CNI News
၂၀၂၅ ခုနှစ်၊ ဧပြီ ၄
မြန်မာနိုင်ငံ၊ မန္တလေးမြို့ရှိ ငလျင်ဘေးဒဏ်သင့် ပြည်သူများကို ကျန်းမာရေး စောင့်ရှောက်မှုများ ပေးအပ် နိုင်ရေး အတွက် ဂျပန်နိုင်ငံဆေးပညာရှင်အဖွဲ့(Japan Disaster Relief Team-JDR)က ယာညီ ဆေးရုံ တစ်ခုကို တည်ဆောက် ဖွင့်လှစ်ထားကြောင်း သိရသည်။
ငလျင်ဒဏ်ကြောင့် ထိခိုက်ဒဏ်ရာရရှိခဲ့သည့် ပြည်သူလူထုများအား Japan Disaster Relief Team (JDR) ဂျပန်နိုင်ငံဆေးပညာရှင်အဖွဲ့မှ X-Ray ရိုက်ခြင်း၊ Ultrasound ရိုက်ခြင်း၊ ပြင်ပထိခိုက်ဒဏ်ရာများ၊ အရိုးကျိုး ခြင်းနှင့် အထွေထွေရောဂါများအတွက် အခမဲ့စမ်းသပ် ကုသပေးမည်ဖြစ်သည်။
အဆိုပါ ဆေးအဖွဲ့တွင် အဖွဲ့ဝင် ၃၁ ဦး ပါဝင်ပြီး ဧပြီ ၄ ရက်နေ့ မွန်းလွဲ ၁ နာရီတွင် စတင် ကုသမှုများ ပေးနိုင်မည် ဖြစ်ကြောင်း သိရသည်။
ထိုယာယီဆေးရုံကို မန္တလေးမြိုတော်စည်ပင်သာယာရေးကော်မတီရုံး၊ ၂၆ လမ်း၊ ၇၁ လမ်းx ၇၂လမ်းကြားမှာ ဖွင့်လှစ်ထားပြီး ဧပြီ ၄ ရက်မှစ၍ နေ့လယ် ၁ နာရီကနေ ညနေ ၅ နာရီထိ ကျန်းမာရေးစောင့်ရှောက်မှု လုပ်ငန်း များ ပေးအပ်မည်ဖြစ်ကြောင်း၊ ကျန်ရက်များမှာတော့ နံနက် ၉ နာရီကနေ ညနေ ၅ နာရီထိ ဖွင့်လှစ်ထားမည် ဖြစ်ကြောင်း သိရသည်။
