ယူနိုက်တက်နဲ့ခြေစမ်းမယ့် ASEAN-All Stars အသင်းမှာ မောင်မောင်လွင်ကို ရွေးချယ်

: By CNI; Category: အားကစား; Hits: 179

CNI Sport News

၂၀၂၅ ခုနှစ်၊ ဧပြီ ၁၇

အာဆီယံဘောလုံးအဖွဲ့ချုပ်(AFF)ဟာ ပရီးမီးယားလိဂ် ထိပ်သီးကလပ် ယူနိုက်တက်အသင်းနဲ့ ခြေစမ်းမယ့် ASEAN-All Stars အသင်းမှာ ပါဝင်ကစားဖို့ မြန်မာ့လက်ရွေးစင်အသင်း တောင်ပံကစားသမား မောင်မောင်လွင်ကို ရွေးချယ်ခဲ့ပါတယ်။

အာဆီယံဘောလုံးအဖွဲ့ချုပ်ဟာ ASEAN-All Stars အသင်းမှာ မောင်မောင်လွင်ကို ရွေးချယ်ခဲ့တာနဲ့ ပတ်သက်ပြီး မြန်မာနိုင်ငံဘောလုံးအဖွဲ့ချုပ်ထံ တရားဝင် ဆက်သွယ် အကြောင်းကြားခဲ့တာပါ။

မောင်မောင်လွင်ဟာ မြန်မာ့လက်ရွေးစင်အသင်းမှာ ခြေစွမ်းပြသနေသလို ထိုင်းကလပ် Lamphun Warrior အသင်းမှာလည်း ခြေစွမ်းပြ ကစားနေတာကြောင့် ASEAN-All Stars အသင်းမှာ မြန်မာကိုယ်စားပြုအဖြစ် ရွေးချယ်ကြောင်း AFF က ထုတ်ပြန်ခဲ့ပါတယ်။