CNI News

၂၀၂၂ ခုနှစ်၊ ဧပြီ ၁၉

ဇိုမီးတော်လှန်ရေးတပ်မတော် (ZRA) အရှေ့ပိုင်းတိုင်းဌာနချုပ်ကို ထိထိရောက်ရောက် ပြင်းပြင်းထန်ထန် အရေးယူသွားမည် ဖြစ်ကြောင်း ချင်းဒေသကာကွယ်ရေးတပ်များဖြင့် ဖွဲ့စည်းထားသည့် ချင်းပြည်ပူးတွဲကာကွယ်ရေးကော်မတီ (CJDC) က ပြော သည်။

ဇိုမီးတော်လှန်ရေးတပ်မတော်(ZRA)သည် တပ်မတော်နှင့် ပူးပေါင်းဆောင်ရွက်နေခြင်းအပြင် ချင်းပြည်နယ်အတွင်းရှိ ပြည်သူ့ ကာကွယ်ရေးတပ်ဖွဲ့များကို နှောင့်ယှက် တိုက်ခိုက်နေခြင်းတို့ကြောင့် CJDC မှ ZRA (Eastern Command) ကို အကြမ်းဖက် အဖွဲ့အဖြစ် ကြေညာထားသည်။

CJDC သတင်းနှင့်ပြန်ကြားရေးမှ Paul က “အကြမ်းဖက်အနေနဲ့ ကျနော်တို့ သတ်မှတ်ပြီးတဲ့နောက်မှာ အကြမ်းဖက်ဆိုတဲ့ နည်းတူ ကျနော်တို့ ထိထိရောက်ရောက်ပေါ့လေ၊ ပြင်းထန်တဲ့ အရေးယူမှုတွေလည်း ဆက်ပြီးတော့မှ ဆောင်ရွက်သွားဖို့ ရှိပါ လိမ့်မယ်” ဟု ပြောသည်။

ZRA ကို မည်သည့် ပုံစံမျိုး အရေးယူမည်ကိုတော့ CJDC သတင်းနှင့်ပြန်ကြားရေးမှ Paul က ထုတ်ဖော်ပြောကြားခြင်း မရှိပေ။

ချင်းပြည်ပူးတွဲကာကွယ်ရေးကော်မတီ (CJDC) ကို ချင်းအမျိုးသားတပ်ဦး(CNF)၊ ချင်းပြည်နယ် ဒေသအသီးသီးရှိ ချင်းဒေသ ကာကွယ်ရေးတပ်(CDF) အပါအဝင် အဖွဲ့ ၁၈ ဖွဲ့ဖြင့် ဖွဲ့စည်းထားသည်။

CJDC ကိုတွေ့ရစဉ်

CJDC ၏ ပြောကြားချက်နှင့်ပတ်သက်ပြီး ZRA သတင်းနှင့်ပြန်ကြားရေးတာဝန်ရှိသူထံ ဆက်သွယ်မေးမြန်းရာမှာတော့ ခရီးလွန်နေ၍ ပြန်လည် ဖြေကြားပေးနိုင်ခြင်း မရှိသေးကြောင်း CNI သတင်းဌာနသို့ ပြန်လည်ဖြေကြားသည်။

လက်နက်ကိုင်အဖွဲ့များအကြား ထိုသို့ ကွဲပြားနေသည့် အခြေအနေရှိသော်လည်း မြေပြင်တွင် ချင်းမျိုးနွယ်စုများအကြား နှစ်ပေါင်းများစွာ ယှဥ်တွဲနေထိုင်လာသည့်အတွက် လူမျိုးရေးနှင့်ဆိုင်သည့် ပဋိပက္ခများ ဖြစ်ပေါ်လာစရာမရှိကြောင်း ဇိုမီးဒီမိုကရေစီအဖွဲ့ချုပ်ပါတီ အတွင်းရေးမှူး ဦးသန်းမြိုင်က ပြောသည်။

“လူမျိုးရေးတော့ ဘာမှမရှိဘူးထင်တာပဲ ဒီလိုပဲ အတူယှဉ်တွဲနေထိုင်ကြတာပဲ၊ ကျနော်တို့ဆီမှာတော့ လောလောဆယ် အကြမ်းဖက်တယ်ဆိုတာတော့ ကျနော်တို့လည်း မတွေ့ရသေးပါဘူး” ဟု ၎င်းက ပြောသည်။

ZRO/ZRA အဖွဲ့သည် ချင်းပြည်နယ် တီးတိန်၊ တွန်းဇံမြို့နယ်များ အပါအဝင် မြန်မာ -အိန္ဒိယနယ်စပ် မဏိပူရ်ပြည်နယ် နယ်စပ်တို့တွင် လှုပ်ရှားသည့် လက်နက်ကိုင်အဖွဲ့ဖြစ်သည်။

ပြီးခဲ့သည့် ၂၀၂၁ ခုနှစ်၊ ဒီဇင်ဘာလ အတွင်းကလည်း အိန္ဒိယနယ်စပ်အနီးတွင် ZRA နဲ့ ချင်းအမျိုးသားတပ်ဦး CNF/CAN တို့ အကြား တိုက်ပွဲဖြစ်ပွားမှုရှိခဲ့သည်။

CNI News

၂၀၂၂ ခုနှစ်၊ ဧပြီ ၁၉

ကရင်အမျိုးသားအစည်းအရုံး(KNU) တပ်မဟာ-၆ နယ်မြေအတွင်းရှိ ကြာအင်းဆိပ်ကြီးမြို့နယ်နှင့် ကျိုက်ဒုံမြို့နယ်တွင် ပိတ် ထားသည့် ချောင်းရေ ပြန်ဖွင့်ရန် တပ်မတော်မှ စာပို့သည့်ကိစ္စ လူထုကို ဓားစာခံလုပ်နေသည်ဟု ယူဆကြောင်း KNU ၏ နိုင်ငံခြားရေးတာဝန်ခံ ပဒိုစောတောနီးက ပြောသည်။

KNU မှ ပိတ်ထားသည့် ချောင်းရေကို သုံးရက်အတွင်း ပြန်ဖွင့်ရန် ဧပြီ ၁၇ ရက်က စာပို့ထားကြောင်း၊ ပြန်မဖွင့်ပေးပါက ကွီလုံတိုင် အနီးအနားရှိ ကျေးရွာများ ပျက်စီးလိမ့်မည်ဟု ပေးပို့ထားသည့် စာတွင် ဖော်ပြထားသည်။

