CNI International News

ကဘူးလ်၊ဩဂုတ် ၃၁

ပဋိပက္ခများဖုံးလွှမ်းနေသော တိုင်းပြည်ကို ပြန်လည်ထူထောင်ရန် ဒေါ်လာဘီလီယံပေါင်းများစွာ အကုန်ကျခံ ကြိုးစားခဲ့သော အမေရိကန်သည် အာဖဂန်နစ္စတန်နိုင်ငံမှ ၎င်း၏တပ်များကို နှစ်ပေါင်း ၂၀ ကြာ ရက်စက် ကြမ်းကြုတ်သောစစ်ပွဲများ ဆက်တိုက်ဆင်နွှဲစေပြီးနောက် ယနေ့ဩဂုတ် ၃၁ ရက်တွင် အပြီးသတ်ဆုတ်ခွာခဲ့ပြီ ဖြစ်ကြောင်း အေအက်ဖ်ပီသတင်းကို ကိုးကား၍ Channel News Asia ဝက်ဘ်ဆိုက်က ရေးသားဖော်ပြသည်။

ဩဂုတ် ၃၁ ရက် နံနက်အစောပိုင်းတွင် ကဘူးလ်မြို့ပေါ်တွင် အောင်ပွဲခံအထိမ်းအမှတ်သေနတ်ဖောက်သံများ ဆူညံစွာထွက်ပေါ်လာခဲ့ပြီး တာလီဘန်အကြီးတန်းအရာရှိများက ယနေ့ဖြစ်စဉ်ကို အရေးပါသောအပြောင်းအလဲဟု ချီးကျူးထောပနာပြုနေကြသည်။