မန်ချက်စတာ၊ဩဂုတ် ၂၇

မန်ချက်စတာစီးတီးအသင်း၏ နောက်ခံလူ ဘင်ဂျမင်မန်ဒီအား ချက်ရှိုင်(Cheshire) နယ်မြေခံ ဒုစရိုက်နှိမ်နင်းရေး အဖွဲ့က အဓမ္မပြုကျင့်မှု ၄ မှုနှင့် လိင်ပိုင်းဆိုင်ရာစော်ကားမှု ၁ မှုတို့ဖြင့် စွဲချက်တင်လိုက်ကြောင်း စီအင်န်အင်န် သတင်းအရ သိရသည်။

တရားစွဲဆိုရေးအဖွဲ့အစည်းတစ်ခုဖြစ်သည့် (CPS-Crown Prosecution Service) စွဲချက်တင်ရေးအဖွဲ့က ဘင်ဂျမင်မန်ဒီအပေါ် အင်္ဂလန်အနောက်မြောက်ပိုင်း ချက်ရှိုင်ဒေသတွင် ၂၀၂၀ ပြည့်နှစ်၊ အောက်တိုဘာမှ ၂၀၂၁ ခုနှစ်၊ ဩဂုတ်အထိ ကြားကာလ၌ အသက် ၁၆ နှစ်အထက် တိုင်ကြားသူ ၃ ဦးနှင့်ဆက်စပ်ပြီး ၎င်းကျူးလွန်ခဲ့သော အမှု ၄ မှုဖြင့် စွဲချက်တင်လိုက်ခြင်းဖြစ်သည်။