ပဒိုစောတောနီးက “ကျနော်တို့ အနေနဲ့က အဲဒါ စစ်ရေး၊ စစ်ရာကိစ္စဟာ သက်ဆိုင်ရာ တပ်မှူးတွေ လုပ်နေတဲ့ ကိစ္စဖြစ် တယ်လေ၊ ကျနော်တို့မှာ ထူးထူးခြားခြား ပြောစရာတော့ မရှိဘူး၊ တစ်ခုပဲ ရှိတာက ဒီလို စစ်ရေး၊ စစ်ရာနဲ့ ပတ်သက်တဲ့ အခါ မှာ တိုက်ကြခိုက်ကြတာတော့ စစ်မြေမြင်မှာ လုပ်နေတဲ့ အလုပ်ပဲလေ၊ သို့သော်ငြားလည်းဘဲ ဘာမှ မဆိုင်တဲ့ အရပ်သားတွေ ကို ဒီလိုဟာမျိုး မင်းတို့ ဒါမျိုးလုပ်မယ်ဆိုရင် ငါတို့ လူထုကို ဒီလို လုပ်ချလိုက်မယ်ဆိုတဲ့ ဟာမျိုးကတော့ အဲဒါ လူထုကို သက်သက်ဓားစာခံ အနေနဲ့ လုပ်သွားတယ်လို့ပဲ ကျနော်တို့ ယူဆလို့ရတယ်၊ အဲဒါကြောင့်မို့ ဘာဖြစ်လို့လဲဆိုတော့ ဒီလို စစ် ဖြစ်နေတဲ့ ကိစ္စကိုတော့ အရပ်သားကို ပစ်မှတ်ထားပြီး လုပ်လာတဲ့ဟာမျိုး သက်ရောက်နေတယ်ဆိုရင်တော့ ကျနော်တို့ ဘယ် လိုမှ လက်ခံလို့ မရဘူးလေ၊ စစ်တိုက်တာ တိုက်တာပေါ့၊ ဒါပေမယ့် တိုက်လို့ မနိုင်ဘဲနဲ့ အကျပ်အတည်း ပြုလာတဲ့အခါမှာ လူထုကို သွားပြီးတော့ ဖိအားပေးတယ်၊ သွားပြီးတော့ အကျပ်ကိုင်တယ် နောက် နှိပ်စက်တယ်၊ ပစ်ခတ်တယ် အဲဒါမျိုးကြ တော့ လုံးဝ မဖြစ်သင့်ဘူးလို့ ကျနော်ကတော့ အဲလို မြင်ပါတယ်ခင်ဗျ” ဟု ပြောသည်။

စစ်တပ်က KNU ကို ပို့တဲ့စာ

အဆိုပါ စာကို တပ်မတော်၏ ကွီလုံတိုင် စစ်ဆင်ရေး ခြေကုတ်စခန်း ခမရ-၅၆၁ တပ်ရင်းက ပေးပို့ထားခြင်းဖြစ်ပြီး မိမိတို့ အနေဖြင့် ရေရရှိရေး မဖြစ်မနေ လုပ်ဆောင်ရမည်ဖြစ်ကြောင်း စာထဲတွင် ဖော်ပြထားသည်။

ပဒိုစောတောနီးက “အမျိုးမျိုး ဖြစ်နိုင်တာပေါ့လေ၊ တောက်လျှောက်ပဲ အနည်းဆုံးက ဘာဖြစ်နိုင်လဲဆိုတော့ တိုက်ပွဲ ထပ်ဖြစ် ပြီဆိုရင်တော့ မဆီမဆိုင်တဲ့ ရွာထဲကို လက်နက်ကြီးနဲ့ ပတ်ခတ်တာတို့၊ မထင်ရင် မထင်သလို ရွာထဲကို ဝင်လာပြီး အကုန်လုံး မီးရှို့ပစ်တာတို့ တာတွေက အများကြီး ဖြစ်နိုင်တာပေါ့၊ သူတို့ လုပ်နေကြအလုပ်ပဲလေ၊ ကျနော်တို့ ဒေသချည်းပဲ မဟုတ်ဘူး၊ တခြား နေရာတွေမှာလည်း လုပ်နေတာပဲ၊ ဆိုတော့ အဲဒါကို အထူးသဖြင့် လူထုကို ကြောက်စိတ် ဝင်အောင်လုပ်တာ နောက် ပြီးတော့ အထူးသဖြင့် တော်လှန်ရေး အဖွဲ့အစည်းတွေကို မကူညီအောင် လုပ်နေတဲ့ဟာက ဒီနည်းပေါင်းစုံပဲလေ၊ နောက် လေယာဉ်နဲ့ လာဗုံးကြဲတယ်ဆိုတာလည်း အရပ်သားပစ်မှတ်ကို သက်သက် ဒါဗုံးချလိုက်တာကလည်း လူထုက ကြောက် လန့်ပြီးတော့ မနေရဲအောင်ပေါ့၊ အဲလိုဟာမျိုးတွေက အများကြီး ဖြစ်နိုင်ပါတယ်” ဟု ပြောသည်။

KNU တပ်မဟာ(၆) နယ်မြေအတွင်းတွင် တပ်မတော်နှင့် KNLA၊ ဒေသကာကွယ်ရေးတပ်(PDF) ပူးပေါင်းတပ်တို့အကြား မတ်လ အစောပိုင်းကစပြီး တိုက်ပွဲများ မကြာခဏ ဖြစ်ပွားလျက်ရှိသည်။

KNU သည် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) ထိုးထားသည့် လက်နက်ကိုင်အဖွဲ့ပြီးပြီ ၂၀၂၁ ခုနှစ်၊ ဖေဖော်ဝါရီ ၁ ရက်တွင် တပ်မတော်က NLD အစိုးရကို ဖြုတ်ချခဲ့ပြီးနောက် နွေဦးတော်လှန်ရေးမှာ ပါပါဝင်လာ၍ တိုက်ပွဲများ ပြန်လည် ဖြစ်ပွားလာခဲ့သည်။

