CNI News
၂၀၂၂ ခုနှစ်၊ ဧပြီ ၁၄
စစ်ကိုင်းတိုင်းဒေသကြီး၊ မင်းကင်းမြို့နယ်၊ ဘင်ကျေးရွာရှိ နေအိမ် အမြောက်အများ မီးရှို့ခံထားရသည့် ဂြိုဟ်တု မှတ်တမ်း ဓာတ်ပုံများ လက်ခံရရှိထားမှုကို ရိုက်တာ သတင်းဌာနက ထုတ်ပြန်ခဲ့သည်။
အဆိုပါ ဓာတ်ပုံ မှတ်တမ်းများကို အမေရိကန် အာကာသ စူးစမ်းလေ့လာရေးအဖွဲ့(NASA)နှင့် အမေရိကန် Planet Labs ကုမ္ပဏီတို့က မှတ်တမ်း တင်ထားခြင်း ဖြစ်ကြောင်း၊ ဘင်ကျေးရွာ မီးရှို့ခံရမှုကို မြန်မာ့တပ်မတော်က လုပ်ဆောင်ခဲ့ခြင်းဖြစ် ကြောင်း ရိုက်တာသတင်းက ဖော်ပြထားသည်။
မီးရှို့ခံထားရသည့် မင်းကင်းမြို့နယ်ထဲက ဘင်ကျေးရွာ(Reuters)
မြန်မာ့တပ်မတော်သည် ၂၀၂၁ ခုနှစ်၊ ဖေဖော်ဝါရီ ၁ ရက်နေ့က စတင်ပြီး အာဏာရယူပြီးနောက်ပိုင်း ၎င်းတို့ကို လက်နက် ကိုင် ခုခံတိုက်ခိုက်သည့် ဒေသများအား မီးရှို့ဖျက်ဆီးခဲ့သည့်အတွက် စုစုပေါင်း ကျေးရွာပေါင်း ၁၀၀ ကျော်ရှိကြောင်း၊ အဆိုပါ မီးရှို့ခံရသည့် ကျေးရွာများအနက် ဘင်ကျေးရွာလည်း ပါဝင်ခဲ့ကြောင်း ရိုက်တာသတင်းက ဆိုသည်။
