CNI News

၂၀၂၁ခုနှစ်၊ ဇူလိုင် ၃၁

ရန်ကုန်တိုင်းဒေသကြီး၊ တောင်ဥက္ကလာပမြို့နယ် နန္ဒဝန်ဈေးအနီးရှိ ရွှေအိုးဆေးဆိုင်တွင် ယနေ့ (ဇူလိုင် ၃၁ ရက်) နံနက်က ဆေးဝယ်ရန် တန်းစီးနေသူ လူဦးရေများပြားလာခြင်းကြောင့် ရဲတပ်ဖွဲ့ဝင်များက လူစုလူဝေး မလုပ်ကြ ရန်ပြောပြီးနောက် လူစုခွဲခိုင်းခဲ့ကြောင်း သိရသည်။

ရွှေအိုးဆေးဆိုင်တွင် Enoxaparin ဆေးဟု အမည်ရှိသည့် သွေးကျဲဆေးကို လာရောက် ဝယ်ယူကြစဉ် တန်းစီ ရာမှာ လူဦးရေ ၃၀၀ နီးပါး ရှိလာခြင်းကြောင့် သက်ဆိုင်ရာ တာဝန်ရှိသူများက ကိုဗစ်-၁၉ စည်းမျဉ်းစည်းကမ်း များကြောင့် လူစုလူဝေး မလုပ်ရန်ပြော၍ ရဲတပ်ဖွဲ့က လူစုခွဲခိုင်းကာ ဆိုင်ပိတ်ခိုင်းခဲ့ကြောင်း တန်းစီရာမှာ ပါဝင် သူ ကိုနိုင်(အမည်လွှဲ)က CNI သတင်းဌာနသို့ ပြောသည်။