CNI News
၂၀၂၁ခုနှစ်၊ သြဂုတ် ၂၉
ရခိုင်ပြည်နယ် အမ်းမြို့နယ်ရှိ ဒါးလက်အုပ်စုတွင် သြဂုတ် ၂၇ရက်နေ့က စားနပ်ရိက္ခာ ကူညီထောက်ပံ့ရန်သွားသည့် မေတ္တာရှင်ပရဟိတအဖွဲ့အား အမ်းမြို့နယ်ရှိ ခမရ (၃၇၃) တပ်ရင်း စစ်ဆေးရေးဂိတ်မှ ဖြတ်သွားခွင့်မပြုဘဲ တားမြစ်ခဲ့ကြောင်း သိရသည်။
မြို့နယ်အုပ်ချုပ်ရေးမှူး၏ ခွင့်ပြုချက် (သို့မဟုတ်) နယ်လုံဝန်ကြီး၏ ခွင့်ပြုချက်ပါမှသာ သွားခွင့်ရမည်ဖြစ်ကြောင်း ထိုစစ်ဆေးရေးဂိတ်မှ တာဝန်ရှိသူတစ်ဦးက ပြောဆိုသဖြင့် မြို့နယ်အုပ်ချုပ်ရေးမှူးထံသို့ သြဂုတ် ၂၈ရက်နေ့တွင် ခွင့်ပြုရန် စာတင်ထားသော်လည်း ယနေ့အထိ အကြောင်းပြန်ခြင်းမရှိသေးကြောင်း မေတ္တာရှင်ပရဟိတအဖွဲ့ ဥက္ကဋ္ဌ ဦးစိုးဝင်းက ဆိုသည်။