CNI News

၂၀၂၂ ခုနှစ်၊ ဧပြီ ၁၈

မိမိတို့သည် ပါတီစုံဒီမိုကရေစီကို လျှောက်လှမ်းနေခြင်း ဒီမိုကရေစီအုပ်ချုပ်ရေးကို ဖော်ဆောင်နေခြင်း ဖြစ်သည့်အတွက် ဥပဒေကို ပိုမိုသိရှိလိုက်နာရမည်ဟု နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောသည်။

ယနေ့ (ဧပြီ ၁၈ ရက်) ပြင်ဦးလွင် တပ်နယ်တွင် ဥပဒေဒီပလိုမာ သင်တန်းသားများနှင့်တွေ့ဆုံစဉ် ၎င်းက အထက်ပါ အတိုင်း ပြောကြားခဲ့ခြင်း ဖြစ်သည်။

နစကဥက္ကဋ္ဌက “တပ်မတော်သားများအနေဖြင့် ဥပဒေကို သိရှိနားလည် လိုက်နာရန်လိုအပ်သည့်အတွက် ဥပဒေ သင်တန်း များကို ပို့ချပေးနေခြင်းဖြစ်ကြောင်း၊ မိမိတို့သည် ပါတီစုံဒီမိုကရေစီကို လျှောက်လှမ်းနေခြင်း၊ ဒီမိုကရေစီအုပ်ချုပ်ရေးကို ဖော်ဆောင်နေခြင်း ဖြစ်သည့်အတွက် ဥပဒေကို ပိုမိုသိရှိလိုက်နာရမည်ဖြစ်ကြောင်း၊ ဥပဒေသည် စည်းကမ်းမှ ပေါ်ပေါက် လာခြင်းဖြစ်ပြီး စည်းကမ်းသည် ကျင့်ဝတ်နှင့်အညီ နေထိုင်လုပ်ကိုင် ဆောင်ရွက်ခြင်းပင်ဖြစ်တယ်”ဟု ပြောသည်။

ထို့ကြောင့် ဥပဒေ၏ အနှစ်သာရနှင့် အခြေခံကို သိရှိမှသာလျှင် ဥပဒေအတိုင်း လိုက်နာဆောင်ရွက်နိုင်မည်ဖြစ်သည့် အတွက် သင်ကြားပေးသည့် ဥပဒေပိုင်းဆိုင်ရာ ပညာရပ်များကို အမှန်တကယ်သိရှိတတ်မြောက်အောင် သင်ယူကြစေ လိုကြောင်း၊ နိုင်ငံတကာတွင်လည်း မည်သည့်ကိစ္စမဆို ဥပဒေနှင့်အညီသာ ဆောင်ရွက်ကြသည် ဖြစ်သည့်အတွက် ဥပဒေပညာရပ်သည် မဖြစ်မနေ သိသင့်သိထိုက်သည့် ပညာရပ်တစ်ခုပင်ဖြစ်ကြောင်း ၎င်းက ပြောသည်။

နိုင်ငံရေးလေ့လာသုံးသပ်သူတစ်ဦးကတော့ တပ်မတော်သည် ဥပဒေကို လေးစားလိုက်နာမည်ဆိုပါက ဒီမိုကရေစီ အသွင် ကူးပြောင်းကိုအတွက် အဆင်ပြေချောမွေ့နိုင်ကြောင်း၊ တပ်မတော်က ဥပဒေကို လေးစားလိုက်နာမှု အားနည်းပါက ဒီမိုကရေစီအသွင် ကူးပြောင်းရေးအတွက် အဟန့်အတားဖြစ်စေနိုင်ကြောင်းကို သတိပြုစေလိုသည်ဟု ဆိုသည်။

၂၀၂၁ ခုနှစ်၊ ဖေဖော်ဝါရီ ၁ ရက်က စတင်ပြီး ယနေ့ထိ ဖြစ်ပွားနေသော နိုင်ငံရေး အကျပ်အတည်းသည် ရွေးကောက်ပွဲ ဆိုင်ရာ ဥပဒေအရ အငြင်းပွားမှု ဖြစ်ပေါ်ခဲ့သည်ကို မဖြေရှင်းနိုင်၍ ယခုအခြေအနေကို ရောက်ရှိလာခဲ့ခြင်းဖြစ်ကြောင်း၊ ထို့ကြောင့် ဒီမိုကရေစီ အသွင်ကူးပြောင်းရေးကို အဟန့်အတား ဖြစ်စေခဲ့ကြောင်း ၎င်းက ပြောသည်။

CNI News

၂၀၂၂ ခုနှစ်၊ ဧပြီ ၁၈

သျှမ်းပြည်ပြန်လည်ထူထောင်ရေးကောင်စီ/ သျှမ်းပြည်တပ်မတော် (RCSS/SSA) မှ ဗိုလ်ကြီး အဆင့်ရှိသူ နှစ်ဦး ရှမ်းပြည်တိုးတက်ရေးပါတီ/ ရှမ်းပြည်တပ်မတော် (SSPP/SSA)ထံ သွားရောက် ခိုလှုံကြောင်း သိရသည်။

SSPP ထံ သွားရောက်ခိုလှုံထားသူ နှစ်ဦးသည် မူးယစ်ဆေးဝါးကိစ္စနှင့် ပတ်သက်၍ တပ်ပိုင်းဆိုင်ရာ စည်းကမ်းများ ဖောက်ဖျက်ထားကြောင်း RCSS မှ ပြောခွင့်ရပုဂ္ဂိုလ် ဗိုလ်မှူး စိုင်းခမ်းစံက ပြောသည်။

ဗိုလ်မှူး စိုင်းခမ်းစံက “အဲဒါက ဗိုလ်ကြီးအဆင့် ခင်ဗျ၊ ဗိုလ်ကြီးအဆင့်နဲ့ ပြောရမယ်ဆို တပ်ပိုင်းဆိုင်ရာ စည်းကမ်း ဖောက် ဖျက်တာပေါ့။ မူးယစ်ဆေးဝါးကိစ္စနဲ့ ပတ်သက်ပြီးတော့မှ သူတို့ ကိုယ်ကျင့်တရားတွေ ပြုပြင်ဖို့အတွက် ကျနော်တို့ ဒီဌာန ချုပ်ကို ပြန်ခေါ်တယ်၊ ပြစ်မှု၊ ပြစ်ဒဏ်တွေ မိမှာစိုးလို့ သူတို့က ပြေးတာ” ဟု ပြောသည်။

