- By CNI
- Category: နိုင်ငံရေး
- Hits: 783
CNI News
၂၀၂၃ ခုနှစ်၊ ဇန်နဝါရီ ၃
မြန်မာ့တပ်မတော်မှ စစ်ပန်းနေ၍ ရှောင်လွှဲလိုတာကြောင့် ၁ နှစ် အပစ်အခတ်ရပ်စဲခြင်း ဖြစ်ကြောင်း ရခိုင်နိုင်ငံ ရေးသမား ဦးဖေသန်းက CNI သတင်းဌာနသို့ ပြောသည်။
မြန်မာ့တပ်မတော် အနေဖြင့် ၁ နှစ် အပစ်အခတ်ရပ်စဲသော်လည်း ၎င်းတို့အနေဖြင့် တိုက်ခိုက်လိုပါက အကြောင်းပြချက် အမျိုးမျိုးရှာကာ တိုက်ခိုက်လေ့ရှိကြောင်း ၎င်းက ပြောသည်။
ဦးဖေသန်းက “ဒီစကားလုံးလောက်နဲ့လေးက ရပ်စဲထားပါတယ်ဆိုတာလောက်က သိပ်အဓိပ္ပာယ်မရှိဘူး။ သူ့အနေ နဲ့ လိုအပ်ရင် တိုက်မယ်၊ မလိုအပ်ရင် သူအနားယူမယ်ပေါ့၊ ဒါသူ့ရဲ့ စစ်ပန်းမှုကို ရှောင်လွှဲချင်တဲ့ လုပ်ငန်း တစ်ခု လည်း ဖြစ်တယ်၊ ပြီးတော့ ၂၀၂၃ ရွေးကောက်ပွဲ နီးလာတဲ့အတွက် သူက နိုင်ငံရေးအရ သူတို့က ငြိမ်းချမ်းရေးကို လိုချင်ပါတယ်၊ တိုင်းရင်းသားအားလုံး ကျနော်နဲ့ လက်တွဲပြီး ဆောင်ရွက်နေပါတယ်၊ ဆောင်ရွက်စေလိုပါတယ် ဆိုတဲ့ ပုံရိပ်ကောင်းကို ရအောင်လည်း သူက ပြောနေတာပဲ ဖြစ်တယ်၊ တကယ်တော့ ဒီလိုပြောခဲ့တာတွေ အများ ကြီး ရှိပါတယ်၊ တနိုင်ငံလုံးမှာ တိုက်ပွဲတွေက မကြာမကြာ၊ ခဏခဏ ဖြစ်နေတယ်၊ အဲဒါကြောင့် ဒါကတော့ ကျနော်တို့က သူ့တို့ရဲ့ စေတနာကို ပြချင်တဲ့ သဘောပေါ့၊ သူတို့ဖက်က မလုပ်ချင်ပါဘူးဆိုတာ ဒီဖက်ကလုပ်မှ သူတို့က ပြန်လုပ်တယ်ဆိုတဲ့ ဟာမျိုးပေါ့၊ အဲဒီလို မြင်အောင်ပေါ့နော်၊ အဲဒီလို Messages (သတင်းစကားများ) ပေးချင်တဲ့ သဘောလို့ပဲ အဲဒီလောက်ပဲ အဆင့်ရှိတယ်လို့ ကျနော်ပြောချင်ပါတယ်” ဟု ပြောသည်။
လုံခြုံရေးဆောင်ရွက်နေသည့် စစ်တပ်ကိုတွေ့ရစဉ် (GETTY IMAGES)
တပ်မတော်က စစ်ရေးဆိုင်ရာ လှုပ်ရှားမှုများကို ၂၀၂၃ ခုနှစ်၊ ဇန်နဝါရီ ၁ ရက်မှ ဒီဇင်ဘာ ၃၁ ရက်နေ့အထိ တစ်နှစ် ထပ်မံ တိုးမြှင့်ရပ်စဲကြောင်း တပ်မတော်ကာကွယ်ရေးဦးစီးချုပ်ရုံးက ၂၀၂၂ ခုနှစ်၊ ဒီဇင်ဘာ ၃၁ ရက်တွင် ထုတ်ပြန် ကြေညာခဲ့သည်။
ဒုတိယကမ္ဘာစစ် ပြီးကတည်းက စစ်နည်းဗျူဟာများမှာ ပြောင်းလဲသွားပြီဖြစ်ကြောင်း၊ လူအင်အားကို ခြွေတာကာ တိုက်ပွဲဝင်၍ ရနေကြောင်း သေနင်္ဂမဟာဗျူဟာလေ့လာရေးအဖွဲ့မှာ ဒါရိုက်တာ ဦးသိန်းထွန်းဦးက CNI သတင်း ဌာနသို့ ပြောသည်။
အထူးကွန်မန်ဒိုတပ်ဖွဲ့ကိုတွေ့ရစဉ် (EPA)
ဦးသိန်းထွန်းဦးက “ဟုတ်ကဲ့ စစ်ပန်းတယ်ပေါ့နော်၊ အဲဒီပြဿနာကလည်း ကျနော်တို့ ဒီအပစ်အခတ်ရပ်စဲမှု သက် တမ်း တိုးလိုက်တိုင်း ဒီ EAO ဖက်က တော်တော်များများ ထွက်ကြတယ်၊ တချို့ လေ့လာသူတွေဖက်ကလည်း ပြောတယ်ပေါ့နော်၊ စစ်ပန်းတယ်၊ ကျနော်တို့က စစ်ပွဲဟာ ဒုတိယကမ္ဘာစစ် ပြီးကတည်းကပေါ့၊ စစ်ဆင်ရေး ဗျူဟာ နဲ့ စစ်နည်းဗျူဟာတွေ အများကြီး ပြောင်းလဲသွားပြီ၊ နောက်ပိုင်းမှာ လူအင်အားကို ချွန်းချန်ခြွေတာပြီး စစ်လက် နက် နည်းပညာနဲ့ တိကျတဲ့ လက်နက် weapon၊ Smart weapons (ခေတ်မီလက်နက်များ)၊ Precision weapons (ပစ်မှတ်ကို အတိအကျ ထိမှန်နိုင်တဲ့ လက်နက်များ) ၊ Guided weapons (ပဲထိန်းတပ်ဒုံး) အများကြီး သုံးလာနိုင် တဲ့ အခြေအနေ၊ အဲဒီအခြေအနေမျိုးမှာ အပစ်အခတ်ရပ်စဲတယ်ဆိုတဲ့ ကိစ္စရပ်တစ်ခုကို ဟိုလိုပေါ့၊ စစ်ပန်းလို့ ရပ် လိုက်တယ်ဆိုတာမျိုးကို တွေးခေါ်တယ်ဆိုရင်တော့ ခေတ်နဲ့ သိပ်မလိုက်နိုင်ဘူး။ ခေတ်နဲ့အညီ သိပ်မလိုက်နိုင်ဘူး။ သိပ်မြင့်မြင့်မားမား မတွေးခေါ်နိုင်တဲ့ ပုံစံမျိုးလို့ပဲ ကျနော်တို့ သုံးသပ်ချင်ပါတယ်၊ သိပ်အများကြီးတော့ မပြောချင် ဘူး။ စစ်ပန်းလို့ဆိုတဲ့ စကားရပ်တစ်ခုနဲ့ သုံးသပ်တာကတော့ တော်တော်ကြီး လက်ရှိ အခြေအနေနဲ့ လွှဲနေတယ် လို့ပဲ ပြောချင်ပါတယ်” ဟု ပြောသည်။
တပ်မတော်သည် ၂၀၁၈ ခုနှစ်၊ ဒီဇင်ဘာ ၂၁ ရက်မှ စတင်၍ ၂၀၂၂ ခုနှစ်၊ ဒီဇင်ဘာ ၃၁ ရက်အထိ ၄ နှစ်ကျော် အပစ်အခတ်ရပ်စဲခဲ့သည်။ အပစ်အခတ်ရပ်စဲကြောင်းကိုလည်း စုစုပေါင်း ၂၁ ကြိမ် ထုတ်ပြန်ခဲ့သည်။
- By CNI
- Category: နိုင်ငံရေး
- Hits: 985
CNI News
၂၀၂၃ ခုနှစ်၊ ဇန်နဝါရီ ၂
မြန်မာနိုင်ငံတွင် သက်ဆိုင်ရာ ဌာနဆိုင်ရာများမှ တာဝန်ရှိသူတို့အနေဖြင့် တရားမဝင် ပြည်ပအလုပ်အကိုင် ရှာဖွေရေး အေဂျင်စီများကို အရေးယူမှု အားနည်းသည့်အတွက် လက်ရှိ၌ ပိုမိုများပြားလာခြင်းဖြစ်ကြောင်း အိမ်နီးချင်း နိုင်ငံများတွင် အလုပ်သမားအရေး ဆောင်ရွက်နေသူများက CNI သတင်းဌာနသို့ ပြောသည်။
