CNI News
၂၀၂၃ ခုနှစ်၊ မေလ ၁၅
ရခိုင်ပြည်နယ်၊ စစ်တွေမြို့ကို ဖြတ်သန်း၍ ရခိုင်ကမ်းရိုးတန်းဒေသများသို့ အလွန်အားကောင်းသော ဆိုင်ကလုန်းမုန်တိုင်း (မိုခါ) မေလ ၁၄ ရက်နေ့က တိုက်ခတ်ခဲ့သည်။
အဆိုပါ မုန်တိုင်းကြောင့် ရခိုင်ပြည်နယ်အတွင်းရှိ ဘုရားစေတီပုထိုးများ၊ ဘုန်းတော်ကြီးကျောင်းများ၊ လူနေအိမ် များ၊ ဌာနဆိုင်ရာ အဆောက်အဦများ ပြိုကျပျက်စီးခြင်း၊ သစ်ပင်သစ်ကိုင်းများ လဲကျ၍ လမ်းများ ပိတ်ဆို့ခြင်း၊ ကားလမ်းများ ရေကျော်ခြင်း၊ လမ်းမီးတိုင်များ ပျက်စီးခြင်း၊ တာဝါတိုင်များ ပျက်စီးခြင်းနှင့် မြေပြိုခြင်းများ ဖြစ် ပေါ်ခဲ့သည်။
ထို့ကြောင့် စားနပ်ရိက္ခာများ လိုအပ်နေသည့် မုန်တိုင်းဒဏ်သင့် ပြည်သူများကို တပ်မတော်(ကြည်း၊ ရေ၊ လေ) မိသားစုများက ဆန် ၅၀၀ အိတ်၊ ဘီစကတ်အထုပ်ကြီး ၄၂၅ အိတ်နှင့် ကူညီကယ်ဆယ်ရေးအဖွဲ့များကို နေပြည် တော် လေဆိပ်မှ စစ်တွေမြို့သို့ တပ်မတော်လေယာဉ်ဖြင့် ပထမအကြိမ် ပို့ဆောင်ပေးခဲ့သည်။
ထို့နောက် ဆန် ၃၅၀ အိတ်၊ ဘီစကစ်အထုပ်ကြီး ၃၂၅ အိတ်၊ ဆက်သွယ်ရေးပစ္စည်းများ၊ တပ်မတော် ဆေးအဖွဲ့ များနှင့် ဆေးပစ္စည်းများကို ဒုတိယအကြိမ်အဖြစ် မေလ ၁၄ ရက်နေ့က ပို့ဆောင်ခဲ့သည်။
အလားတူ မေလ ၁၅ ရက်နေ့ နံနက်ကိုင်းမှာလည်း ဘီစကစ်အထုပ်ကြီး ၁၄၀ အိတ်နှင့် ဆန်အိတ်များကို ပို့ဆောင်ပေးခဲ့ကြောင်း နစက-က ထုတ်ပြန်ခဲ့သည်။