RCSS ၏ တပ်စည်းမျဉ်းအရ မူးယစ်ဆေးဝါးနှင့် မပတ်သက်ရကြောင်း၊ မသုံးစွဲရကြောင်း ၎င်းတို့ နှစ်ဦးမှာ သုံးစွဲနေကြောင်း၊ လက်ရှိတွင် ၎င်းတို့ကို SSPP က မည်သည့်နေရာတွင် ထိန်းသိမ်းထားသည်ကို မသိရှိရသေးကြောင်း ၎င်းက ပြောသည်။

RCSS တပ်ဖွဲ့ကိုတွေ့ရစဉ်

ဗိုလ်မှူး စိုင်းခမ်းစံက “အဓိကကျတော့ ဒီကိုယ်ကျင့်မကောင်းတဲ့ ရဲဘော်ဆိုတာ နေရာတိုင်းမှာ ရှိတတ်တယ်လေ၊ အရင် တုန်းက ကျနော်တို့က လာပူးပေါင်းလို့ရှိရင် စည်းရုံးရေးအနေနဲ့ ကျနော်တို့က လက်ခံထားတယ်၊ အများအားဖြင့် တပ်ပြေး တွေက ကိုယ်ကျင့်တရား သိပ်မကောင်းကြဘူးခင်ဗျ၊ ပြောရမယ်ဆိုရင် သူက တပ်မဟာ ၃ ကနေ လာပေါင်းတာ တစ်ကြိမ်ပေါ့ နော်၊ အခုပြန်ပြေးသွားတယ်ဆိုတော့ နှစ်ကြိမ်ရှိသွားပြီလေ” ဟု ပြောသည်။

ထိုသို့ သွားရောက် ခိုလှုံထားသည့် အရာရှိတစ်ဦးမှာ SSPP မှ RCSS ထံ လာရောက်ပူးပေါင်းခဲသူ တစ်ဦးဖြစ်ကြောင်း၊ မူးယစ် ဆေးဝါး သုံးစွဲသည့် အကျင့်ဟောင်း မဖျောက်နိုင်၍ ပြန်ပြေးသွားခြင်းဖြစ်ကြောင်း ဗိုလ်မှူး စိုင်းခမ်းစံက ပြောသည်။

အဆိုပါ အခြေအနေများနှင့်ပတ်သက်ပြီး SSPP ထံ ဆက်သွယ် မေးမြန်းသော်လည်း အဆက်အသွယ်မရသေးသည့် အတွက် တစ်စုံတစ်ရာ မသိရသေးပေ။

ပြီးခဲ့သည့် ရက်ပိုင်းကတော့ SSPP ဘက်မှ လာရောက်ခိုလှုံသူ ဗိုလ်ကြီးအဆင့်ရှိသူ နှစ်ဦးကို သျှမ်းဘာသာစကားဖြင့် အင်တာဗျူးလုပ်ကာ ထုတ်လွှင့်ပြသခဲ့သေးသည်။

CNI News

၂၀၂၂ ခုနှစ်၊ ဧပြီ ၁၈

လက်ရှိ ချင်းပြည်နယ်အတွင်း ပြည်သူ့ကာကွယ်ရေးတပ်များ ထိန်းချုပ်ထားသည့် ဒေသတစ်ခုလုံးကို လွှမ်းခြုံနိုင်မည့် အုပ်ချုပ် ရေး အစီအမံတစ်ခုကို မကြာခင် စတင်သွားမည်ဖြစ်ကြောင်း ချင်းပြည်နယ် ပူးတွဲကာကွယ်ရေးကော်မတီ (CJDC)မှ တာဝန်ရှိ သူတစ်ဦးက ပြောသည်။

ချင်းပြည်နယ်မှ ပြည်သူ့ကာကွယ်ရေး တပ်ဖွဲ့များအနေနှင့် ချင်းပြည်နယ်၏ ကျေးလက်ဒေသများ အပါအဝင် ပြည်နယ်၏ ၇၅ ရာခိုင်နှုန်းကျော် ထိန်းချုပ်ထားနိုင်ပြီဖြစ်ကြောင်း၊ မကြာခင်ကာလတွင် ထိုထိန်းချုပ်နယ်မြေများ၌ အုပ်ချုပ်ရေး အစီအမံ လမ်းကြောင်းကို စတင်မည်ဖြစ်ကြောင်း CJDC သတင်းနှင့်ပြန်ကြားရေးဌာန အတွင်းရေးမှူး Paul က ပြောသည်။

၎င်းက “ကျနော်တို့ ပလက်ဖောင်းတစ်ခုကိုတော့ မကြာမီ အချိန်အတွင်းမှာ ချင်းပြည်တည်ဆောက်ရေးအတွက် လိုအပ်တဲ့ အုပ်ချုပ်ရေး ယန္တရား အစီအမံတွေကိုလည်း သက်ဆိုင်ရာ ကျနော်တို့ လက်ရှိ ချင်းပြည်နယ်မှာ ICNCC စုဖွဲ့မှုလည်း ရှိသလို၊ တစ်ဖက်မှာလည်း စစ်ရေးအရ ဆိုပေမယ့် လိုအပ်ချက်အရ ကျနော်တို့ CJDC အနေနဲ့ကလည်း အုပ်ချုပ်ရေး ယန္တရားတွေ ခုန ကပြောတဲ့ ပညာရေး၊ ကျန်းမာရေး၊ IDPs ကဏ္ဍတွေမှာလည်း ဘယ်လိုပုံစံမျိုး ကျနော်တို့ စုစည်းကြမလဲ၊ ဘယ်လိုပုံစံမျိုး ပေါင်းစည်းကြမလဲဆိုတဲ့ ဆွေးနွေးဆုံးဖြတ်ချက်တွေ တော်တော်များများလည်း ရှိပါတယ်၊ အဲဒီအပေါ်မှာလည်း တိတိကျကျ ကျနော်တို့ ဖော်ပြလို့ မရပေမယ့် မကြာမီကာလမှာ လက်ရှိ ခုနကပြောတဲ့ ၇၅ နဲ့ ၈၀ ကြားမှာ Control Areas လိုမျိုးမှာ တိ တိကျကျ ဆောင်ရွက်လို့ရနိုင်တဲ့ ပလက်ဖောင်း တစ်ခုလိုမျိုး၊ ဘယ်လိုနာမည်နဲ့ ထွက်လာမယ်ဆိုတာ မသိပေမယ့်လည်း မကြာမီကာလမှ အစီအမံတစ်ခုကိုတော့ ကျနော်တို့ ဖော်ဆောင်သွားဖို့ ရှိပါလိမ့်မယ်၊ အဲဒီဟာကလည်း ချင်းပြည်တစ်ခုလုံးရဲ့ လွှမ်းခြုံနိုင်တဲ့ ပလက်ဖောင်းတစ်ခုကို အခြေခံပြီးတော့ ဖော်ဆောင်သွားမှာ ဖြစ်ပါတယ်”ဟု ပြောသည်။

