CNI News
၂၀၂၁ ခုနှစ်၊ ဩဂုတ် ၈
တရုတ်-မြန်မာနယ်စပ်ရှိ တရုတ်မြို့များကို Lock Down သက်တမ်းတိုးမြှင့်ရန် တရုတ်အာဏာပိုင်များက တင်းတင်းကျပ်ကျပ် ပြုလုပ်လာသောကြောင့် နယ်စပ်ကုန်သွယ်ရေး မြို့ဖြစ်သော ကျယ်ဂေါင်မြို့မှ မြန်မာကျောက်ကုန်သည်များကို ယခုလ ၁၅ ရက် နောက်ဆုံးထားကာ နှင်လွှတ်ကြောင်း ကျောက်ကုန်သည်များထံက သိရသည်။
“ကိုဗစ်ကတော့ သူတို့က အကြောင်းပြတာပေါ့။ အစ်ကိုတို့ တွက်ကိန်းအရဆိုရင် အဓိကပဲ။ ရှင်းရှင်းပြောရရင် ကိုဗစ်ကို အကြောင်းပြုပြီး သူတို့နိုင်ငံသားကိုပဲ တာဝန်ယူပြီးတော့ လုပ်ပေးချင်တာ။ မြန်မာပြည်က ကျောက်သမားတွေကလည်း ရွှေလီဘက်မှာဆိုရင် တရားဝင်ထက် တရားမဝင်ဆိုရင် တရားမဝင်သွားတာက များတယ်။ တရားဝင်နေတဲ့သူတွေတောင် သူတို့က စည်းကမ်း တစ်အား တင်းကျပ်နေတာ”ဟု ကျောက်ကုန်သည် ကိုဖြိုးကCNI သတင်းဌာနသို့ ပြောသည်။
