CNI Sport News
၂၀၂၂ ခုနှစ်၊ စက်တင်ဘာ ၂၁
ပိုလန်အသင်းခေါင်းဆောင် လီဝန်ဒေါစကီးဟာ ယူကရိန်းဂန္တဝင် ရှက်ဖ်ချန်ကိုနဲ့ တွေ့ဆုံပြီးနောက် ကမ္ဘာ့ဖလားပြိုင်ပွဲမှာ ယူကရိန်းလက်ပတ်ကို ဝတ်ဆင်သွားမှာဖြစ်ပါတယ်။ဒါနဲ့ ပတ်သက်ပြီး ဘာစီလိုနာတိုက်စစ်မှူးက ဂုဏ်ယူနေတာပါ။
လီဝန်ဒေါစကီးက “ကျေးဇူးတင်ပါတယ် ရှက်ဗ်ချန်ကို၊ ခင်ဗျားနဲ့တွေ့ရတာ တကယ်ကိုဝမ်းသာပါတယ်။ ယူကရိန်းအရောင်ပါတဲ့ လက်ပတ်ကို ကမ္ဘာ့ဖလားပြိုင်ပွဲမှာ သယ်ဆောင်ခွင့်ရတာက ကျနော့်အတွက် ဂုဏ်ယူစရာပါပဲ။ယူကရိန်းပြည်သူတွေဟာ တစ်ဦးတည်းဖြစ်နေတာမဟုတ်ပါဘူး။ ကျနော်တို့ရဲ့ အတွေး ထဲမှာ ရှိနေတယ်ဆိုတာကို ပြသချင်တာကြောင့် ဒီလက်ပတ်ကို ဝတ်ဆင်သွားမှာပါ”လို့ ပြောခဲ့တာပါ။
ရှက်ဖ်ချန်ကိုနဲ့ လီဝန်ဒေါစကီးတို့ဟာ ဝါဆောအားကစားကွင်းကြီးထဲမှာ တွေ့ဆုံခဲ့တာဖြစ်ပြီး ရှက်ဗ်ချန်ကိုက ယူကရိန်းအရောင်ပါတဲ့ လက်ပတ်ကို ဝတ်ဆင်ဖို့ ပေးခဲ့တာဖြစ်ပါတယ်။လီဝန်ဒေါစကီး ဟာ ပြီးခဲ့တဲ့ရာသီ ဘိုင်ယန်မြူးနစ်အသင်းမှာ ကစားခဲ့ချိန်တုန်းက အဲဒီလက်ပတ်နဲ့ ဆင်တူတာကို ဝတ်ဆင်ခဲ့ပြီး ယူကရိန်းနဲ့အတူ ရှိနေကြောင်းကို ပြသခဲ့တာပါ။ယူကရိန်းအသင်းဟာ ကမ္ဘာ့ဖလား ခြေစစ် ပွဲ ပလေးအောဖ့်အဆင့်မှာ ဝေးလ်စ်အသင်းကို အရေးနိမ့်ခဲ့တာဖြစ်ပါတယ်။
ရှက်ဗ်ချန်ကိုက “လီဝန်ဒေါစကီးကို ဒီအတွက် ကျနော်ကျေးဇူးတင်ချင်ပါတယ်။ဒီလက်ပတ်က ကျနော့် နိုင်ငံနဲ့ သက်ဆိုင်တဲ့ ခံစားချက်များစွာကို ကိုယ်စားပြုပါတယ်။ကျနော်တို့ကို ပံ့ပိုးပေးတဲ့ လီဝန်ဒေါစကီးနဲ့ ပိုလန်နိုင်ငံတစ်ခုလုံးကို ကျေးဇူးတင်ပါတယ်”လို့ ပြောခဲ့တာပါ။
ပိုလန်နိုင်ငံဟာ ယူကရိန်းနဲ့ နယ်နမိတ်ချင်းထိစပ်နေတာကြောင့် ရုရှားရဲ့ ကျူးကျော်မှုကို ခံရကတည်းက လီဝန်ဒေါစကီးဟာ ဆန့်ကျင်ကြောင်း ပြောခဲ့ပြီး ဟွာဝေးက ရုရှားကိုအကူအညီပေးနေတဲ့အပေါ် စပွန်ဆာကိုပါ ရပ်ဆိုင်းခဲ့တာပါ။လီဝန်ဒေါစကီးဟာ ဒီလက်ပတ်ကို မက္ကဆီကို၊ ဆော်ဒီ၊ အာဂျင်တီးနား တို့နဲ့ ကစားမယ့် ကမ္ဘာ့ဖလားပြိုင်ပွဲ အုပ်စုပွဲစဉ်တွေမှာ ဝတ်ဆင်သွားမှာ ဖြစ်ပါတယ်။
Source:Goal.com