ထိုသို့ များပြားလာခြင်းမှာ အလိမ်ခံလိုက်ရသူများအနေဖြင့် မည်ကဲ့သို့ တိုင်ကြားရမည်ကို မသိရှိခြင်းနှင့် အချိန်ကုန် ငွေကုန်မည်ကို စိုးရိမ်ခြင်းတို့ကြောင့် ဖြစ်သည်။
တရားမဝင် အေဂျင်စီ၊ ပွဲစားများနှင့်ပတ်သက်၍ တိုင်ကြားမှု နည်းပါးခြင်းမှာလည်း အကြောင်းအရင်း တစ်ရပ် ဖြစ်ကြောင်း ထိုင်းအခြေစိုက် မြန်မာရွှေ့ပြောင်း အလုပ်သမားအရေး ကူညီဆောင်ရွက်ပေးနေသူ ကိုသားကြီးက CNI သတင်းဌာနသို့ ပြောသည်။
MOU ဖြင့် ပြည်ပသို့ သွားရောက်လုပ်ကိုင်မည့် မြန်မာများကိုတွေ့ရစဉ်
၎င်းက “တိုင်ကြားတဲ့သူ ရှိရင်တောင်မှ ဝန်ထမ်းတွေ အလုပ်မလုပ်တာ၊ ဝန်ထမ်းတွေ ကိုယ်တိုင်ကလည်း လိုင်စင် ထုတ်ထားပေးတဲ့ အေးဂျင့်တွေနဲ့ ပေါင်းစားတာ၊ လိုင်စင်မရှိဘဲနဲ့ နယ်မှာ လူစုဆောင်း ငွေကြေး ကောက်ခံတဲ့ သူတွေနဲ့ အခြားခြားသော အဖွဲ့အစည်းတွေနဲ့ ပေါင်းစားခြင်းဟာ၊ အရေးယူမှု မလုပ်ခြင်းဟာ ကျနော်တို့ တိုင်း ပြည်ရဲ့ အခြေအနေပေါ်မှာလည်း မူတယ်ပေါ့။ ဥပဒေစိုးမိုးမှု လုံးဝမရှိတာ ဖြစ်တဲ့အတွက် ဝန်ထမ်းတွေ ကလည်း လုံးဝ ကြောက်ရွံမှု မရှိလို့ ဒီအတိုင်း ပြဿနာတွေဟာ ပိုမိုများပြားလာတာကို တွေ့ရတယ်။ အ.လ.ည (အလုပ် သမား ညွှန်ကြားရေးဦးစီးဌာန)မှာ တာဝန်ယူထားတဲ့ ဌာနတစ်ခုလုံးဟာ ဒီအလုပ်သမားအရေးမှာ အမည်ခံ ဌာန တစ်ခုလို့ ကျနော်တို့ သုံးသပ်လို့ရတယ်။ ဘာကြောင့်လဲဆိုတော့ ဒီလို social media ခေတ်ကြီးထဲမှာ ထိုင်းမှာ အခြေစိုက်တဲ့ ကျနော်တို့လို အလုပ်သမားအရေး အဖွဲ့အစည်းတွေဟာ ပြည်တွင်းထဲမှာဖြစ်တဲ့ ပြဿနာတွေကို အချိန်နဲ့တပြေးညီ သိတယ်။ ဒီ အ.လ.ည ဌာနက မသိဘူးဆိုတာ ဒါလုံးဝ မဖြစ်နိုင်တဲ့ ကိစ္စကြီး။ လိုရင်း တိုရှင်း ပြောရင်တော့ အဂတိ မကင်းတာရယ်၊ မိမိတာဝန်ယူထားတဲ့ အလုပ်အပေါ်မှာ တာဝန် မကျေတာရယ်ပေါ့။ တစ်ဖက်ကလည်း ဒီ တရားမဝင် လူပွဲစားတွေဟာ ငွေကြေးတွေကို မတရားကောက်ခံ ပြီးတော့မှ သက်ဆိုင်ရာ အေဂျင်စီတွေကို အပ်တယ်။ ဒီအေဂျင်စီတွေဟာလည်း အ.လ.ညကို ဂါဝရတရားအနေနဲ့ ကန်တော့ရတာတွေ ဘာတွေ ငွေကြေးတွေ ပေးဆောင်ရတာတွေ ရှိတယ်။ အဲဒီတော့ ဒီလို ပေါင်းစားတဲ့ အနေအထားတစ်ခုပေါ်မှာ မတရားမှုကြီးက ပျောက်သွားတာပေါ့။ အရေးယူမှုတွေ အားနည်းသွားတယ်” ဟု ပြောသည်။
တရားမဝင် အေဂျင်စီနှင့် ပွဲစားများမှာ ယခင်ကတည်းက ရှိကြခြင်းဖြစ်သော်လည်း ယခုနောက်ပိုင်း ပြည်ပတွင် သွားရောက် အလုပ်လုပ်ကိုင်လိုသူ အင်မတန် များပြားလာသည့်အတွက် ပို၍ များပြားလာကြခြင်း ဖြစ်သည်။
တရားမဝင် လာရောက်သည့် မြန်မာများကိုဖမ်းမိစဉ်
၎င်းတို့နှင့် ချိတ်ဆက်ပြီး ပြည်ပ သွားရောက်သူများတွင် ငွေကြေး လိမ်လည် ခံလိုက်ရခြင်းများလည်း ကြုံရပြီး တစ်ဖက်နိုင်ငံသို့ ရောက်ပါကလည်း အလုပ်အကိုင်နှင့်ပတ်သက်၍ တာဝန်ယူမှု၊ တာဝန်ခံမှု မရှိသဖြင့် အခက်အခဲ၊ ဒုက္ခများစွာ ကြုံတွေ့ကြရကြောင်းလည်း သိရသည်။
ထို့နောက် ၎င်းတို့ကို ဖမ်းဆီး အရေးယူရာတွင်လည်း အဓိကဦးဆောင် လုပ်ကိုင်နေသည့် လူပုဂ္ဂိုလ်များကို မဖမ်းမိ ပါက တရားမဝင် အေဂျင်စီနှင့် ပွဲစားများမှာ လျော့ကျသွားမည် မဟုတ်ကြောင်း မလေးရှားတွင် မြန်မာသားများ အား ကူညီဆောင်ရွက်ပေးနေသူ ဦးဘာဘူကြီးက CNI သတင်းဌာနသို့ ပြောသည်။
၎င်းက “သူတို့အလုပ်မလုပ်လို့လည်း ဒီလို မှိုလိုပေါက်နေတယ်လို့ပဲ ပြောရတော့မှာပေါ့။ ဘယ်လိုပဲ ကြပ်မတ်ကြပ် မတ် သူတို့က ရှိနေမှာပဲလို့ ကျနော်ထင်တယ်။ သူတို့ကို ကြပ်မတ်ပြီးတော့ ထိန်းချုပ်ဖို့ ဆိုတာတော့ မလွယ်ဘူး ပေါ့နော်။ အဲဒီတော့ နိုင်ငံခြားသွားချင်တဲ့လူတွေ ကိုယ်တိုင်ကိုကသာ ဝေဖန် ခွဲခြားပြီးတော့ လုပ်ဖို့ လိုအပ်တာ ပေါ့နော်။ အခုအချိန်မှာကတော့ ဘယ်လိုပဲ ကြပ်မတ်ကြပ်မတ် လုပ်နေကြမှာပဲ။ အခုအချိန်မှာ ဆွေမျိုးအရင်း တောင်မှ လိမ်လည်တာတွေ ရှိပါတယ်။ ဥပမာ မလေးရှား ပို့ပေးမယ်ဆိုပြီးတော့ ဦးလေးတို့၊ ညီအစ်ကို ဝမ်းကွဲ တို့ကိုခေါ်၊ ခေါ်ပြီးတော့ ဒီလည်းရောက်ရော အဆင်မပြေမှုတွေဖြစ် အဖမ်းအဆီးခံရ။ အဲဒီလိုမျိုး ရှောင်ထွက် သွား တာတွေ အများကြီးပါပဲ။ တကယ်ပဲ တာဝန်ယူမှု၊ တာဝန်ခံမှုရှိတဲ့ ပွဲစားအေးဂျင့်ဆိုတာ မရှိသလောက်ပါပဲ။ ဒီပွဲစား တို့ အေးဂျင့်တို့ ဘာတို့ကတော့ ထိန်းချုပ်ဖို့ အတွက်ကတော့ မလွယ်ပါဘူး။ သူတို့ နီးစပ်ရာ နီးစပ်ရာနဲ့ လုပ်စားနေ ကြမှာပဲ။ အဲဒီတော့ အဲဒီလို ထိန်းချုပ်လိုက်လို့ရှိရင် တကယ့် ခေါင်သမားက လွတ်ခဲ့ရင်တောင်မှ သူ့ အပွှားလေး တွေကို ဆက်ခိုင်းနေဦးမှာပဲ။ အဲဒီအတွက်ကြောင့် သူတို့ကို ထိန်းချုပ်ဖို့ဆိုတာ လုံးဝမလွယ်ပါဘူး” ဟု ပြောသည်။