CJDC အစည်းအဝေး ကျင်းပနေစဉ်

ပြီးခဲ့သည့် ဧပြီလ ဒုတိယအပတ်အတွင်းက CJDC အစည်းအဝေး ကျင်းပ၍ မြို့နယ်နှင့် ဒေသကာကွယ်ရေးတပ်များ၏ စစ်ရေး ဆိုင်ရာ အစီရင်ခံချက်များကို ပြန်လည်သုံးသပ်ခြင်း၊ ရှေ့လုပ်ငန်းစဉ်များ ချမှတ်ခြင်း လုပ်ဆောင်ခဲ့သည်ဟု CJDCက ထုတ်ပြန် ထားသည်။

CJDC ကို CNF၊ ချင်းဒေသကာကွယ်ရေးတပ်(CDF)များ အပါအဝင် ချင်းလက်နက်ကိုင်တပ်ဖွဲ့ ၁၈ ဖွဲ့ဖြင့် စုဖွဲ့ထားကြောင်း သိရသည်။

CJDC သတင်းနှင့်ပြန်ကြားရေးဌာန အတွင်းရေးမှူး Paul က “မြို့ပြလိုမျိုး ခုနက ဟားခါးလိုမျိုးဆိုရင် ဟားခါးမြို့ရဲ့ အနီးစပ် ဆုံး ၄ မိုင်- ၅ မိုင်လောက်အထိကို စစ်ကောင်စီတွေအနေနဲ့ ထိုးဖောက်လို့ မရတဲ့ နေရာမျိုးမှာ ကာကွယ်ရေးတပ်တွေ ရှိတယ် ပေါ့လေ၊ အဲဒီ ကျေးရွာတွေတိုင်းရဲ့ အုပ်ချုပ်ရေး ယန္တရား တည်ဆောက်တဲ့ နေရာတွေ အကုန်လုံးက ကျနော်တို့နဲ့ပဲ သွားရမယ် ဆိုတဲ့ ပုံစံမျိုး ဖြစ်လာပါတယ်၊ ပြီးတော့မှ ထန်တလန်လိုမျိုးကို သွားကြည့်မယ်ဆိုရင်လည်း မြို့တွင်းမှာရှိတဲ့ တပ်ကုန်းလို နေရာမျိုးပဲ စစ်ကောင်စီတွေ နေလို့ရတယ်၊ ကျန်တဲ့ ကျေးရွာပေါင်း အကုန်လုံးကိုတော့ ကျနော်တို့ ကာကွယ်ရေးတပ်ဖွဲ့တွေ အနေနဲ့ Control Areas လုပ်ထားတာမျိုး ဖြစ်ပါတယ်၊ အဲဒီလိုမျိုး တခြားနေရာ တော်တော်များများမှာလည်း ကျနော်တို့ ကာကွယ်ရေးတပ်ဖွဲ့တွေအနေနဲ့ မြို့တွင်းကလွဲရင် ကျန်တဲ့ ချင်းပြည်နယ်ရဲ့ မြို့တော်တော်များများတွေမှာ ထိန်းချုပ်ထား နိုင်တဲ့ ဧရိယာကို Boundary ကိုတွက်ပြီးတော့ Percentage အနေနဲ့က တွက်ထားတာမျိုးလည်း ဖြစ်ပါတယ်”ဟု ပြောသည်။

CDF များက တိုက်ခိုက်နေခြင်း

CJDC က ချင်းပြည်နယ်အတွင်း လှုပ်ရှားနေသည့် ဇိုမီးလက်နက်ကိုင်အဖွဲ့ဖြစ်သည့် ZRO/ZRA (Eastern Command) ကို လည်း တော်လှန်ရေးလှုပ်ရှားမှုများကို နှောင့်ယှက်သည်ဟုဆိုကာ အကြမ်းဖက်အဖွဲ့အဖြစ် သတ်မှတ်ကြောင်း ကြေညာထား သည်။

လက်ရှိ ချင်းပြည်နယ်တွင် ချင်းအမျိုးသားတပ်ဦး (CNF) ၊ ဒေသကာကွယ်ရေးတပ် (PDF) ပူးပေါင်းတပ်ဖွဲ့နှင့် တပ်မတော် အကြား တိုက်ပွဲများ ဖြစ်ပွားလျက်ရှိသည်။

CNI News

၂၀၂၂ ခုနှစ်၊ ဧပြီ ၁၈

နစကဥက္ကဋ္ဌက တိုင်းရင်းသားလက်နက်ကိုင် ခေါင်းဆောင်များကို ဝဏ္ဏကျော်ထင်ဘွဲ့ ပေးအပ်ခြင်းသည် ဆွေးနွေးညှိနှိုင်းမှုတွင် ယုံကြည်မှု ချော့မွေ့ကာ ဆက်သွယ်နိုင်မည့် လမ်းကြောင်းပွင့်သည်ဟု ယူဆကြောင်း တိုင်းရင်းသား လက်နက်ကိုင် ခေါင်း ဆောင် တစ်ဦးဖြစ်သူ ဗိုလ်မှူးကြီး ခွန်ဥက္ကာက ပြောသည်။

မြန်မာနိုင်ငံ လွတ်လပ်ရေးရပြီး (၇၅)နှစ်တာ ကာလအတွင်း နိုင်ငံတော်နှင့် နိုင်ငံသားများ ကောင်းကျိုးကို ထူးချွျွပြောင် မြောက်စွာ တာဝန်ထမ်းဆောင် နိုင်မှုများအတွက် နစကဥက္ကဋ္ဌက ဝဏ္ဏကျော်ထင်ဘွဲ့ ဂုဏ်ထူးဆောင်တံဆိပ်ကို ချီးမြှင့် ကြောင်း ဧပြီ ၁၇ ရက်တွင် ထုတ်ပြန်ခဲ့သည်။

