CNI News
၂၀၂၁ ခုနှစ်၊ ဩဂုတ် ၆
ကိုဗစ်တတိယလှိုင်း ကူးစက်မှုအရှိန်မြင့်တက်လာခြင်းကြောင့် လုပ်ငန်းများနှင့် စက်ရုံများ ပိတ်သိမ်းလာရခြင်း၊ အလုပ်သမားများ မိမိဇာတိမြေသို့ ပြန်ရခြင်းများ ရှိလာသည့်အပြင် ဇူလိုင်လအတွင်း မြန်မာ့ကုန်ထုတ်လုပ်မှုများ တစ်ဟုန်ထိုး ကျဆင်းလာကြောင်း IHS Markit စစ်တမ်းက ဖော်ပြထားသည်။
ကုန်ပစ္စည်း ထုတ်လုပ်မှု၊ အော်ဒါအသစ်များ၊ ဝယ်ယူမှုများ၊ အလုပ်နေရာများနှင့် ထုတ်လုပ်မှုအပြီး လက်ကျန်စာရင်းများ အားလုံးသည် ဇူလိုင်လအတွင်း ပိုမြန်သည့်နှုန်းများဖြင့် ကျဆင်းခဲ့ပြီး ယင်းကျဆင်းမှုသည် စစ်တမ်း၏ သမိုင်းထဲတွင် အများဆုံး ကျဆင်းခဲ့ခြင်းဖြစ်ကြောင်း ဆိုသည်။