MOU ဖြင့် ပြည်ပသို့ သွားရောက်လုပ်ကိုင်မည့် မြန်မာများကိုတွေ့ရစဉ်
ယခုနောက်ပိုင်း ပြည်ပအလုပ်အကိုင် အေဂျင်စီများသည် ၎င်းတို့၏ လုပ်ငန်းအမည်အား ဆိုင်းဘုတ်ချိတ်ဆွဲခြင်း၊ တပ်ဆင်ခြင်းမျိုး မရှိသည့်အတွက် ထိုအေဂျင်စီသည် တရားဝင် ဟုတ်၊ မဟုတ်အား သိရှိနိုင်ရန် ခက်ခဲလှသည်။
အလုပ်သမားဝန်ကြီးဌာန အနေဖြင့်လည်း တရားမဝင် အေဂျင်စီများနှင့် ပတ်သက်၍ ကွင်းဆင်း စစ်ဆေးမှုများ မပြုလုပ်နိုင်သဖြင့် တရားမဝင် အေဂျင်စီ၊ ပွဲစားများအား တိုင်ကြားမည်ဆိုပါက မိမိတို့မြို့နယ်ရှိ သက်ဆိုင်ရာ အလုပ်သမားညွှန်ကြားရေးဦးစီးဌာနသို့ ဆက်သွယ်ပေးပို့ တိုင်ကြားနိုင်ကြောင်း သိရသည်။
မြန်မာနိုင်ငံတွင် နိုင်ငံရေး အခြေအနေနှင့် အလုပ်အကိုင် ရှားပါးမှုတို့ကြောင့် လစဉ် မြန်မာနိုင်ငံသား လေးသောင်း နီးပါးသည် ပြည်ပသို့ ထွက်ခွာနေကြောင်း ရွှေ့ပြောင်းသွားလာခြင်းဆိုင်ရာ နိုင်ငံတကာအဖွဲ့အစည်း (IOM) က ထုတ်ပြန်ထားသည်။
- By CNI
- Category: နိုင်ငံရေး
- Hits: 1203
CNI News
၂၀၂၃ ခုနှစ်၊ ဇန်နဝါရီ ၂
နွေဦးတော်လှန်ရေးကနေ ပေါက်ဖွားလာသော တော်လှန်ရေး အဖွဲ့အစည်းများထဲမှ ပြည်သူ့ထောက်ခံမှုကို ရရှိ ထားပြီး တော်လှန်ရေးဆန်သော အဖွဲ့အစည်းအချို့နှင့် လက်တွဲသွားမည်ဟု ညီနောင်မဟာမိတ်(AA-MNDAA- TNLA)မှ ဇန်နဝါရီ ၁ ရက်နေ့က ထုတ်ပြန်ခဲ့သည်။
မြန်မာ့တပ်မတော်မှ အရပ်သားအစိုးရကို ဖြုတ်ချခဲ့ပြီးနောက် ဖြစ်ပေါ်လာသော လက်ရှိ ပြည်တွင်းရေး၊ စစ်ရေး၊ နိုင်ငံရေး မတည်ငြိမ်မှုများကြောင့် စစ်ဘေးဒဏ်သင့် ပြည်သူလူထု၏ ခံစားနေရသော ခံစားချက်များအား ထပ်တူ စာနာ နားလည်ကြောင်း ထုတ်ပြန်ချက်တွင် ဖော်ပြထားသည်။
၎င်းတို့က “မိမိတို့ ညီနောင်မဟာမိတ် ၃ ဖွဲ့အနေဖြင့် နွေဦးတော်လှန်ရေးမှ ပေါက်ဖွားလာသော တော်လှန်ရေး အဖွဲ့အစည်းများထဲမှ ပြည်သူ့ထောက်ခံမှုကို ရရှိထားပြီး တော်လှန်ရေးဆန်သော အဖွဲ့အစည်းအချို့နှင့် လက်တွဲ ကာ မိမိတို့အားလုံးနှင့် မြန်မာပြည်သူတစ်ရပ်လုံး မျှော်မှန်းထားသော ဘုံရန်မှန်းချက် ပြည့်ဝစေရန်၊ လက်ရှိ အခြေအနေကို အကောင်းဆုံး ကျော်လွှားနိုင်ရန်နှင့် စစ်အာဏာရှင်စနစ်ကို တိုက်ထုတ်နိုင်ရန်အတွက် လုပ်သင့် လုပ်ထိုက်သည်များကို ဆက်လက် လုပ်ဆောင်သွားမည်” ဟု ထုတ်ပြန်ချက်တွင် ပြောကြားထားသည်။
BPLA တပ်ဖွဲ့ကိုတွေ့ရစဉ်(BPLA-fb)
AA၊ MNDAA၊ TNLA တို့ ပြောသည့် တော်လှန်ရေးဆန်သည့် အဖွဲ့အစည်းဆိုသည်မှာ မည်သည့် အဖွဲ့အစည်းကို ရည်ညွန်းကြောင်း တိတိကျကျ မဖော်ပြထားပေ။ နွေဦးတော်လှန်ရေးကနေ ပေါက်ဖွားလာသော အဖွဲ့အစည်းများ မှာ အမျိုးသားညီညွတ်ရေးအတိုင်ပင်ခံကောင်စီ(NUCC)၊ အမျိုးသားညီညွတ်ရေးအစိုးရ(NUG)၊ ပြည်ထောင်စု လွှတ်တော်ကိုယ်စားပြုကော်မတီ(CRPH)ပြည်သူ့ကာကွယ် ရေးတပ်ဖွဲ့(PDF)၊ ဒေသကာကွယ်ရေးတပ်ဖွဲ့(LDF)၊ ကရင်နီအမျိုးသားကာကွယ်ရေးတပ်ဖွဲ့(KNDF)၊ ဗမာပြည်သူ့ လွတ်မြောက်ရေးတပ်တော်(BPLA)တို့ ဖြစ်သည်။
ညီနောင်မဟာမိတ် ၃ ဖွဲ့အနေဖြင့် စစ်အာဏာရှင်စနစ်ကို တစိုက်မတ်မတ် တော်လှန်နေသည့် အဖွဲ့အစည်း ဖြစ် ကြောင်း၊ တော်လှန်ရေးဆန်သော အဖွဲ့အစည်းနှင့် ပေါင်းစပ်မည်ဆိုခြင်းက ဖြစ်သင့်ကြောင်း ရခိုင်နိုင်ငံရေးသမား ဦးဖေသန်းက CNI သတင်းဌာနသို့ ပြောသည်။
၎င်းက “သူတို့ရဲ့ ဒီနေ့ တော်လှန်ရေး ဆန်တဲ့ အဖွဲ့အစည်းတွေနဲ့ ပေါင်းစပ်မယ်၊ ဆောင်ရွက်မယ်ဆိုတာလည်း တကယ့် ဖြစ်သင့်ပါတယ်၊ တော်လှန်ရေးဆန်တဲ့ အဖွဲ့အစည်းတွေကို သူတို့အနေနဲ့ ဘယ်အဖွဲ့တွေကို သတ်မှတ် ပြီးတော့ ဘယ်လိုလုပ်မလဲဆိုတာကိုပဲ ကျနော်တို့ ကြည့်ရမှာပေါ့နော်၊ ဒါကလည်းပဲ တစ်စုံတစ်ရာ အတိုင်းအတာ အထိ တစ်ခုတော့ ဖြစ်လာနိုင်တယ်လို့ ကျနော်ထင်တယ်၊ ဘာဖြစ်လို့လဲဆိုတော့ အခုအမေရိကန်က ချမှတ်ထား တဲ့ အကူအညီပေါ့နော်၊ အဲဒီအကူအညီ မျိုးကလည်း ဆက်စပ်နေတယ်လို့ ကျနော်ထင်တယ်၊ အဲဒီ ကွန်ယက် အကျိုးဆက်နဲ့လည်း ဒါက ဆက်စပ်ကောင်း၊ ဆက်စပ်နိုင်တယ်၊ တစ်ခါတည်း တွဲပြီးလုပ်နိုင်တဲ့ အခွင့်အရေးမျိုး လည်း ပါလာကောင်း ပါလာနိုင်တယ်၊ ဒါကြောင့် သူတို့အနေနဲ့ အင်အားကို မပြန့်သွားအောင် တစ်စုတစ်စည်း လုပ်ပြီးတော့ တော်လှန်ချင်တဲ့ သဘောလည်း ပါတယ်လို့ ယူဆတယ်” ဟု ပြောသည်။
