CNI Sport News
၂၀၂၅ ခုနှစ်၊ ဇန်နဝါရီလ ၃၀
ဒေါ့မွန်အသင်းဟာ ရလဒ်ဆိုးတွေကြောင့် ထုတ်ပယ်ခဲ့တဲ့ နည်းပြနူရီဆာဟင်ရဲ့နေရာမှာ ကိုဗက်ကို နည်းပြသစ် အဖြစ်ခန့်အပ်ခဲ့ပါတယ်။
ဘိုင်ယန်မြူးနစ်အသင်းနည်းပြဟောင်း ကိုဗက်ဟာ လာမယ့်တနင်္ဂနွေနေ့မှာ ဒေါ့မွန်အသင်းကို နည်းပြသစ် အဖြစ် စတင်ကိုင်တွယ်သွားမှာပါ။
အသက် ၅၃ နှစ်အရွယ်ရှိ ကိုဗက်ဟာ ပြီးခဲ့တဲ့နှစ် မတ်က ဝုလ်ဖ်ဘတ်အသင်းကနေ ထွက်ခွာပြီးကတည်းက ဘယ်အသင်းကိုမှ ကိုင်တွယ်ရခြင်းမရှိသေးပါဘူး။
ပြီးခဲ့တဲ့ ရှက်တာဒိုးနက်အသင်းနဲ့ ချန်ပီယံလိဂ်ပွဲစဉ်မှာ ဒေါ့မွန်အသင်းကို လူငယ်အသင်းနည်းပြ တူလ်ဘာချ်က ကိုင်တွယ်ခဲ့ပြီး အနိုင်ရရှိအောင် စွမ်းဆောင်ပေးနိုင်ခဲ့တာဖြစ်ပါတယ်။
တူလ်ဘာချ်ဟာ လာမယ့် ဟိုင်ဒန်ဟိုင်းအသင်းနဲ့ ဘွန်ဒက်လီဂါပွဲစဉ်မှာလည်း ဒေါ့မွန်အသင်းကို ယာယီနည်းပြ အဖြစ်ဆက်ပြီးတာဝန်ယူသွားမှာပါ။
ဒေါ့မွန်အသင်းဟာ ဒီရာသီဘွန်ဒက်လီဂါပွဲစဉ် ၁၉ ပွဲကစားအပြီးမှာ ရမှတ် ၂၆ မှတ်နဲ့ အမှတ်ပေးဇယားအဆင့် ၁၁ နေရာမှာရပ်တည်နေတာဖြစ်ပါတယ်။
ဒေါ့မွန်အသင်းဟာ ချန်ပီယံလိဂ် ပြိုင်ပွဲ မှာ အမှတ်ပေးဇယားအဆင့် ၁၀ နေရာမှာရပ်တည်ခဲ့တာကြောင့် နောက်တဆင့်တက်ဖို့ ပလေးအော့ဖ် ယှဉ်ပြိုင် ရမှာပါ။
ကိုဗက်ဟာ ဒေါ့မွန်အသင်းကို ဘွန်ဒက်လီဂါပြိုင်ပွဲမှာ ထိပ်ဆုံး ၄ သင်းထဲကို ပြန်လည်ဝင်ရောက်ဖို့နဲ့ ချန်ပီယံ လိဂ်ပြိုင်ပွဲမှာ ၁၆ သင်းအဆင့်တက်နိုင်အောင် ကိုင်တွယ်ပေးရတော့မှာဖြစ်ပါတယ်။
ကိုဗက်ဟာ နည်းပြဘဝမှာ ခရိုအေးရှား၊ဖရန့်ဖတ်၊ဘိုင်ယန်မြူးနစ်၊မိုနာကိုနဲ့ဝုလ်ဖ်ဘတ်အသင်းတွေကို ကိုင်တွယ်ခဲ့တာပါ။
ကိုဗက်ဟာ နည်းပြဘဝမှာ ဘိုင်ယန်မြူးနစ်အသင်းနဲ့ ဆုဖလား ၃ လုံး၊ဖရန့်ဖတ်အသင်းနဲ့ ဆုဖလား ၁ လုံးရယူ နိုင်ခဲ့တာ ဖြစ်ပါတယ်။
Source:BBC
