နိုက်ဂျီးရီးယားအဆင့်မြင့်စစ်သင်တန်းကျောင်းသို့ သေနတ်သမားများဝင်ရောက်တိုက်ခိုက်ခဲ့ရာ အရာရှိနှစ်ဦး သေဆုံးပြီး လက်နက်ကိုင်တပ်ဖွဲ့အမှတ်တံဆိပ်ဖြင့် နောက်ထပ်အရာရှိတစ်ဦးကို ဓားစာခံအဖြစ် ပြန်ပေးဆွဲ ခေါ်ဆောင်သွားကြောင်း အယ်လ်ဂျာဇီးယားသတင်းတစ်ပုဒ်အရ သိရသည်။

အဆိုပါ စီးနင်းတိုက်ခိုက်မှုသည် ဩဂုတ် ၂၄ ရက်က ဖြစ်ပွားခဲ့ပြီး အဆိုပါစစ်သင်တန်းကျောင်းသည် နိုက်ဂျီးရီးယားနိုင်ငံ၏ စစ်အရာရှိများ အဓိကမွေးဖွားပေးရာကျောင်းဖြစ်ကြောင်း၊ လက်နက်အုံကြွမှုများ၊ လက်နက်အပြည့်အစုံတပ်ဆင်ထားသော ရာဇဝတ်ဂိုဏ်းများစွာတို့နှင့် ရင်ဆိုင်နေရသည့် နိုက်ဂျီးရီးယား စစ်တပ်အတွက် ကြီးမားသောထိုးနှက်ချက်ဖြစ်ကြောင်း အယ်လ်ဂျာဇီးယားက သတင်းဆက်လက်ဖော်ပြသည်။