တော်လှန်ရေးဆန်သည့် အဖွဲ့အစည်းဆိုသည်မှာ ၎င်းတို့ စံသတ်မှတ်ချက်နှင့် ဆိုင်မည်ဖြစ်ကြောင်း၊ သို့သော်လည်း နွေဦးတော်လှန်ရေး အင်အားစုများနှင့် လိုအပ်သည်များကို ပူးပေါင်းမည် ဖြစ်သည့်အတွက် ကြိုဆိုကြောင်း နိုင်ငံ ရေး လေ့လာသုံးသပ်သူ ဦးသန်းစိုးနိုင်က CNI သတင်းဌာနသို့ ပြောသည်။
TNLA တပ်ဖွဲ့ကိုတွေ့ရစဉ်
၎င်းက “တော်လှန်ရေးဆန်တဲ့ အဖွဲ့အစည်းတွေနဲ့ လက်တွဲသွားမယ်ဆိုတာကတော့ သူတို့က သူ့ရဲ့ သီးခြား အစီအစဉ်နဲ့ သီးခြားလုပ်ကိုင်နေတဲ့ အနေအထားတွေအောက်မှာ ဘယ်အဖွဲ့က တော်လှန်ရေးဆန်တယ်၊ ဘယ် အဖွဲ့က တော်လှန်ရေး မဆန်ဘူးဆိုတာ သူတို့ရဲ့ စံထားချက်နဲ့ သတ်မှတ်ချက်ကိုတော့ ကျနော်တို့လည်း အပြည့် အစုံ နားမလည်ပါဘူးခင်ဗျ၊ သို့သော် အခုက နွေဦးတော်လှန်ရေးမှာ လုပ်နေတဲ့ ဦးဆောင်နေတဲ့ NUG၊ CRPH စတဲ့ အဖွဲ့အစည်းတွေရဲ့ တိုက်ရိုက်ခေါင်းဆောင်မှုကိုတော့ သူတို့ ခံယူမထားတာကို ကျနော်တွေ့ရပါတယ်၊ အဲဒီတော့ သူတို့က ဘယ်သူတွေနဲ့ပေါင်းပြီး ဘယ်သူတွေနဲ့ မပေါင်းဘူးဆိုတာတော့ ကျနော်တို့ အဓိပ္ပာယ်ဖွင့်ဖို့ ခက်ပါတယ်၊ လက်တွေ့ လှုပ်ရှားမှုကနေပဲ ကြည့်ပြီးတော့ ပြောဆိုရမယ်လို့ ယေဘူယျထင်ပါတယ်၊ ဒါပေမဲ့ ဘယ်လိုပဲ ဖြစ်ဖြစ် နွေဦးတော်လှန်ရေး အင်အားစုတွေ အသိအမှတ်ပြုပြီးတော့ လိုအပ်တဲ့နေရာမှာ သူတို့ ပူးပေါင်း ပါဝင်မယ်ဆိုတဲ့ သဘောထားတွေ ဖော်ပြလာတဲ့အတွက်တော့ ကျနော်တို့ ကြိုဆိုရမယ်လို့ ကျနော်မြင်ပါတယ် ခင်ဗျ” ဟု ပြော သည်။
၂၀၂၁ ခုနှစ်၊ ဖေဖော်ဝါရီ ၁ ရက်နေ့က မြန်မာ့တပ်မတော်မှ အာဏာရယူပြီးနောက် ဆန့်ကျင်ဆန္ဒပြမှုနှင့်အတူ လက်နက်ကိုင် တော်လှန်ရေးကို ဆင်နွှဲနေကြသည်။
- By CNI News
- Category: နိုင်ငံရေး
- Hits: 605
CNI News
၂၀၂၃ ခုနှစ်၊ ဇန်နဝါရီ ၁
ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးအတွက် နစက အနေဖြင့် ဘက်ပေါင်းစုံကနေ ရှိသမျှတံခါးများအားလုံးဖွင့်ထားသည်ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။
၂၀၂၃ ခုနှစ် နှစ်သစ်ကူးမိန့်ခွန်းတွင် အထက်ပါအတိုင်း ၎င်းက ပြောကြားခဲ့ခြင်းဖြစ်သည်။
တိုင်းရင်းသား ညီအစ်ကိုမောင်နှမများ ဒီမိုကရေစီအခွင့်အရေးများ မဆုံးရှုံးစေဖို့ တိုင်းရင်းသား ဒေသများ အပါအဝင် တစ်နိုင်ငံလုံး နေရာအနှံ့ အကြားအလပ်မရှိ ရွေးကောက်ပွဲ ကျင်းပနိုင်ရန် ကြိုးစားဆောင်ရွက်နေ ရှိကြောင်း၊ တိုင်းပြည်ကို မူလအခြေအနေအတိုင်း အေးချမ်းစေဖို့ ဆောင်ရွက်နေကြောင်း ဗိုလ်ချုပ်မှူးကြီးမင်း အောင်လှိုင်က ပြောသည်။
၎င်းက “ ကျနော်တု့အားလုံး အတူတကွ လျှောက်လှမ်းချင်တဲ့ စစ်မှန်စည်းကမ်းပြည့်ဝတဲ့ ဒီမိုကရေစီစနစ် ခိုင်မာစေရန်နဲ့ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စုတည်ဆောက်ရေးအတွက် ယခု ရှိပြီး သားထက် ပိုမိုတဲ့ ပေါင်းစည်းညီညွတ်မှုများနဲ့ ရှေ့ကို ခရီးဆက်ရမှာပဲဖြစ်ပါတယ်။ အဲဒီလို ခရီးဆက်နိုင်အောင် လည်း နိုင်ငံတော်စီမံအုပ်ချုပ်ရေးကောင်စီအနေနဲ့ ဘက်ပေါင်းစုံကနေ ရှိသမျှတံခါးများ အားလုံး ဖွင့်လျက် လက် ကမ်းကြိုလျက်ရှိနေပါတယ်”ဟု ပြောသည်။
ဘက်ပေါင်းစုံ ရှိသမျှတံခါးများ အားလုံးဖွင့်ထားသည်ဆိုသည့်အထဲတွင် လက်ရှိနိုင်ငံရေး ပဋိပက္ခကို တွေ့ဆုံ ဆွေးနွေးသွားမည့် အခြေအနေ ပါ/မပါကိုတော့ သေချာထည့်သွင်းပြောသွားခြင်း မတွေ့ရပေ။
ထို့နောက် ပြီးခဲ့သည့် ၂၀၂၂ ခုနှစ်ကာလမှာ ကမ္ဘာမှာ ဘာတွေဖြစ်ခဲ့သလဲဆိုသည့် နိုင်ငံတကာ အရေးအခင်း အချို့ကို မိမိတို့ ကြည့်ဖို့လိုအပ်မှာဖြစ်ကြောင်း၊ ၂၀၂၃ ခုနှစ်မှာ မိမိတို့ တိုင်းရင်းသား ညီအစ်ကိုအားလုံး ပိုမို သတိရှိရမည်ဖြစ်ကြောင်း၊ ထိုအခြေအနေများကို ကျော်လွှားနိုင်ဖို့ဆိုရင် ပြည့်အင်အားသည် ပြည်တွင်းမှာသာ ရှိသလို မိမိတို့အားလုံး စည်းလုံးစွာနှင့် ကျော်ဖြစ်ဖို့လိုမည်ဖြစ်ကြောင်း နစကဥက္ကဋ္ဌက ပြောသည်။
၎င်းက “ ကုန်လွန်ခဲ့ပြီဖြစ်တဲ့ ၇၅ နှစ်တာကာလအတွင်း နိုင်ငံနဲ့လူမျိုးအတွက် အကျိုးမပြုစေခဲ့တဲ့ အတွေးအခေါ် များနဲ့ လုပ်ဆောင်ချက်များကို ချန်ရစ်ခဲ့ပြီး နိုင်ငံတော်အတွက် အကျိုးဖြစ်ထွန်းစေမယ့် အပြုသဘော ဆောင် ရွက်ချက်များကို မြန်မာစိတ် မွေးပြီးတော့ စည်းစည်းလုံးလုံး လုပ်ကိုင်သွားကြမယ်ဆိုရင် ကျနော်တို့ သွားချင်တဲ့ ပန်းတိုင်ကို မလွဲမသွေရောက်ရှိမှာပဲ ဖြစ်ပါတယ်”ဟု ပြောသည်။
