လန်ဒန် ဩဂုတ် ၂၉

ဗြိတိန်နိုင်ငံ၊ အင်္ဂလန်အနောက်ပိုင်း၊ ဝါးရစ်ရှက်ခရိုင်မြို့နေ ဗြိတိန်လူမျိုးမိသားစုတစ်စုသည် ၎င်းတို့အိမ်နောက်ဖေးသို့ ကမ္ဘာကျော်မင်းသားကြီး တွမ်ခရုစ် ယခုရက်သတ္တပတ်အစောပိုင်းက ရဟတ်ယာဉ်ဖြင့် ဆင်းသက်လာပြီး အံ့ဩဖွယ် လာရောက်လည်ပတ်ခဲ့သည်ကို တွေ့မြင်ခဲ့ရကြောင်း စင်ကာပူထုတ် စထရိတ်တိုင်းမ်သတင်းစာ၏ဝက်ဘ်ဆိုက်တွင် ဖော်ပြထားသည်။

ဘာမင်ဟမ်မြို့တွင် ‘Mission Impossible’ ဇာတ်ကား၏ သတ္တမအပိုင်းရိုက်ကူးနေသည့် အသက် ၅၉ နှစ်ရှိ မင်းသားကြီးသည် ရဟတ်ယာဉ်စီးနင်းလာစဉ် ဝါးရစ်ရှက်ခရိုင်ရှိ ကွန်ဗင်ထရီးလေဆိပ် ခေတ္တပိတ်ထားကြောင်း သိရှိရပြီးနောက် နီးစပ်ရာသို့ အရေးပေါ်ဆင်းသက်ခဲ့ရခြင်းဖြစ်သည်။