CNI News
၂၀၂၁ ခုနှစ် ဩဂုတ် ၃၁
မန္တလေးတိုင်းဒေသကြီး၊ ညောင်ဦးမြို့နယ်၊ ပုဂံရှေးဟောင်းယဉ်ကျေးမှုဇုန်ထဲအတွင်းရှိ ဘုရားအမှတ် (၈၀၁) သံပျင်စွာဘုရားမှာ ယနေ့ နံနက် ၄ နာရီခန့်က မိုးများ၍ နံရံပြိုကျမှု ဖြစ်ပွားခဲ့သည်ဟု သိရသည်။
ပုဂံတွင် ယခုရက်ပိုင်း မိုးဆက်တိုက် ရွာသွန်းမှုကြောင့် ပြိုကျခဲ့သည်ဟုဆိုကာ လက်ရှိအချိန်တွင်လည်း ပုဂံမြို့ အတွင်း ရေကြီးနေသည်ဟု ဒေသခံတစ်ဦးဖြစ်သူ ကိုကျော်ဇင်ထိုက်က CNI သတင်းဌာနသို့ ပြောသည်။
ကိုကျော်ဇင်ထိုက်က “မိုးအရမ်းရွာနေပါတယ်ခင်ဗျ။ မိုးက ရွာပြီးတော့ မြေနိမ့်တဲ့ နေရာတွေဆို ရေဝင်နေတာတွေ ရှိနေတယ်။ အရင်နှစ်က ထက်စာရင် မိုးအရမ်းများတယ်။ အခုလည်း ရေကြီးနေတုန်းပဲ ဘုရားတွေဘက်က ရေကြီး တာတော့ မရှိဘူး။ မြို့ထဲမှာတော့ ရှိတယ်။ ဘုရားတွေတော့ မိုးအရမ်းများရင် ပြိုတတ်တယ်” ဟု ပြောသည်။
