CNI News
၂၀၂၅ ခုနှစ်၊ ဧပြီ ၄
ကမ္ဘာ့ကျန်းမာရေးအဖွဲ့အစည်း(WHO)က မြန်မာနိုင်ငံရှိ ငလျင်ဘေးဒဏ်သင့် ပြည်သူများ ကူညီကယ်ဆယ်ရေး အတွက် အရေးပေါ် ကျန်းမာရေးပစ္စည်းများ ထောက်ပံ့ပေးပို့ခဲ့သည်။
WHO မှ ထောက်ပံ့သည့် အရေးပေါ် ကျန်းမာရေးပစ္စည်းများ တန်ချိန် ၃၅ တန်သည် ဧပြီ ၃ ရက်နေ့က မြန်မာနိုင်ငံ သို့ ရောက်ရှိခဲ့သည်။
WHO မှ မြန်မာနိုင်ငံရှိ ငလျင်ဘေးဒဏ်သင့် ပြည်သူများကို ထောက်ပံ့သည့် ဆေးဝါးများ တင်ဆောင်လာသော Moalem Aviation လေကြောင်းလိုင်းမှ Cargo Flight လေယာဉ်သည် အိန္ဒိယနိုင်ငံ၊ ကိုးက္ကတားလေဆိပ်မှ ရန်ကုန်အပြည် ပြည်ဆိုင်ရာ လေဆိပ်သို့ ဧပြီ ၃ ရက်က ရောက်ရှိခဲ့သည်။
WHO မှ လှူဒါန်းသော ပစ္စည်းများတွင် ကျန်းမာရေး အထောက်အကူပြုပစ္စည်းများနှင့် ဆေးဝါး ၁၄၈ ထုပ် ပါဝင်သည်။
