CNI News
၂၀၂၆ ခုနှစ်၊ ဇန်နဝါရီ ၂၀
ရှမ်းပြည်နယ်(တောင်ပိုင်း) မိုင်းပန်မြို့နယ်၊ တာဆန်းကျေးရွာအနီးရှိ သံလွင်မြစ်ကူးတံတား(တာဆန်း)ကို နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်သည် ၂၀၂၆ ခုနှစ်၊ ဇန်နဝါရီ ၂၀ ရက်က တက်ရောက်ဖွင့်လှစ်ခဲ့သည်။
ထိုတံတားသည် ရှမ်းပြည်နယ်(တောင်ပိုင်း)နှင့် ရှမ်းပြည်နယ်(အရှေ့ပိုင်း)တို့ကို ဆက်သွယ်ထားခြင်းဖြစ်၍ တောင်ကြီး-နမ့်စန်-မိုးနဲ-မိုင်းပန်-မိုင်းတုံ-မိုင်းဆတ်-တာချီလိတ် လမ်းကြောင်းကိုအသုံးပြုကာ ကုန်စည်ကူးသန်းမှု မြန်ဆန်စွာ ဆောင်ရွက်လာနိုင်မည်ဖြစ်သည်။
အဆိုပါ သံလွင်တံတား(တာဆန်း)သည် တံတားအရှည် (၈၇၆)ပေရှိပြီး ယာဉ်သွားလမ်း အကျယ် ၂၃ ပေ၊ ဆိုင် ကယ်လမ်း တစ်ဖက် ၅ ပေစီဖြင့် စုစုပေါင်း တံတားအကျယ် ၃၃ ပေရှိသည့် သံမဏိသံပေါင်တံတားဖြစ်သည်။
ထို့နောက် ရေလမ်းကင်းလွတ် အကျယ် ၂၈၀ ပေရှိပြီး ရေလမ်းကွင်းလွတ် အမြင့် ၃၄ ပေရှိကာ ပေ ၉၀၀ ရှိ သံလွင်တံတား(တာဆန်း) ကြိုးတံတားဟောင်းအနီးတွင် တည်ဆောက်ထားခြင်းဖြစ်ကြောင်း သိရသည်။
