CNI International News
ဝါရှင်တန်၊ဩဂုတ် ၂၃
အမေရိကန်အစားအသောက်နှင့် ဆေးဝါး ကွပ်ကဲရေးဌာန (FDA) က အရေးပေါ်သုံးစွဲခွင့်(EUA- emergency use authorization)အဖြစ် အသုံးပြုခွင့်ပေးထားသည့် ကိုဗစ်ကာကွယ်ဆေးတစ်မျိုးဖြစ်သော ဖိုင်ဇာ(Pfizer) ကို လာမည့်ရက်သတ္တပတ်အစောပိုင်းတွင် အပြည့်အဝထောက်ခံသွားနိုင်ရန် အမေရိကန် ပြည်သူများကို ဆွဲဆောင် စည်းရုံးနေကြောင်း ဘန်ကောက်ပို့စ်သတင်းတစ်ပုဒ်တွင် ဖော်ပြထားသည်။
ယင်းကာကွယ်ဆေးအပေါ် အမေရိကန် FDA ထောက်ခံချက်သည် ဩဂုတ် ၂၃ ရက်(သို့မဟုတ်)၂၄ ရက်တွင် ပေါ်ထွက်လာမည်ဖြစ်ပြီး အဆိုပါ ဖိုင်ဇာ ကာကွယ်ဆေးကို အမေရိကန်တွင် ယမန်နှစ်မှ စတင်သုံးစွဲနိုင်ခဲ့ကြောင်း ဘန်ကောက်ပို့စ်က ဆက်လက် ရေးသားသည်။