ဗိုလ်မှူးကြီး ခွန်ဥက္ကာက “ဘာမှ ထူးထူးခြားခြားကြီး လှုပ်လှုပ်ရှားရှားကြီး မဖြစ်သွားပါဘူးလို့။ သူ့ဟာသူ အထိုက်အလျောက်ပဲ ရှိပါတယ်၊ အထူးသဖြင့်တော့ ဒီလိုပေးခြင်းအားဖြင့် လာမယ့် ကျနော်တို့ ဆွေးနွေးညှိနှိုင်းမှုတွေမှာ ပိုပြီးတော့ ယုံကြည်မှု ချောချောမွေ့မွေ့ ပြောဆိုဆက်သွယ်နိုင်တဲ့ လမ်းကြောင်း ပွင့်တယ်လို့ ယူဆတယ်ဗျ။ ဒီဟာကို အသုံးပြုပြီးတော့ တိုင်းပြည်မှာ လက်တွေ့ ရင်ဆိုင်နေရတဲ့ နိုင်ငံရေး အကျပ်အတည်းတွေ ပဋိပက္ခတွေ မီးရှို့၊ သတ်ဖြတ်၊ နှိပ်ကွပ် ဖမ်းဆီးနေတာတွေ အများ ကြီး ဖြစ်နေတော့ ဒီပြည်သူလူထုကို ကာကွယ်ပေးဖို့ သူတို့ သက်သာရာ သက်သာကြောင်း ဆွေးနွေးညှိနှိုင်းနိုင်ဖို့အတွက် ကျနော်တို့ ဒီအခွင့်အရေးကို အသုံးပြုရမယ်လို့ မြင်တယ်ဗျ” ဟု ပြောသည်။

လက်ရှိ အခွင့်အရေးကို အသုံးချတတ်ပါက တိုင်းပြည်အတွက် ကောင်းကျိုးကို ရရှိမှာဖြစ်ကြောင်း၊ အသုံးမပြုတတ်ပါက ကောင်းသည့် ရလဒ်ထွက်မှာ မဟုတ်ကြောင်း ၎င်းက ပြောသည်။

ဝဏ္ဏကျော်ထင်ဘွဲ့ ရရှိသူများ စာရင်း

ဝဏ္ဏကျော်ထင်ဘွဲ့ ချီးမြှင့်ခံရသူများမှာ RCSS ဥက္ကဋ္ဌ ဗိုလ်ချုပ်ကြီးယွက်စစ်၊ KNU ဥက္ကဋ္ဌ ဗိုလ်ချုပ်ကြီးစောမူတူးစေးဖိုး၊ ALP မှ ဦးခိုင်စိုးနိုင်အောင်၊ NMSP ဥက္ကဋ္ဌဟောင်း ဦးနိုင်ထောမွန်၊ NMSP ဥက္ကဋ္ဌဟောင်း နိုင်ရွှေကျင်၊ PNLO ၏ ဦးဆောင်နာယက ဗိုလ်မှူးကြီးခွန်ဥက္ကာ၊ KNU/KNLA-PC ဥက္ကဋ္ဌဟောင်း ဗိုလ်ချုပ်ဌေးမောင်(ခ)စောဌေးမောင်၊ KIO(ခွဲထွက်)ဦးလဆန်အောင်ဝါ အဖွဲ့မှ ခေါင်းဆောင် ဦးလဆန်အောင်ဝါ၊ KNU ဖဒိုအောင်ဆန်းအဖွဲ့မှ ဖဒိုအောင်ဆန်း၊ KNU တပ်မဟာ(၂) သံတောင် အထူး ဒေသအဖွဲ့မှ စောဖယ်ရီမိုး၊ KNU တပ်မတော်(၆) တပ်ရင်း(၁၆)မှ ဦးစောသမူဟဲတို့ ဖြစ်သည်။

RCSS မှ ဥက္ကဋ္ဌ ဗိုလ်ချုပ်ကြီး ယွက်စစ် ဝဏ္ဏကျော်ထင်ဘွဲ့ ချီးမြှင့်ခံရခြင်းနှင့် ပတ်သက်၍ မှတ်ချက်ပေးစရာမရှိကြောင်း RCSS မှ ပြောခွင့်ရပုဂ္ဂိုလ် ဗိုလ်မှူးစိုင်းခမ်းစံက ပြောသည်။

ဗိုလ်မှူး စိုင်းခမ်းစံက “ကျနော်တို့ မသိရဘူးခင်ဗျ၊ သတင်းထုတ်ပြန်တဲ့ နေ့မှာသိရတာလေ၊ အွန်လိုင်းပေါ်မှာပဲ တွေ့ရတယ် ခင်ဗျ၊ တခြား အကြောင်းအရာတွေ မသိရဘူးခင်ဗျ၊ သူတို့ ထုတ်ပြန်မှ ကျနော်တို့ သိရတယ်ခင်ဗျ၊ ကျနော်တို့လည်း ဘာမှ မှတ်ချက်ပေးစရာ မရှိဘူးခင်ဗျ၊ သူတို့ဟာသူတို့ ထုတ်ပြီးတော့မှ ထုတ်ပြီးတဲ့ နောက်ပိုင်းမှ ကျနော်တို့ သိတာလေ” ဟု ပြော သည်။

မြန်မာနိုင်ငံသည် ၁၉၄၈ ခုနှစ်က လွတ်လပ်ရေး ရရှိခဲ့ပြီးနောက် လွတ်လပ်ရေးနေ့ အထိမ်းအမှတ်အဖြစ် ဘွဲ့၊ တံဆိပ်များကို ချီးမြှင့်လျက်ရှိကြောင်း၊ ဝဏ္ဏကျော်ထင်ဘွဲ့မှာ အများပြည်သူတို့၏ ကောင်းရာကောင်းကြောင်းကို ဖြစ်ထွန်းအောင် ဆောင် ရွက် ခြင်းအတွက် ချီးမြှင့်ကြောင်း သိရသည်။