၂၀၂၃ ခုနှစ်သည် မိမိတို့နိုင်ငံ လွတ်လပ်ရေးရတာ ၇၅ နှစ်ပြည့် စိန်ရတုတိုင်ခဲ့ပြီဖြစ်သလို တစ်နိုင်ငံလုံး အတိုင်း အတာအနေနှင့် ဖွံ့ဖြိုးတိုးတက်ရေးနှင့်ငြိမ်းချမ်းရေး၏ အသီးအပွင့်များကို ခံစားဖို့ အစပျိုးသည့် နှစ်တစ်နှစ်ဖြစ် ကြောင်း၊ မြန်မာ့နိုင်ငံရေး အချိုးအကွေ့တစ်ခုမှာ သမိုင်းကောာင်းတစ်ခုကို ဖန်တီးနိုင်မည့် အခွင့်အရေးကောင်း တစ်ခုအား တိုင်းရင်းသားပြည်သူများ ပိုင်ဆိုင်ခွင့်ရသည့် နှစ်တစ်နှစ်ဖြစ်သည့်အတွက် ယခု အခွင့်အရေးကို အရ ယူနိုင်ဖို့ မျှော်လင့်ကြောင်း ဗိုလ်ချုပ်မှူးကြီးမင်းအောင်လှိုင်က ပြောသည်။
- By CNI
- Category: နိုင်ငံရေး
- Hits: 429
CNI News
၂၀၂၂ ခုနှစ်၊ ဒီဇင်ဘာ ၃၁
၂၀၂၂ ခုနှစ်ကို ငြိမ်းချမ်းရေးနှစ်ဟု သတ်မှတ်ကြောင်း နစက ဥက္ကဋ္ဌက ပြောကြားခဲ့ပြီးနောက် နိုင်ငံရေး အသိုင်း အဝိုင်းတွင် ငြိမ်းချမ်းရေးနှစ် ဖြစ်ခဲ့ပါသလား ဆွေးနွေးငြင်းခုံလျက်ရှိနေသည်။
တစ်နိုင်ငံလုံး တရားဥပဒေမရှိပဲ ခုခံတော်လှန်မှုများ ဖြစ်ပေါ်နေသည့်အတွက် ၂၀၂၂ ခုနှစ်က ငြိမ်းချမ်းရေးနှင့် အလှမ်းဝေးသွားသည့် နှစ်ဖြစ်ကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) မှ အထွေထွေ အတွင်း ရေးမှူး စိုင်းလိတ်က CNI သတင်းဌာနသို့ ပြောသည်။
ဦးစိုင်းလိတ်က “အတိအကျ ပြောရရင်တော့ လုံးဝမဖြစ်ခဲ့ပါဘူးခင်ဗျ၊ ၂၀၂၂ ခုနှစ်ဟာ ကျနော်တို့ မြန်မာပြည် လွတ်လပ်ရေး ရပြီးနောက်ပိုင်း တစ်လျှောက်မှာ အဆိုးဝါးဆုံး ခုခံတော်လှန်အုံကြွမှုတွေ ဖြစ်ပေါ်တဲ့နှစ်လို့ ပြောလို့ ရမယ်၊ Rule of Law လို့ ပြောတဲ့ တရားဥပဒေစိုးမိုးရေး လုံးဝ မရှိဘဲနဲ့ ခုခံတော်လှန်မှုတွေကလည်း တပြည်လုံး အနှံ့ အုံကြွမှု ဖြစ်တယ်၊ ဒါကြောင့်မို့လို့ ငြိမ်းချမ်းရေးနဲ့ လုံးဝအလှမ်းဝေးသွားတဲ့ နှစ်လို့ ကျနော်သုံးသပ် ပါတယ် ခင်ဗျ” ဟု ပြောသည်။
နစက ဥက္ကဋ္ဌက လက်ရှိ ၂၀၂၂ ခုနှစ်ကို ငြိမ်းချမ်းရေးနှစ်ဟု သတ်မှတ်ပြီးနောက် တိုင်းရင်းသားလက်နက်ကိုင် အဖွဲ့အစည်း (EAOs) ၁၀ ဖွဲ့နှင့် တွေ့ဆုံ၍ ငြိမ်းချမ်းရေး ဆွေးနွေးခဲ့သည်။
PDF တပ်ဖွဲ့နဲ့ ဦးမန်း၀င်းခိုင်သန်းကိုတွေ့ရစဉ်
နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ပြောသည့် ငြိမ်းချမ်းရေးနှစ်သည် တိုင်းရင်းသား လက်နက်ကိုင် အဖွဲ့အစည်း (EAOs) များနှင့် ဖြစ်သည့် ပဋိပက္ခကိုဆိုလိုကြောင်း နိုင်ငံရေးလေ့လာသုံးသပ်သူ ဦးရဲထွန်းက CNI သတင်းဌာနသို့ ပြောသည်။
ဦးရဲထွန်း “ငြိမ်းချမ်းရေးရလား၊ မရလားက ခင်ဗျားတို့ မျက်မြင်ပဲလေ၊ ဒါပေမဲ့ သူအဲဒီလို ပြောတဲ့ဟာက သူ့စိတ် ထဲမှာ ရည်မှန်းပြီးပြောတာက တိုင်းရင်းသား လက်နက်ကိုင် အဖွဲ့အစည်းတွေနဲ့ ဖြစ်တဲ့ ပဋိပက္ခကို ရည်ရွယ်ပြီး တော့ ပြောတာပါ၊ NUG၊ PDF တွေနဲ့ ဖြစ်တဲ့ ပဋိပက္ခကိုတော့ သူက အဲဒါဟာ အကြမ်းဖက် လုပ်ရပ်တွေဖြစ် တယ်၊ အပြုတ်တိုက်ရမယ်လို့ သူက ပြောထားတာ ရှိသလို NUG၊ PDF တွေဖက်ကလည်း စစ်အစိုးရကို၊ စစ်တပ် ကို နိုင်ငံရေးကနေ ဖယ်ထုတ်ပစ်ရမယ်၊ စစ်တပ်ကို ဖြိုဖျက်ပြီးတော့ ပြည်သူ့တပ်မတော်အသစ်နဲ့ အစားထိုးရ မယ်ဆိုတဲ့ နောက်ဆုံး အဲဒီလို ပြောထားတာ တွေ့ရတယ်၊ ဒါကြောင့်မို့လို့ နှစ်ဖက် အပြုတ်တိုက်ရေးလမ်းစဉ်ကို ပျော်ပျော်ကြီး ဆက်လက် ချီတက်နေကြတာပေါ့ဗျာ၊ အခုကတော့” ဟု ပြောသည်။
တစ်နိုင်ငံလုံးအနှံ အကြမ်းဖက်မှုများ ဖြစ်ပွားနေသည့် ၂၀၂၂ ခုနှစ်ကို ငြိမ်းချမ်းရေးလုပ်ငန်းစဉ် အောင်မြင်သည်ဟု ပြော၍မရကြောင်း နိုင်ငံရေးလေ့လာသုံးသပ်သူ ဦးသန်းစိုးနိုင်က CNI သတင်းဌာနသို့ ပြောသည်။
ဗိုလ်ချုပ်ကြီးယွက်စစ်နဲ့ ဗိုလ်ချုပ်မှူးကြီးမင်းအောင်လှိုင်တွေ့ဆုံစဉ်
