ဗီယင်နာ/ဆိုးလ် စက်တင်ဘာ ၁

မြောက်ကိုရီးယားသည် နျူကလီးယားလက်နက်အတွက် ပလူတိုနီယံ ထုတ်လုပ်နေသည်ဟု ယုံကြည်ရသော အဏုမြူဓါတ် ပေါင်းဖိုတစ်လုံး သက်တမ်းတိုး၍ ပြန်လည် လည်ပတ်နေပုံရကြောင်း ကုလသမဂ္ဂ အဏုမြူ စောင့်ကြည့်ရေးအဖွဲ့၏ နှစ်စဉ်ထုတ်ပြန်သော အစီရင်ခံတွင် ဖော်ပြလိုက်ပြီး အထီးကျန် နိုင်ငံတစ်နိုင်ငံအနေဖြင့် ၎င်းအတွက် လက်နက်တိုးချဲ့ရန် ကြိုးပမ်းနေကြောင်း ယင်းအစီရင်ခံက ဆိုထားသည်။

၅ မဂ္ဂါဝပ်အားရှိ အဆိုပါ ဓါတ်ပေါင်းဖိုတွင် လက်နက်များ ထုတ်လုပ်နိုင်စွမ်းရှိကြောင်း နိုင်ငံတကာ အဏုမြူ စွမ်းအင်အေဂျင်စီ (IAEA)က ဩဂုတ် ၂၇ ရက် ရက်စွဲဖြင့် ထုတ်ပြန်သော အစီရင်ခံစာ၌ ထည့်သွင်းရေးသားထားကြောင်း ရိုက်တာသတင်း တစ်ပုဒ်၌ တွေ့ရသည်။