CNI News
၂၀၂၂ ခုနှစ်၊ ဧပြီ ၁၇

ဗမာပြည်သူ့လွတ်မြောက်ရေး တပ်တော်(BPLA) တည်ထောင်ခြင်း တစ်နှစ်ပြည့် အခမ်းအနားသို့ ကရင်အမျိုးသားလွတ်မြောက်ရေးတပ်မတော်(KNLA)၏ ဒုစစ်ဦးစီးချုပ် ဒုဗိုလ်ချုပ်ကြီး ဘောကျော်ဟဲနှင့်ဇနီးဖြစ်သူ နော်မေဦးတို့ တက်ရောက်ခဲ့သည်။

အဆိုပါ အခမ်းအနားကို ယနေ့(ဧပြီ ၁၇ ရက်)တွင် လွတ်မြောက်နယ်မြေ တစ်နေရာမှာ ကျင်းပခဲ့ခြင်း ဖြစ်သည်။

BPLA တည်ထောင်သူ မောင်ဆောင်းခနဲ့ ဒုဗိုလ်ချုပ်ကြီးဘောကျော်ဟဲ(ဓာတ်ပုံ-BPLA)

BPLA သည် KNLA တပ်ဖွဲ့ဝင်များဖြင့် ပူးပေါင်း၍ နွေဦးတော်လှန်ရေးတွင် ပါဝင်လျက်ရှိသည်။

CNI News
၂၀၂၂ ခုနှစ်၊ ဧပြီ ၁၇

ယခုနှစ်ကို ငြိမ်းချမ်းရေးနှစ်ဟု သတ်မှတ်ထားပြီး တစ်နိုင်ငံလုံး ငြိမ်းချမ်းသာယာမှု ရှိစေရေး အစွမ်းကုန် ကြိုးစားနေပါသည် ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ယနေ့(ဧပြီ ၁၇ ရက်) မြန်မာ့နှစ်သစ်ကူးနေ့တွင် ပြောကြားခဲ့သည်။

ဖြတ်သန်းခဲ့သည့် တစ်နှစ်တာကာလအတွင်း ပြည်ကြည့်မည်ဆိုပါက ကိုဗစ်-၁၉ ကပ်ရောဂါ ဖြစ်ပွားလာခဲ့သည့် စိန်ခေါ်မှု အခက်အခဲများ၊ ပါတီစုံဒီမိုကရေစီလျှောက်လှမ်းမှုမှာ ရိုးသားသည့် ဒီမိုကရေစီအစား ရည်ရွယ်ချက်ရှိရှိ ဖောက်ဖျက်ကျူး လွန်မှုများကြောင့် ဖြစ်ပေါ်လာသော နိုင်ငံရေး အကျပ်အတည်းများကို ကျော်ဖြတ်ခဲ့ရသည်ဟု ၎င်းက ပြောသည်။

ဗိုလ်ချုပ်မှူးကြီးမင်းအောင်လှိုင်က “ဒီနှစ်ဟာ စိန်ရတု လွတ်လပ်ရေးနေ့ရဲ့ အကြိုနှစ်ဖြစ်ပါတယ်။ ဒါကြောင့် လွတ်လပ်ရေး ရဲ့ အသီးအပွင့်များ၊ ဒီမိုကရေစီ အုပ်ချုပ်ရေးရဲ့ အနှစ်သာရများ အပြည့်အဝခံစားရစေဖို့ ကျနော်တို့အားလုံး အစွမ်းကုန် ကြိုးစားကြရပါဦးမယ်။ ဒါကြောင့် ဒီနှစ်ကို ငြိမ်းချမ်းရေးနှစ်လို့ သတ်မှတ်ပြီး တစ်နိုင်ငံလုံး ငြိမ်းချမ်းသာယာမှု ရှိစေရေး အစွမ်းကုန် ကြိုးစားနေပါတယ်”ဟု ပြောသည်။

ထို့နောက် မိမိအနေဖြင့် အမျိုးသားရေး ရည်မှန်းချက် ၂ ခုရှိကြောင်း၊ ပထမတစ်ချက်မှာ နိုင်ငံတော်ကြီး သာယာဝပြောရေး၊ ဒုတိယအချက်မှာ တိုင်းပြည် စားရေရိက္ခာပေါများရေးတို့ဖြစ်ကြောင်း နစကဥက္ကဋ္ဌက ပြောသည်။

တပ်မတော်ဖြုတ်ချ၍ တိုက်ခိုက်နေတဲ့ ကယားပြည်နယ်က ဒေသကာကွယ်ရေးတပ်ဖွဲ့

၎င်းက “ပြည်ထောင်စုကြီး တစ်ခုလုံး အေးချမ်းသာယာစွာနဲ့ လူတိုင်း လူတိုင်း ကိုယ်စိတ်ချမ်းသာစွာနဲ့ လုပ်ကိုင် စား သောက်နိုင်ပြီး နိုင်ငံတကာနဲ့ရင်ဘောင်တန်းနိုင်ရပါမယ်။ မြေပေါ် မြေအောက် သဘာဝအရင်းအမြစ်များ အသုံးချပတိုင်းသူပြည်သူအားလုံးအတွက် စားရေရိက္ခာ မပူမပင် အကြောင့်မကြ ပြည့်စုံနေအောင် ဆောင်ရွက်ရေးပဲ ဖြစ်ပါတယ်” ဟု ပြောသည်။

လက်ရှိ မြန်မာနိုင်ငံတွင် ၂၀၂၁ ခုနှစ်၊ ဖေဖော်ဝါရီ ၁ ရက်နေ့က တပ်မတော်မှ NLD အစိုးရကို ၂၀၂၀ အထွေထွေရွေး ကောက်ပွဲ မဲစာရင်းအငြင်းပွားမှုအား မဖြေရှင်းဘဲ အစိုးရဖွဲ့စည်းရေး ကြိုးပမ်းသည်ဟုဆိုကာ ဖြုတ်ချ၍ နိုင်ငံတော်အား အရေးပေါ် ကြေညာထားသည်မှာ ယခုအထိပင် ဖြစ်သည်။

ထို့နောက် တပ်မတော် ပြန်လည် ဖြုတ်ချ၍ ဒီမိုကရေစီအင်အားစုများနှင့် NLD ဝင်များ ပါဝင်သည့် အမျိုးသားညီညွတ်ရေး အစိုးရ(NUG)က လက်နက်ကိုင်တော်လှန်လျက်ရှိရာ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်၊ ကရင် ပြည်နယ်၊ ကယားပြည်နယ်တို့တွင် တိုက်ပွဲများ ဖြစ်ပွားလျက်ရှိသည်။

