CNI Sport News
၂၀၂၄ ခုနှစ်၊ ဇွန်လ ၁၅
ဥရုဂွေးအသင်းကွင်းလယ်လူ ဘန်တန်ကာဟာ စပါးအသင်းဖော် ဆွန်ဟောင်မင်ကို လူမျိုးရေးခွဲခြားတဲ့ မှတ်ချက် ပြောခဲ့မိတဲ့အတွက် တောင်းပန်လိုက်ပါတယ်။
ဘန်တန်ကာဟာ ဥရုဂွေး TV နဲ့ ပြုလုပ်ခဲ့တဲ့ အင်တာဗျူးမှာ ဆွန်ဟောင်မင် အပါအဝင် တောင်ကိုရီးယား လူတွေ ဟာ ရုပ်အတူတူပဲလို့ နောက်ပြောင်ပြီး ပြောခဲ့တဲ့ ရုပ်သံဟာ ဆိုရှယ်မီဒီယာပေါ်မှာ ပျံ့နှံ့သွားခဲ့တာပါ။
သူပြောခဲ့တဲ့ မှတ်ချက်အပေါ် ဝေဖန်မှုတွေ ရှိလာခဲ့တာကြောင့် ဘန်တန်ကာဟာ ဆွန်ဟောင်မင်ကို တောင်းပန် ကြောင်း ကြေညာချက် ထုတ်ပြန်ခဲ့တာ ဖြစ်ပါတယ်။
ဘန်တန်ကာက “ဆွန်နီရေ ဖြစ်ပျက်ခဲ့တဲ့ အရာတွေကို တောင်းပန်ချင်ပါတယ်။ ဒါက အလွန်ဆိုးရွားတဲ့ နောက်ပြောင်မှုပါ။ ငါဟာ မင်းကို လေးစားမှု မရှိတဲ့အရာတွေ ဘယ်တော့မှ လုပ်မှာမဟုတ်သလို ထိခိုက် နာကျင်အောင်လည်း မလုပ်ပါဘူး။ တခြားသူတွေကိုလည်း ဒီလိုမျိုးအရာတွေလုပ်မှာ မဟုတ်ပါဘူး။ ငါ မင်းကိုချစ်တယ်”လို့ ရေးသားထားတာပါ။
ဘန်တန်ကာဟာ လက်ရှိအချိန်မှာ ကိုပါအမေရိကဖလားပြိုင်ပွဲ ဝင်ရောက်ယှဉ်ပြိုင်မယ့် ဥရုဂွေးအသင်းနဲ့အတူ လေ့ကျင့်ပြင်ဆင်မှုတွေ ပြုလုပ်နေတာဖြစ်ပါတယ်။
ဆွန်ဟောင်မင်ကို တွေ့ရစဉ်
ဥရုဂွေးအသင်းဟာ ကိုပါအမေရိကဖလားပြိုင်ပွဲမှာ အိမ်ရှင် အမေရိကန်၊ ပနားမား၊ ဘိုလီဗီးယားအသင်းတို့နဲ့ တစ်အုပ်စုတည်း ကျရောက်နေပြီး နောက်တစ်ဆင့်တက်ဖို့ အခြေအနေ ကောင်းနေတာပါ။
ဆွန်ဟောင်မင်ကတော့ တောင်ကိုရီးယားအသင်းနဲ့ ၂၀၂၆ ကမ္ဘာ့ဖလားခြေစစ်ပွဲတွေ ယှဉ်ပြိုင်ကစားပြီးလို့ အနားယူနေပါတယ်။
ဆွန်ဟောင်မင်ဟာ တောင်ကိုရီးယားအသင်းကို ၂၀၂၆ ကမ္ဘာ့ဖလားခြေစစ်ပွဲ(အာရှဇုန်) တတိယအဆင့် တက်ရောက်နိုင်အောင် ကူညီပေးထားတာ ဖြစ်ပါတယ်။
Source: CNA
