CNI News
၂၀၂၅ ခုနှစ်၊ ဧပြီ ၃
ထိုင်းနိုင်ငံက အိမ်ရှင်အဖြစ် ကျင်းပသည့် ကဏ္ဍစုံ နည်းပညာနှင့် စီးပွားရေး ပူးပေါင်းဆောင်ရွက်ရေးဆိုင်ရာ ဘင်္ဂလားပင်လယ်အော် အစီအစဉ် (BIMSTEC) အစည်းအဝေးကို တက်ရောက်ရန် မြန်မာနစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်သည် ထိုင်းနိုင်ငံ၊ ဘန်ကောက်မြို့သို့ ၂၀၂၅ ခုနှစ်၊ ဧပြီ ၃ ရက်တွင် ရောက်ရှိ လာခဲ့သည်။
အဆိုပါ BIMSTEC အစည်းအဝေးကို မြန်မာကိုယ်စားလှယ် အနေဖြင့် နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် က တက်ရောက်ခြင်းဖြစ်သည်။
ထို့နောက် ထိုင်းဝန်ကြီးချုပ် ပေတုန်တန်၊ အိန္ဒိယဝန်ကြီးချုပ် မိုဒီနှင့် သီးသန့် တွေ့ဆုံဆွေးနွေး သွားရန်ရှိကြောင်း သိရသည်။
BIMSTEC အဖွဲ့ထဲတွင် ထိုင်း၊ မြန်မာ၊ အိန္ဒိယ၊ ဘင်္ဂလားဒေ့ရှ်၊ နီပေါ၊ သီရိလင်္ကာနှင့် ဘူတန်နိုင်ငံတို့ ပါဝင်ပြီး အဖွဲ့ဝင်နိုင်ငံများအကြား စီးပွားရေး ပူးပေါင်းဆောင်ရွက်မှုများကို မြှင့်တင်ရန် ရည်ရွယ်ချက်ဖြင့် အစည်းအဝေးများ ပြုလုပ်လေ့ရှိသည်။