အလားတူ မန္တလေးတိုင်းဒေသကြီး၊ ရန်ကုန်တိုင်းဒေသကြီး အပါအဝင် တခြားသော ပြည်နယ်များတွင် ပေါက်ကွဲမှုများ ဖြစ်ပွားလျက်ရှိသလို သတ်ဖြတ်ခံရမှုများလည်း ဖြစ်ပွားလျက်ရှိနေသည်။

CNI News
၂၀၂၂ ခုနှစ်၊ ဧပြီ ၁၇

ရှမ်းပြည်ပြန်လည်ထူထောင်ရေးကောင်စီ(RCSS)ဥက္ကဋ္ဌ ဗိုလ်ချုပ်ကြီးယွက်စစ်၊ ကရင်အမျိုးသားအစည်းအရုံး(KNU)ဥက္ကဋ္ဌ ဗိုလ်ချုပ်ကြီးစောမူတူးစေးဖိုး အပါအဝင် လက်နက်ကိုင်အဖွဲ့အစည်းများကို နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ယနေ့(ဧပြီ ၁၇ ရက်)တွင် ဝဏ္ဏကျော်ထင်ဘွဲ့ ပေးအပ်ကြောင်း ထုတ်ပြန်ခဲ့သည်။

ဗိုလ်ချုပ်ကြီးစောမူတူးစေးဖိုး

မြန်မာနိုင်ငံ လွတ်လပ်ရေးရပြီး ၇၅ နှစ်တာကာလအတွင်း နိုင်ငံတော်နှင့် နိုင်ငံသားများ ကောင်းကျိုးကို ထူးချွန်ပြောင် မြောက်စွာ တာဝန်ထမ်းထမ်းဆောင်နိုင်မှုများအတွက် နစကဥက္ကဋ္ဌက ဝဏ္ဏကျော်ထင်ဘွဲ့ ဂုဏ်ထူးဆောင်တံဆိပ်ကို ချီးမြှင့် အပ်နှင်းခဲ့ခြင်း ဖြစ်ကြောင်း ဆိုသည်။

ဝဏ္ဏကျော်ထင်ဘွဲ့ ရရှိသူများမှာ RCSS ဥက္ကဋ္ဌ ဗိုလ်ချုပ်ကြီးယွက်စစ်၊ KNU ဥက္ကဋ္ဌ ဗိုလ်ချုပ်ကြီးစောမူတူးစေးဖိုး၊ ALP မှ ဦးခိုင်စိုးနိုင်အောင်၊ NMSP ဥက္ကဋ္ဌဟောင်း ဦးနိုင်ထောမွန်၊ NMSP ဥက္ကဋ္ဌဟောင်း နိုင်ရွှေကျင်၊ PNLO ၏ ဦးဆောင်နာယက ဗိုလ်မှူးကြီးခွန်ဥက္ကာ၊ KNU/KNLA-PC ဥက္ကဋ္ဌဟောင်း ဗိုလ်ချုပ်ဌေးမောင်(ခ)စောဌေးမောင်၊ KIO(ခွဲထွက်)ဦးလဆန်အောင် ဝါအဖွဲ့မှ ခေါင်းဆောင် ဦးလဆန်အောင်ဝါ၊ KNU ဖဒိုအောင်ဆန်းအဖွဲ့မှ ဖဒိုအောင်ဆန်း၊ KNU တပ်မဟာ(၂) သံတောင် အထူးဒေသအဖွဲ့မှ စောဖယ်ရီမိုး၊ KNU တပ်မတော်(၆) တပ်ရင်း(၁၆)မှ ဦးစောသမူဟဲတို့ ဖြစ်သည်။

ဝဏ္ဏကျော်ထင်ဘွဲ့ရရှိသူများ

ထို့နောက် ကချင်ပြည်နယ်အထူးဒေသ-၁ NDAK ဥက္ကဋ္ဌ ဦးစခုန်တိန့်ယိန်း၊ ပအိုဝ်းအမျိုးသားအဖွဲ့ချုပ်(PNO)ဥက္ကဋ္ဌ ဦးအောာင်ခမ်းထီ၊ ပလောင်ပြည်နယ်လွတ်မြောက်ရေးတပ်မတော်(PSLA)ဥက္ကဋ္ဌ ဦးအိုက်မုန်း၊ ကယားပြည်နယ် အထူးဒေသ-၁ (ကယန်းအဖွဲ-(KNG)ခေါင်းဆောင် ဦးကေဘရယ်ပျံ၊ ကယားပြည်နယ်အထူးဒေသ-၂ (ကရင်နီလူမျိုးပေါင်းစုံပြည်သူ့ လွတ် မြောက်ရေးအဖွဲ့-ကလလတ)ခေါင်းဆောင် ဦးစန္ဒာ၊ DKBA ဆရာတော်ဟု နာမည်တွင်သော မြိုင်ကြီးငူဆရာတော် ဦးသုဇန၊ ကရင်တော်လှန်ရေးကောင်စီ ဗဟိုအာဏာပိုင်အဖွဲ့ခေါင်ေးဆာင် စောဟန်တာသာမွေး၊ လားဟူဒီမိုကရက်တစ်အစည်း အရုံး (LDU) ဥက္ကဋ္ဌ ကြာခွန်ဆာ တို့လည်း ဝဏ္ဏကျော်ထင်ဘွဲ့များ ရရှိခဲ့ကြသည်။

ဝဏ္ဏကျော်ထင်ဘွဲ့ရရှိသူများ

အလားတူ ငြိမ်းချမ်းရေးကော်မရှင် လုပ်ငန်းကော်မတီအဖွဲ့ဝင် ဦးလှမောင်ရွှေ၊ JMC-U ဒုဥက္ကဋ္ဌ ဦးပြည့်စုံ၊ JMC-U အဖွဲ့ဝင် များဖြစ်ကြသည့် ဦးမောင်မောင်ငြိမ်း၊ စိုင်းမျိုးသန့်၊ သိက္ခာတော်ရဆရာတော် စောမက်သယူးအေး၊ ကချင်နှစ်ခြင်းခရစ်ယာန် အသင်းချုပ် တည်ဆောင်သူ Dr. Saboi Jum တို့ကိုလည်း ဝဏ္ဏကျော်ထင်ဘွဲ့များ ချီးမြှင့်ခဲ့သည်။