CNI International News
၀ါရှင်တန်၊ ဇူလိုင် ၁၆
အမေရိကန်က ယူကရိန်းကို တာဝေးပစ် လက်နက်များ ထောက်ပံ့ပေးမည်ဆိုပါက ရုရှား၏ မော်စကိုမြို့တော်ကို ထိမှန်အောင် တိုက်ခိုက်နိုင်စွမ်း ရှိ/မရှိ ယူကရိန်းသမ္မတ ဇာလန်းစကီး (Volodymyr Zelenskiy) ကို ထရမ့်က မေးမြန်းခဲ့သည်ဟု ရိုက်တာမှ ဖော်ပြခဲ့သည်။
ထရမ့်သည် ရုရှားသမ္မတ ပူတင် (Vladimir Putin) နှင့် ဖုန်းပြောခဲ့ပြီးနောက် တစ်ရက်အကြာဖြစ်သည့် ဇူလိုင် ၄ ရက်တွင် ဇာလန်းစကီးကို ဖုန်းခေါ်ဆိုခဲ့ချိန်က ထိုကဲ့သို့ ပြောကြားခဲ့ခြင်း ဖြစ်သည်။
ထို့နောက် ဇာလန်းစကီးကလည်း အမေရိကန်က ဒုံးကျည်များ ထောက်ပံ့ပေးပါက မော်စကိုမြို့အား တိုက်ခိုက် နိုင် ကြောင်း ပြန်လည် ပြောကြားခဲ့သည်။
အမေရိကန်သမ္မတ ဒေါ်နယ်ထရမ့်နဲ့ ယူကရိန်းသမ္မတ ဇာလန်းစကီးကို တွေ့ရစဉ်
ထို့ပြင် ထရမ့်က အမေရိကန်လုပ် ATACMS ဒုံးကျည်များကို ယူကရိန်းသို့ ပေးပို့ရေးကိုလည်း ဆွေးနွေးခဲ့သည်ဟု ဆိုသည်။
အမေရိကန်သမ္မတ ဒေါ်နယ်ထရမ့် (Donald Trump)က ရုရှား၏ နယ်နိမိတ် အတွင်းပိုင်းကို တိုက်ခိုက်မှုများအား အရှိန်မြှင့်တင်ရန် ယူကရိန်းကို အားပေးလှုံ့ဆော်ခဲ့သည်။
ပူတင်သည် ရုရှား-ယူကရိန်း စစ်ပွဲကို ရပ်တန့်ချင်စိတ် မရှိကြောင်းနှင့် ပူတင်ကို စိတ်ပျက်ကြောင်း ထရမ့်က ပြောကြားခဲ့သည်။
Source: Reuters