ဦးသန်းစိုးနိုင်က “ဒီ ၂၀၂၂ ခုနှစ်အတွင်းမှာ ကျနော်တို့ EAO တွေ NUG ခေါင်းဆောင်မှုထားတဲ့ PDF တွေနဲ့ ထိတွေ့ တိုက်ပွဲက အကြိမ်ပေါင်း ၉၀၀၀ ကျော် ရှိပါတယ်။ မီးရှို့ဖျက်ဆီးမှုကလည်း အိမ်ခြေ ၄၀၀၀၀ ကျော်ရှိပါတယ်။ ဖမ်းဆီးထားတာကလည်း ၁၀၀၀၀ ကျော်ရှိပါတယ်၊ အဲဒီထဲမှာ ကျနော်တို့ သေဒဏ်ပေးထားတဲ့ လူလည်း ရာကျော် ရှိပါတယ်၊ အဲဒီလို အခြေအနေ ကြုံတွေ့နေရတဲ့ ဗမာပြည်မှာ ဘယ်လိုလုပ်ပြီးတော့ ငြိမ်းချမ်းရေး ဆိုတာ အောင်မြင်တဲ့ နှစ်လို့ ဘယ်လိုလုပ်ပြောမှာလဲ၊ သူငြိမ်းချမ်းရေးဆွေးနွေးနေတဲ့ အဖွဲ့အစည်းတွေ ဆိုတာ လည်း စစ်ကောင်စီနဲ့ ဘယ်လိုမှ စစ်ရေးပဋိပက္ခ၊ နိုင်ငံရေးပဋိပက္ခမရှိတဲ့ အဖွဲ့ငယ်လေးတွေနဲ့ပဲ မဟုတ်ဘူးလား၊ အဲဒီတော့ စစ်ရေးပဋိပက္ခ မရှိဘဲနဲ့ ငြိမ်းချမ်းရေး တည်ဆောက်မယ်ဆိုတော့ သူတို့နဲ့က ဘာအဓိပ္ပာယ်မှ မရှိဘူး လေဗျာ၊ ငြိမ်းချမ်းရေးက ဘယ်လိုမှ ဖြစ်နိုင်ခြေမရှိဘူး။ သူတို့က ငြိမ်းချမ်းပြီးသားပဲ သူတို့နဲ့ တိုက်နေတာမှ မဟုတ်ဘဲနဲ့ တိုက်နေတဲ့ အဖွဲ့တွေကြတော့ အကြမ်းဖက်အဖွဲ့ဆိုပြီးတော့ ဆွေးနွေးဖို့ ငြင်းဆိုထားတဲ့ စစ်ကောင်စီ ဟာ ဒီနှစ်အတွင်းမှာ ငြိမ်းချမ်းရေးဖော်ဆောင်နိုင်တယ်လို့ ပြောရင်တော့ နိုင်ငံရေးအရတော့ အတော်ရီစရာ ကောင်းတဲ့ ပျက်လုံးလို့ပဲ ပြောရမှာပေါ့” ဟု ပြောသည်။
လက်ရှိတွင် မြန်မာ့တပ်မတော်နှင့် တိုင်းရင်းသား လက်နက်ကိုင် အဖွဲ့အစည်းများဖြစ်သည့် ကရင်အမျိုးသားအစည်းအရုံး(KNU)၊ကချင်လွတ်လပ် ရေးတပ်မတော်(KIA)၊ ကရင်နီအမျိုးသားတိုးတက်ရေးပါတီ(KNPP)၊ ချင်းအမျိုးသားတပ်ဦး(CNF)၊ ဒေသ ကာကွယ်ရေးတပ် (PDF) ပူးပေါင်းတပ်တို့အကြား ကရင်ပြည်နယ်၊ ကယား(ကရင်နီ) ပြည်နယ်၊ ချင်းပြည်နယ်၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးတို့တွင် တိုက်ပွဲများ ဖြစ်ပွားလျက်ရှိသည်။
- By CNI
- Category: နိုင်ငံရေး
- Hits: 357
CNI News
၂၀၂၂ ခုနှစ်၊ ဒီဇင်ဘာ ၃၀
ရှမ်းပြည်နယ်မြောက်ပိုင်း၊ နမ့်ခမ်းမြို့နယ်မှ ကျေးရွာအုပ်စုအချို့တွင် အထွေထွေရွေးကောက်ပွဲအတွက် လူဦးရေ စာရင်း ကောက်ရာတွင် ဗမာလူမျိုးမဟုတ်သူများကို လူမျိုးနာမည်မှာ ဗမာလူမျိုးဟု ထည့်သွင်းထားကြောင်း ဒေသခံများက ပြောသည်။
ရှမ်း၊ ပလောင်၊ ကချင် စသည့် လူမျိုးစုများ၏ နေရာတွင် ဗမာလူမျိုးဟု ထည့်သွင်းခြင်းမှာ မဖြစ်သင့်ကြောင်း ၎င်းဒေသခံများက ပြောသည်။
နမ့်ခမ်းမြို့နယ်မှ လွယ်ဟွမ်အုပ်စု ဒေသခံတစ်ဦးက “ကျနော်တို့ ဒေသမှာပေါ့၊ နမ့်ခမ်းမြို့နယ်မှာပေါ့နော်၊ တခြား မြို့နယ်လည်း ဖြစ်ကောင်းဖြစ်မှာပေါ့နော်၊ မနေ့က ကျနော်တို့ဆီ ဝင်လာတဲ့ သတင်းက ရွေးကောက်ပွဲဝင်ဖို့ အတွက်ပေါ့နော်၊ စာရင်းတွေ လိုက်ကောက်နေတယ်၊ စာရင်းတွေ လိုက်ကောက်တော့ သူတို့က ကျေးရွာအုပ်စုတွေ ပေါ့နော်၊ အုပ်ချုပ်ရေးမှူးတွေ အသီးသီးပေါ့၊ နမ့်ခမ်းမြို့နယ်ဆီ သူတို့က ပို့ပေးတဲ့ စာရင်းဇယားပေါ့၊ စာရင်းဇယား တွေ ပို့တဲ့ အချိန်မှာ ဥပမာ ကျနော်တို့ ဒေသတွေက တိုင်းရင်းသားတွေ အစုံရှိတာပေါ့နော်၊ အဲဒီတိုင်းရင်းသား အစုံ ရှိတဲ့ အထဲမှာ မဲထည့်နိုင်တဲ့ လူဦးရေ စာရင်းကောက်တာပေါ့နော်၊ အခု လဝက အလုပ်ပေါ့နော်၊ လဝက အလုပ် ကောက်တော့ သူတို့ စာရင်းက အမှားကြီး ဖြစ်နေတယ်၊ ပို့ပေးတဲ့ အုပ်စုတွေက တောင်ပေါ်ကအုပ်စု၊ ကျေးလက် က အုပ်စုတွေက တခြားတိုင်းရင်းသားကို အကုန်ဗမာလူမျိုးတွေ အကုန်ထည့်ထားတယ်၊ ဆိုတော့ ဥပမာ ပလောင် တို့၊ ရှမ်းတို့ ကချင်တွေ အဲဒါတွေကို မထည့်ဘဲ လူမျိုးနေရာမှာ ဗမာဆိုတဲ့ အကုန်ကုန်ထည့်လိုက်တယ်၊ အဲဒါ ကျေးလက်က အုပ်စုတွေ ကျနော်တို့ဆီ သတင်းတက်လာတယ်၊ ဒါမဖြစ်သင့်၊ မဖြစ်ထိုက်တဲ့ ကိစ္စပေါ့၊ ဥပမာ ဒါမျိုး လူမျိုးကို ပြောင်းတဲ့ သဘောဖြစ်သွားတာပေါ့နော်” ဟု ပြောသည်။
နမ့်ခမ်း လဝကမှ ၂၀၂၀ ခုနှစ်က မှတ်ပုံတင်ကတ်များထုတ်ပေးခြင်း အခမ်းအနားကျင်းပနေစဉ်
အချို့ကျေးရွာများမှာ တစ်ရွာလုံး ရှမ်းရွာ၊ ပလောင်ရွာများ ဖြစ်သော်လည်း လူမျိုးနာမည်တွင် ရှမ်း၊ ပလောင်ဟု ထည့်သွင်းရာတွင် ၁၀ ဦးခန့် မပြည့်ကြောင်း ၎င်းက ပြောသည်။
အဆိုပါ လူမျိုးနာမည် မှားယွင်းမှုအား ပြန်လည် ပြင်ဆင်ပြီးပြီဖြစ်ကြောင်း လွယ်ဟွမ်ကျေးရွာအုပ်စုမှ ဒေသခံ တစ်ဦးက CNI သတင်းဌာနကို ပြောသည်။
၎င်းက “သူတို့မှားတယ်လို့တော့ ပြောတာပဲ၊ ပြန်တော့ ပြင်ပြီးပြီ၊ ကျနော်တို့ကတော့ မသိပါဘူး၊ နည်းနည်းပါးပါး တော့ တစ်အုပ်စုစာလောက်ပဲ၊ အဲဒါမှားတာ ကျန်တဲ့ဟာတွေတော့ ကျနော်တို့က တွေ့ရှိတယ်၊ သူတို့က မနေ့က တင်ပြလိုက်တာ သူတို့ကတော့ ကွန်ပျူတာရဲ့ အန်တာလောက်ပေါ်မှာ မူတည်တယ်တဲ့ အဲဒါ ကလေးတွေရဲ့ မှောက်မှားမူကြောင့် ပြောတာပဲ၊ ပြန်လည်ပြုပြင်ပေးပါမယ်လို့တော့ ပြောတာပဲ” ဟု ပြောသည်။
နမ့်ခမ်းမြို့ အဝင်ကိုတွေ့ရစဉ်
