CNI Sport News
၂၀၂၅ ခုနှစ်၊ နိုဝင်ဘာ ၃၀
မြန်မာအသင်းဟာ ၂၀၂၆ AFC ယူ-၁၇ အာရှဖလား ခြေစစ်ပွဲ အုပ်စုနောက်ဆုံးပွဲစဉ်မှာ ဆီးရီးယားအသင်းနဲ့ ၂ ဂိုးစီ သရေကျပြီး ခြေစစ်ပွဲ အောင်မြင်သွားခဲ့ပါတယ်။
မြန်မာအသင်းဟာ ဒီပွဲမတိုင်မီ ကစားခဲ့တဲ့ ခြေစစ်ပွဲအုပ်စုပွဲစဉ် ၃ ပွဲစလုံး ရာနှုန်းပြည့် နိုင်ပွဲရရှိထားတာကြောင့် ဒီပွဲမှာ အနိမ့်ဆုံး သရေတစ်မှတ် ရရှိတာနဲ့ ခြေစစ်ပွဲ အောင်မြင်မှာပါ။
အဲ့ဒါကြောင့် မြန်မာအသင်းဟာ ဆီးရီးယားအသင်းနဲ့ ပွဲစဉ်မှာ ရလဒ်ကောင်းရရှိဖို့ ကြိုးစားခဲ့ပြီး လိုအပ်နေတဲ့ သရေတစ်မှတ် ရရှိခဲ့တဲ့အတွက် ယူ-၁၇ အာရှဖလား ခြေစစ်ပွဲ အောင်မြင်ခဲ့ပါတယ်။
မြန်မာအသင်းဟာ ၂၀၀၆ ပြိုင်ပွဲနောက်ပိုင်း ယူ-၁၇ အာရှဖလားပြိုင်ပွဲကို ပထမဆုံးအကြိမ် ပြန်လည်ယှဉ်ပြိုင်ခွင့် ရခဲ့တာဖြစ်ပြီး အခုတစ်ကြိမ် အပါအဝင် ယူ-၁၇ အာရှဖလားပြိုင်ပွဲကို ၅ ကြိမ်မြောက်အဖြစ် ဝင်ရောက်ယှဉ်ပြိုင်မှာပါ။
၂၀၂၆ ယူ-၁၇ အာရှဖလားပြိုင်ပွဲကို မေလ ၇ ရက်ကနေ ၂၄ ရက်အထိ ဆော်ဒီနိုင်ငံမှာ ကျင်းပသွားမှာဖြစ်ပါတယ်။
