CNI Sport News
၂၀၂၂ ခုနှစ်၊ ဩဂုတ် ၂၉
ဂျူဗင်တပ်စ်ကွင်းလယ်လူ ပေါ့ဘာက အစ်ကိုဖြစ်သူပါဝင်နေတဲ့ ဂိုဏ်းတစ်ခုကနေ ယူရို ၁၃ သန်း ခြိမ်းခြောက် ငွေညှစ်ခံနေရတယ်လို့ စုံစမ်းစစ်ဆေးသူတွေကို ပြောလိုက်ပါတယ်။
ပေါ့ဘာရဲ့အစ်ကိုဖြစ်သူ မာသီးယတ်စ်ဟာ အွန်လိုင်းပေါ်မှာ ၃ မိနစ်ကြာရှိတဲ့ ဗွီဒီယိုတစ်ခုကိုတင်ခဲ့ပြီး ညီဖြစ်သူရဲ့ မကောင်းမှုအကြောင်းတွေကို ဖော်ထုတ်သွားမယ်ဆိုပြီး ကတိပြုခဲ့တာပါ။အသက် ၃၂ နှစ်အရွယ်ရှိ မာသီးယတ်စ် ဟာ ပေါ့ဘာရဲ့အသင်းဖော်တွေနဲ့ စပွန်ဆာတွေ သိသင့်သိထိုက်တဲ့အကြောင်းအရာတွေကို ပြောသွားမယ်လို့ ပြောခဲ့သလို သူပြောတဲ့အထဲမှာ လက်ရွေးစင်အသင်းဖော် ဘတ်ပီရဲ့ နာမည်တောင်ပါဝင်ခဲ့တာ ဖြစ်ပါတယ်။
ဒါပေမယ့် ဒီဇာတ်ကြောင်းနဲ့ပတ်သက်ပြီး အံအားသင့်စရာကောင်းတဲ့ အသေးစိတ်အချက်အလက်တွေ ထွက်ပေါ် လာခဲ့တာပါ။France Info ရဲ့ ဖော်ပြမှုအရ ပေါ့ဘာဟာ သူ့ကို ခြိမ်းခြောက်ငွေညှစ်ဖို့ ကြိုးစားနေတဲ့ ဂိုဏ်းအဖွဲ့မှာ အစ်ကိုဖြစ်သူ မာသီးယတ်စ်ပါဝင်တယ်ဆိုပြီး ရဲတွေကိုအကြောင်းကြားခဲ့တာ ဖြစ်ပါတယ်။ငယ်ဘဝကတည်းက ပေါင်းသင်းလာခဲ့တဲ့ သူငယ်ချင်းတွေနဲ့ အစ်ကိုဖြစ်သူက သူ့ကို ခြိမ်းခြောက်ငွေညှစ်ဖို့ ကြိုးပမ်းခဲ့တာလို့ ပေါ့ဘာက ပြောခဲ့တာပါ။
ပဲရစ်တိုက်ခန်းတစ်ခုမှာ ရိုင်ဖယ်သေနတ်တွေကိုင်ဆောင်ထားတဲ့ ဦးခေါင်းစွပ်နဲ့အမျိုးသား ၂ ဦးက ခြိမ်းခြောက် ခဲ့ပြီး ယူရို ၁၃ သန်း လွှဲပြောင်းပေးဖို့ တောင်းဆိုခဲ့တယ်လို့ ဂျူဗင်တပ်စ်ကစားသမားက ဒီဖြစ်စဉ်နဲ့ပတ်သက်ပြီး ထွက်ဆိုခဲ့ပါတယ်။ပေါ့ဘာက သူတို့အပေါ်မှာ ငွေကြေးပိုင်းအရ ဂရုစိုက်ထောက်ပံ့မှု မရှိတာကြောင့် ဒီငွေပမာဏ ကိုခံစားခွင့်ရှိတယ်လို့ ယူဆနေကြတာပါ။ပေါ့ဘာဟာ သူတို့ကို ငွေရေးကြေးရေးအပိုင်းမှာ အကူအညီပေးခဲ့တယ် လို့ ရဲနဲ့ပြုလုပ်ခဲ့တဲ့ အင်တာဗျူးမှာ ပြောခဲ့ပါတယ်။
ဒါပေမယ့် လူတစ်ဦးက သူ့ရဲ့အကြွေးဝယ်ကတ်ကနေ ယူရို ၂ သိန်းခိုးယူတာကို သိရှိပြီးနောက် သူတို့နဲ့ အဆက် အသွယ်ဖြတ်ခဲ့တာလို့ ပြင်သစ်လက်ရွေးစင်က ပြောခဲ့တာပါ။ဒီအစုအဖွဲ့ဟာ ပေါ့ဘာကစားနေတဲ့ ဂျူဗင်တပ်စ် လေ့ကျင့်ရေးကွင်းကို ရောက်ရှိလာခဲ့တယ်လို့ သတင်းဖော်ပြချက်အရ သိရပါတယ်။ပေါ့ဘာကို ခြိမ်းခြောက်မှုမှာ ဘတ်ပီကို ဒုက္ခရောက်အောင် မှော်ဆရာတွေနဲ့ အကူအညီတောင်းခဲ့တယ်လို့လည်း ပါဝင်ခဲ့တာပါ။
ပေါ့ဘာဟာ လက်ရှိအချိန်မှာ ဂျူဗင်တပ်စ်အသင်းကို ဒုတိယအကြိမ်မြောက်အဖြစ် ပြန်လည်ရောက်ရှိနေပေမယ့် ဒဏ်ရာကြောင့် ပွဲမကစားနိုင်သေးဘဲ အနားယူနေရတာဖြစ်ပါတယ်။
Source:Sportbible