ယခင်ကတည်းက ရွေးကောက်ပွဲအတွက် လူဦးရေစာရင်း ကောက်ရာတွင် အလုပ်ရှုပ်မခံချင်၍ တစ်မျိုးထဲ ရေးထည့်သည့် ဖြစ်စဉ်မျိုးလည်း ရှိခဲ့ဖူးကြောင်း တိုင်းရင်းသားခေါင်းဆောင်တစ်ဦးက ပြောသည်။
လာမည့် ၂၀၂၃ ခုနှစ်၊ ဩဂုတ်လအတွင်း အထွေထွေရွေးကောက်ပွဲ ကျင်းပသွားရန် ပြည်ထောင်စု ရွေးကောက်ပွဲ ကော်မရှင် (UEC)က ပြောကြားထားသည်။
ထို့နောက် ရွေးကောက်ပွဲ ကျင်းပနိုင်ရေးအတွက် လူဦးရေ သန်းခေါင်စာရင်းများ နိုင်ငံအတွင်း လိုက်လံကောက်ယူ နေသလို မှတ်ပုံတင်မရှိသူများ (သို့မဟုတ်) ပျောက်ရှနေသူများကိုလည်း မှတ်ပုံတင်များ ထုတ်ပေးနေကြောင်း သိရသည်။
- By CNI News
- Category: နိုင်ငံရေး
- Hits: 549
CNI News
၂၀၂၂ ခုနှစ်၊ ဒီဇင်ဘာ ၂၉
ရန်ကုန်မြို့၊ ပြည်သူ့ရင်ပြင်တွင် နိုင်ငံတကာ နှစ်သစ်ကူးပွဲတော်ကို စည်ကားသိုက်မြိုက်စွာ ကျင်းပရန် စီစဉ်ထားရှိသည့်အတွက် ၂၀၂၂ ခုနှစ်၊ ဒီဇင်ဘာ ၃၁ ရက်မှ ၂၀၂၃ ခုနှစ်၊ ဇန်နဝါရီ ၁ ရက်အထိ ညမထွက်ရအမိန့်ကို ခေတ္တပယ်ဖျက်ကြောင်း ရန်ကုန်တိုင်းဒေသကြီးအစိုးရအဖွဲ့က ယနေ့(ဒီဇင်ဘာ ၂၉ ရက်)တွင် ထုတ်ပြန်ခဲ့ သည်။
ဒီဇင်ဘာ ၃၁ ရက်နေ့ နှစ်သစ်ကူးပွဲတော် ကျင်းပမည်ဖြစ်ပြီး ထိုပွဲတော်တွင် မီးရှူးမီးပန်းများ ပစ်ဖောက်ခြင်းနှင့် စတိတ်ရှိုးပွဲများ ပါဝင်မည်ဖြစ်ကြောင်း သိရသည်။
- By CNI News
- Category: နိုင်ငံရေး
- Hits: 477
CNI News
၂၀၂၂ ခုနှစ်၊ ဒီဇင်ဘာ ၂၉
တရုတ်နိုင်ငံခြားရေးဝန်ကြီးဌာနမှ အာရှရေးရာအထူးကိုယ်စားလှယ် H.E.Mr. Deng Xijun နှင့် နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်တို့ ယနေ့ (ဒီဇင်ဘာ ၂၉ ရက်)တွင် နေပြည်တော်မှာ တွေ့ဆုံ ခဲ့ကြသည်။
အဆိုပါ တွေ့ဆုံမှုတွင် မြန်မာနိုင်ငံ၏ နိုင်ငံရေး ဖြစ်ပေါ်တိုးတက်ပြောင်းလဲမှု၊ တိုင်းရင်းသား လက်နက်ကိုင်အဖွဲ့ များနှင့် ငြိမ်းချမ်းရေး ဆွေးနွေးမှု၊ ငြိမ်းချမ်းရေး လုပ်ငန်းစဉ်များတွင် တရုတ်နိုင်ငံ၏ ကူညီဆောင်ရွက်ပေးနေမှု၊ နိုင်ငံတကာ မျက်နှာစာတွင် တရုတ်နိုင်ငံအနေဖြင့် မြန်မာနိုင်ငံဘက်မှ ရပ်တည်ဆောင်ရွက်ပေးနေမှု စသည်တို့ ကို ဆွေးနွေးခဲ့ကြကြောင်း သိရသည်။
ထို့နောက် တရုတ်နိုင်ငံအနေဖြင့် လူသားချင်း စာနာထောက်ထားမှုဆိုင်ရာ ကိစ္စရပ်များတွင် ဆက်လက် ကူညီဆောင်ရွက်ပေးနေမှု၊ မြန်မာနိုင်ငံ ဖွံ့ဖြိုးတိုးတက်ရေးအတွက် တရုတ်နိုင်ငံမှ ရင်းနှီးမြှုပ်နှံမှုများ ဆောင်ရွက် နေမှု၊ နှစ်နိုင်ငံချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ တိုးမြှင်ရေး စသည့် အခြေအနေများကိုလည်း ဆွေးနွေးခဲ့ကြောင်း သိရသည်။
Mr. Deng Xijun သည် မစ္စတာ ဆွန်ကော်ရှန်း၏ နေရာကို အစားထိုး တာဝန်ထမ်းဆောင်သွားမည့်သူ ဖြစ်သည်။
ထို့ကြောင့် အာရှရေးရာအထူးကိုယ်စားလှယ်သည် Mr. Deng Xijun လက်နက်ကိုင်အဖွဲ့များ အပါအဝင် စစ်တပ်၊ အစိုးရ ကိုယ်စားလှယ်များဖြင့် ထိတွေ့ဆက်ဆံရမည်ဖြစ်သည်။
Mr. Deng Xijun သည် ၁၉၈၅ ခုနှစ်က စစ်သံမှူးအဖြစ် ရောက်ရှိခဲ့ဖူးသည်။ ထို့နောက် ၁၉၉၀ ပြည့်နှစ်မှ ၂၀၁၇ ခုနှစ်အထိ အရှေ့တောင်အာရှနှင့် တောင်အာရှတွင် အလှည့်ကျ တာဝန်များ ထမ်းဆောင်ခဲ့သည်။
၂၀၁၇ ခုနှစ်မှ ၂၀၁၉ ခုနှစ်တွင် အာဖဂန်နစ္စတန်ရေးရာ အထူးကိုယ်စားလှယ်ဖြစ်လည်းကောင်း၊ ၂၀၂၀ ပြည့်နှစ် မှ ၂၀၂၂ ခုနှစ်အထိ အာဆီယံဆိုင်ရာ သံအမတ်ကြီးအဖြစ်လည်းကောင်း တာဝန်ထမ်းဆောင်ခဲ့ကြောင်း သိရသည်။
- By CNI
- Category: နိုင်ငံရေး
- Hits: 578
CNI News
၂၀၂၂ ခုနှစ်၊ ဒီဇင်ဘာ ၂၉
အချိုးကျကိုယ်စားပြုစနစ်(PR)ဖြင့် ရွေးကောက်ပွဲ ကျင်းပ၍ ညွန့်ပေါင်းအစိုးရတစ်ရပ် ပေါ်လာနိုင်သည်ဟု ပြောနေသည့်တိုင် မြန်မာနိုင်ငံက ညွန့်ပေါင်းစနစ်ဖြင့် အလုပ်ဖြစ်နိုင်လားဆိုသည်ကိုတော့ ကျယ်ကျယ်ပြန့်ပြန့် ဆွေးနွေး ငြင်းခုံရဦးမည်ဟု မြန်မာ့နိုင်ငံရေး အသိုင်းအဝိုင်းကြားမှာ သုံးသပ်နေကြသည်။
PR စနစ် ကျင့်သုံးရုံဖြင့် ညွန့်ပေါင်းအစိုးရဖွဲ့စည်းခြင်းမှာ လွယ်ကူသည်ဟု ပြော၍ မရသေးကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)မှ အထွေထွေအတွင်းရေးမှူး စိုင်းလိတ်က CNI သတင်းဌာနသို့ ပြောသည်။
