေါင် ၈၀,၀၀၀ ဒါမှမဟုတ် တစ်ပတ်လုပ်ခ ပေါင် ၄၀၀,၀၀၀ ကုန်ကျနိုင်တာကြောင့် အသင်းအတွက် ကုန်ကျစရိတ်တွေလည်း များလာနိုင်ပါတယ်။
ဒီကုန်ကျစရိတ်ဟာ အသင်းရဲ့ အဓိက ကစားသမားဖြစ်တဲ့ ဒီဘရိုင်းရဲ့ လုပ်ခလစာနဲ့ ညီမျှနေတာလည်း ဖြစ်ပါ တယ်။ ဂွာဒီယိုလာကတော့ မန်စီးတီးအသင်းနဲ့ ပြီးခဲ့တဲ့ နှစ်ကုန်ပိုင်းမှာ စာချုပ် သက်တမ်း တိုးထားတာကြောင့် ၂၀၂၅ နွေရာသီအထိ စာချုပ်သက်တမ်း ရှိနေတာပါ။
မန်စီးတီးအသင်းဟာ ဒီရာသီမှာ ပရီးမီးယားလိဂ် အမှတ်ပေးဇယား အဆင့် ၂ ၊ ချန်ပီယံလိဂ်ဖလား ၁၆ သင်း အဆင့်နဲ့ အက်ဖ်အေဖလား ပဉ္စမအဆင့်ကို ရောက်ရှိနေတာ ဖြစ်ပါတယ်။
Source: The Sun