ဦးစိုင်းလိတ်က "PR စနစ်လုပ်ရုံနဲ့ ညွန့်ပေါင်းအစိုးရ ဖွဲ့ရတာ လွယ်တယ် ခက်တယ်ဆိုတာ ချက်ချင်းပြောလို့ မရ ဘူးဗျ၊ သူတို့ ကျင့်သုံးမယ့် PR က ဘယ်လို PR စနစ်မျိုးလည်းဆိုတာ အတိအကျသိဖို့ လိုအပ်တယ်ပေါ့နော်၊ နောက် ညွန့်ပေါင်းအစိုးရ ဖွဲ့တယ်ဆိုတာကလည်း နိုင်ငံရေးအရ ခံယူချက်ချင်း တူရင်တော့ ပေါင်းလို့ရတာကိုး၊ ဆို တော့ ဒီမိုကရက်တစ် အင်အားစု အချင်းချင်း ပေါင်းလို့ရအောင် လုပ်ထားတဲ့ အနေအထားလား ဒါမှမဟုတ် ဒီမိုကရက်တစ် အင်အားစုတွေ လှုပ်ရှားလို့မရအောင် လုပ်ထားတဲ့ အနေအထားလားဆိုတာလည်း သုံးသပ်ဖို့လိုပါ တယ်၊ ညွန့်ပေါင်းစနစ်ဆိုတာက ဒီမိုကရေစီ အင်အားစုအချင်းချင်း ပေါင်းလို့ရတဲ့ ညွန့်ပေါင်းစနစ်မျိုး ဆိုရင်လည်း ကောင်းတာပေါ့၊ အဲဒီလိုမဟုတ်ဘဲနဲ့ အာဏာရလိုမှု တစ်ခုတည်းနဲ့ အနိုင်ရရင်ပြီးရော လုပ်ပြီးတော့မှ တရားမျှတ သည် ဖြစ်စေ၊ မမျှတသည်ဖြစ်စေ၊ ပေါင်းလို့ရရင်ပြီးရော ဆိုပြီးလုပ်တဲ့ စနစ်မျိုး ဆိုလို့ရှိရင်တော့ ဒါဘယ်သူ့ အတွက်မှ အကျိုးရှိတဲ့ ညွန့်ပေါင်းစနစ်မျိုး မဟုတ်နိုင်ဘူးလို့ ကျနော် ဒီလိုပဲ မြင်တယ်ဗျ" ဟု ပြောသည်။
လာမည့် ၂၀၂၃ ခုနှစ်အတွင်း PR စနစ်ဖြင့် အထွေထွေရွေးကောက်ပွဲကို ကျင်းပပေးသွားမည်ဖြစ်ကြောင်း ပြည်ထောင်စုရွေးကောက်ပွဲကော်မရှင် (UEC)က ပြောကြားထားသည်။
အမျိုးသားဒီမိုကရက်တစ်တပ်ပေါင်းစု(NDF)တွင် ပါ၀င်ကြသော တိုင်းရင်းသားများအလံကိုတွေ့ရစဉ် (GETTY IMAGES)
ညွန့်ပေါင်းအစိုးရဖွဲ့စည်းနိုင်ပါက ပါတီတစ်ခုတည်းက ထင်ရာစိုင်း၍ မရတော့ကြောင်း၊ မြန်မာပြည်တွင် လူမျိုးပေါင်းစုံ ရှိသည့်အတွက် ညွန့်ပေါင်းစနစ်က ပိုသင့်လျော်သည်ဟု ယူဆကြောင်း ရခိုင့်ဦးဆောင်ပါတီ (AFP) ဥက္ကဋ္ဌ ဒေါက်အေးမောင်က CNI သတင်းဌာနသို့ ပြောသည်။
ဒေါက်တာအေးမောင်က "ညွန့်ပေါင်းရဲ့ မတူကွဲပြားတဲ့ အယူအဆလေးတွေနဲ့ နိုင်ငံကို တည်ဆောက်ကြမှာ ဖြစ်တဲ့ အခါကြတော့ တစ်မျိုးတော့ ကောင်းတာပေါ့၊ ဘာလို့လဲဆိုရင် မြန်မာနိုင်ငံက လူမျိုးပေါင်းစုံ ရှိတာမို့လို့ ညွန့်ပေါင်း နဲ့ပဲ ပိုပြီး လျော်ညီတယ်လို့ ထင်တယ်၊ တခြားနိုင်ငံတွေလို ကမ္ဘောဒီးယားဆိုရင် ကမ္ဘောဒီးယားလူမျိုး တစ်မျိုးထဲပဲ ရှိတာ၊ ဂျပန်ကလည်း ဂျပန်လူမျိုး တစ်မျိုးထဲပဲရှိတာကို၊ ကျနော်တို့ နိုင်ငံမှာ မတူကွဲပြားတဲ့ လူမျိုးပေါင်းစုံရှိတဲ့ အခါကြတော့ မတူကွဲပြားတဲ့ အယူအဆရှိတဲ့ ပါတီတွေ သူ့ပါတီရဲ့ မူဝါဒတွေကို အကောင်အထည် ဖော်ပေးတဲ့ အစိုးရ အဖွဲ့ဝင်တွေ ပါလာရင် ပိုကောင်းတာပေါ့၊ ကတ်ဘိနက်မှာ ငြင်းကြပြုကြတဲ့ အခါတောင်မှ သူ့ဒေသ၊ ကိုယ့် ဒေသလည်း ဘတ်ဂျက်ခွဲဝေမှုက အစပေါ့ဗျာ၊ နိုင်ငံရေး၊ စစ်ရေးအထိပေါ့၊ တည်ငြိမ်အေးချမ်းအောင် ပိုပြီး စွမ်းဆောင်နိုင်မယ်ထင်တယ်" ဟု ပြောသည်။
ပြီးခဲ့သည့် ၂၀၂၁ ခုနှစ်၊ ဖေဖော်ဝါရီ ၁ ရက်နေ့က မြန်မာ့တပ်မတော်မှ အာဏာရယူပြီးနောက် ဆန့်ကျင်ဆန္ဒပြမှုနှင့် အတူ လက်နက်ကိုင် နွေဦးတော်လှန်ရေးကို ဒီမိုကရေစီအရေး တောင်းဆိုကြသူများမှ ဆင်နွှဲလျက်ရှိသည်။
ဒီမိုကရေစီအရေးတောင်းဆိုနေကြခြင်း (GETTY IMAGES)
လက်ရှိအချိန်တွင် အစိုးရဖွဲ့စည်းရေးကိစ္စများ လုပ်ဆောင်ရမည့် အချိန်မဟုတ်သေးကြောင်း၊ တော်လှန်ရေးကာလ ဖြစ်နေကြောင်း နိုင်ငံရေးလေ့လာသုံးသပ်သူ ဦးသန်းစိုးနိုင်က CNI သတင်းဌာနသို့ ပြောသည်။
၎င်းက "အဲဒါတွေ စဉ်းစားရမဲ့ အချိန်မဟုတ်ပါဘူးဗျာ၊ တစ်ဖွဲ့နဲ့တစ်ဖွဲ့ သူပြုတ်ကိုယ်ပြုတ်၊ သူပြတ်ကိုယ်ပြတ် တိုက်ကြမယ့် ခေတ်ပါ၊ ခင်ဗျား ညွန့်ပေါင်းအစိုးရတို့ အဖွဲ့အစည်းပေါင်းစုံ ပါဝင်တဲ့ဟာတွေက အဲဒါတွေက စဉ်းစား ရမယ့် အချိန်တွေလည်း မဟုတ်ပါဘူး။ လိုလည်းမလိုပါဘူး။ တစ်ဖက်ဖက်က အနိုင်ရဖို့၊ အသာစီးရဖို့၊ ပြတ်ပြတ် သားသားနိုင်ဖို့ ကျနော်တို့ လုံးပမ်းရမယ့် အချိန်ဖြစ်တယ်လို့ ကျနော်တို့ ယူဆပါတယ်" ဟု ပြောသည်။
မြန်မာနိုင်ငံတွင် မတူကွဲပြားသည့် တိုင်းရင်းသားလူမျိုး ၁၃၅ မျိုးရှိနေကြောင်း ဌာနဆိုင်ရာများ၏ ထုတ်ပြန်ချက် စာရင်းများအရ သိရသည်။
ထို့နောက် မြန်မာနိုင်ငံတွင် ၂၀၁၀ အထွေထွေရွေးကောက်ပွဲနှင့် ၂၀၁၅ အထွေထွေရွေးကောက်ပွဲများကနေ တဆင့် ပေါ်ပေါက်လာသော အစိုးရဖွဲ့စည်းမှုများတွင် အနိုင်ရသည့် ပါတီတစ်ခုတည်းကသာ အစိုးရဖွဲ့စည်းကာ အုပ်ချုပ်ခဲ့ လွှတ်တော်တွင်းနှင့် အစိုးရအဖွဲ့အစည်းအတွင်း လွှမ်းမိုး ချုပ်ကိုင်ခဲ့ကြသည်။
ထို့ကြောင့် လူနည်းစု တိုင်းရင်းသားများက ညွန့်ပေါင်းအစိုးရ ဖွဲ့စည်းရန် သို့မဟုတ် အမျိုးသားညီညွတ်ရေးအစိုးရ ဖွဲ့စည်းရန် တောင်းဆိုမှုများ ရှိခဲ့သည်။